¹ Nomba cali mupepi nokusefya kwa cakucilila Yesu alishibe akashita kakwe nakesa akakufuma muli cino calo nokuya kuli wishi. Peka kwata ukutemwa abakwe bene abo abali mu calo, alibatemwa ukufika kupela. ² Nomba cibanda kalekale ali cibika mu mutima wakwe Yudah Escariot, umwana mwaume wakwa simon mukubeleleka Yesu. mucakulya ca cungulo. ³ Yesu- elo uwaishibe ukumona ukuti wishi ali mupela amaka yapafintu fyonse mu minwe yakwe napeka ukuti afumine kuli Lesa kabinga ali mukubwelela kuli Lesa- ⁴ imakana ukufuma kumulilo nokulako icakufwala. Eico abulile itaulo aliikakile umwine mu musana. ⁵ Peka epakwitulwila amenshi mucipe epa kutampa ukusamba amakasa yaba sambi nokubakumuna kwi taulo lilya alinafwala mumusana. ⁶ Aishile kuli Simon petelo, na petelo alile kuli ena, ''Shikulu, nakalimo bushe mwakulansamba lyonse amakasa yandi?'' ⁷ Na yesu alimwaswike nokutila kuli ena, ifyo nebo ndecita tei ifishibe ili line,, lelo ukafishiba ku ntanshi. ⁸ Petelo atile kuli ena, ''Tamwakale nsamba amakasa lyonse.'' Yesu ali mwaswike, nga nebo nshikusambile, taukwete ica kaniko nanebo. ⁹ Simon petelo atile kuli ena, '' Shikulu, mwinsamba fye amakasa, lelo pamo nomutwe. ¹⁰ Yesu napeka alandile, ''uusambile takabila peka ukusamba, kanofwe ukusambwa amakasa, lelo apopenefye nainoneka ubusaka; webo wali wama, lelo tebonse awe. ¹¹ (Ico yesu ali naishiba nokumubembalekesha, eco alandile ifyo. ''Teonse uwawama.'') ¹² Eico elo Yesu asambile amakasa yabasambi bakwe napeka abulile icisalu cakwe napeka alikeleko napeka panshi , napeka alandile kuli bena, ''Bushe namfwikisha pali ifi ndi mukupanga kuli mwebo? ¹³ Muli mukungita 'kafundisha'' nakalimo ''Shikulu; Peka muli muli mukulungika mu kulanda, pakuti efyo naba. ¹⁴ Inga cakuti, shikulu na kafundisha, bene bali misambile amakasa, lyene kuti mwasambana amakasa umo nomunakwe. ¹⁵ Pakuti nebo na mulangisha ifyo naimwe mufwile ifyo fine ukulacita pamo ngefyo nacita. ¹⁶ Mucishinka nebo nalanda kuli mwebo, natila nati umusha taibika pa mulu ucila uwa mwingisha: Nakalimo bushe kapaso kuti aikusha ukucila uumutumine. ¹⁷ Nga cakutila kuti mwanga fishiba ifintu ifi, ninshi muli palo mwebo nga mwapwa ukufishiba. ¹⁸ Nshili mukulanda pali mwebo bonse iyo, ndimukwishiba abo ne mwine nasala- pamo ngefi nge ifyalembwa fifikilishiwe; cilanda ati uyo onse uwalya umukate ati, aimishe icitende pakundwisha.'' ¹⁹ Namwebo kabela libe ifi fintu tafila pona pakutila elo fikapona, mukasumine ati ninebo nalandile, ²⁰ Icishinka ndalanda kuti mwebo, elo onse uuli mukusengelela, nakalimo ukupokelela umo pabo nebo natuma ninshi ali mukupokelela nanebo, kabinge uyo onse uwapokelela nebo ninshi apokelela uwantumine.'' ²¹ Elo Yesu alandile ifi, ali mukushupikwa muli mupashi. Alishininkishe nokulanda, ''Mucishinka, mucishinka, ndimukulanda kuli mwebo ndetila umo pali inebo akampilibukila.'' ²² Nabasambi bakwe bali mukuloleshanya umo nomunakwe, nokupapuka ati ali mukulanda shani. ²³ Umo uwa pabasambi bakwe, untu yesu atemenwe, alilambaleleko mwisamba lya cintamba, etebulo peka na Yesu pambali. ²⁴ Simon petelo alibwishe abasambi nokulanda ati, ''Ali mwipwishe nakalimo nani untu uli mukulandapo.'' ²⁵ Peka aliipalamike mupepi mupepi kuncende kuntu Yesu abelele nokulanda nao, ''Shikulu, nani?'' ²⁶ Lyena Yesu alibankwile, '''Ni uyo wine twalatobela nao utupimfwa pimfya utwamukate mu lukombo noku pelwa kuli ena.'' Elo atubike umukate mu mulukombo, nokupela Yudah mwana Simon Escariot. ²⁷ panuma ya mukate, satana alimwingile muli ena, eico Yesu alandile kuli ena, ''Fintu uli mukupanga ukucita cita mukwangufyanya! ²⁸ Nomba tapali ngungula umo pali abo abali nabalala mwisamba lye tebulo abaisibe ati nalanda kuli ena. ²⁹ Bamo balatunganya abati, nakalimo Yudah apo ekasunga wa cipao ca ndalama, Yesu alandile kuli ena, ''Shita ifili mukufwaikwa kwibungano twalakwata, ''nakalimo alimukufwaya fimo fimo ifyakupela abalanda. ³⁰ Panuma apokelela umukate, apopenefye alifumine panse. Bwali bushiku. ³¹ Elo Yudah nafuma naya, Yesu alandile ati, nomba umwana wamuntu akataminikwa, peka Lesa nao akatamikwa muli ena. ³² Nga Lesa akatamikwa muli ena, Lesa naowine akatamika umwana muli ena wine, napeka akatwalila ukumukatamika peka apopene. ³³ Mwetwana utucece ndipamo naimwebo pakashitafye akaipipisha. Mukalakabila mumbone, napamo ifyo nalandile kuba Yudah, ''Uko ine ndi mukuya mwebo tamwakeseko. ''Nomba nebo ndimukumyeba ifi. ³⁴ Ine ndi mukumupela ifunde ilipya, ilya kutila mulingile mwakwata ukutemwana umo nomubiye, pamo ngefyo nebo namutemwisha, efyo namwebo. ³⁵ Mukucita ifi abantu bonse bali noku mwishiba ukuti muli basambi bandi, inga mwalilila ukula itemwa umo nomunakwe.'' ³⁶ Smoni petelo alandile kuli ena ati, ''Shikulu, muli mukuya kwi?'' Yesu ali mwaswike, Elo nebo nalaya, teti munkonke napeka, nakalimo mukalankonka limbi.'' ³⁷ Petelo alilandile kuli ena, ''Shikulu, nga nicinshi nebo nshinga mukonkela nomba? Ndinokuposa panshi ubumi bwandi pali mwebo.'' ³⁸ Yesu alyaswike. ''nakalimo bushe mwebo kuti mwaposa ubumi bwenu panshi pamulandu wa nebo? Mucishinka, ndelanda kuli mwebo, ''libe mukolwe talatala kulila uli nokunkana imiku itatu.''