¹ ''Mwileka ati imitima yenu ilesakamana. Sumineni muli Lesa, musumine na muli nebo. ² Mu ng'anda yaba Tata mwaliba imiputule iingi. Ngata cali fyo nganali mwebele, pandi ndimukuyamuku mupekanishisha incende. ³ Nganaya nokumupekanishisha ncende, ndinokwisa peka kuli mwebo noku mupokelela kuli nebo wine pakwebati uko ndi na mwebo bene eko mukabe. ⁴ Na wishiba uko ndimukuya.'' ⁵ Tomas alandilyati kuli Yesu, ''Shikulu, tatwishibe uko mulimu kuya, tule ishiba shani inshila?'' ⁶ Yesu alandile ena ati, ''Nine nshila, icishika, no bumi; takuli nangu umo uwa kwisa kuli Tata kano kupitila muli nebo. ⁷ Ngawa ishibe nebo, walishiba na Tata ukufuma nomba wamwishiba peka wa mumona.'' ⁸ Filipi alandile kuli Yesu ati, ''Shikulu, tulangeni ba wiso, elo twala umfwa bwino.'' ⁹ Yesu alandile kuli ena, ''Nali ba nobe inshita iitali ukwabula uku ngishiba, Filipi? Uyo onse uwambona amona naba Tata cinshi walandila ati, 'Tulange wiso?' ¹⁰ Tawasumina ati nebo naba muli ba Tata naba Tata muli nebo? Mashiwi nanda kuli webo nshilanda ukufuma ku ma ka yandi, nomba ba Tata abekala muli nebo balebomba muli nebo. ¹¹ Usumine ati naba muli ba Tata, naba Tata muli nebo, nangula kusumina pamilimo yabo. ¹² Mucishinka nalanda kuli webo, onse uusumina muli nebo akabomba imilimo iyomomba peka acita imilimo ikulu ukucila iyi pantu ndimukuya kuli Tata. ¹³ Fyo ifyomukebusha mwishina lyandi, nkabomba pakuti Tata akapelwe ululumbi mumwana. ¹⁴ Nga wangi pushapo fimo mwishina lyandi, nkapanga. ¹⁵ Ngawa ntemwa ufwile wasunga amafunde, ¹⁶ Kabili nka pepa kuli ba Tata, kabili baka mupela naumbi kasansa musha uo mukaba nao lyonse! ¹⁷ umupashi wa cishinka. Icalo teti cimupokelele pantu taca mumona kabili taca mwishiba. Lelo mwebo namu mwishiba pantu ekala muli mwebo peka akekala muli mwebo. ¹⁸ Nshaka mishe mweka; nkabwela kuli mwebo, ¹⁹ Elo mpanshita iipi icalo tacatale acimbona, lelo mwebo mukalambina. Pantu nalikalilila, namwebo bene mukekalilila. ²⁰ Pali bulya bushiku mukeshiba ati ndimuli ba Tata, nokuti mwaba muli nebo, naine ndi muli mwebo. ²¹ Onse uukwete amafunde noku yasunga uyo ewantemwa, na onse uwa ntemwa ali nokute mwikwa kuliba Tata, ka mutemwa noku ilanga nemwine kuli ena.'' ²² Yuda (te Iscariot) Kuli Yesu, ''Shikulu, ni cinshi ica kweba ati ukuilanga we mwine kuli fwebo ukukana ilanga ku calo?'' ²³ Yesu ali mwashwike nokumweba, ''Ngakuti uuli onse antemwa akasunga ishiwi lyandi. Batata baka mutemwa, nokwisa tukesa kuli ena nokwisa panga ing'anda yeesu na ena. ²⁴ Uyo ushantemwa tasunga amashiwi yandi. Ishiwi lintu mwa umfwa taya fuma kuli nebo lelo kuli batata abantumine. ²⁵ Nalande ifi fintu kuli mwebo ilyo ndi mwikwikala na mwebo. ²⁶ Nangu cibe fyo kasansamusha umupashi wa mushilo uyo batata bakatuma mwishina lyandi- aka mufundisha fyonse noku mutubulula ifingi ifyo nalandile kuli mwebo. ²⁷ Namishilo mutende; namipelo mutende wandi. Nshili mukumu pela nga filya bamipela aba pano calo. mwiba nemitima ya kusakamana, nokutina mwi tina. ²⁸ Mwalyu mfwile ifyo nalandile kuli mwebo, ndimukufumapo, nkabwela kuli mwebo; Nga mwali ntemwa, Ngamwali sansamwike pantu nebo ndimukuya kuli batata ba Tata bakulu pali nwbo. ²⁹ Ndimuku myeba apo tacila citika, ngacacitika uli nokusumina. ³⁰ Nsha kabale nkalande ifingi na mwebo, pakuti kateka wa cino calo ali mu kwisa. Takwetepo amaka pali nebo. ³¹ Pakuti calo cikeshiba ukuti nali temwa ba Tata ndacita nefyo banjeba ba Tata. Natwime tuye tufume kuno,''