¹ Barataan dingsanak nang ulun kasihi, jangan mamparcayai satiap roh, malahan uji dahulu roh nangitu supaya katahuan apakah buhannya barasal tumatan Allah, sabab banyak nabi palsu datang ka dunia. ² kayaini pian manganal Roh Allah: Satiap roh nang mangaku bahwa Yesus Kristus sudah datang dalam wujud manusia nang barasal matan Allah. ³ Satiap roh nang kada mangakui Yesus, kada barasal matan Allah. Itu sabujurnya roh anti-Kristus, nang pian dangar cagar datang wan wayahini sudah ada di dunia ni. ⁴ Anak-anakku, pian barasap matan Allah wan sudah mangalahkan nabi-nabi palsu nangitu oleh Sidin nang ada di dalam awak pian abih ganal daripada inya nang ada di dunia. ⁵ Nabi-nabi palsu nangitu barasal matan dunia. sabab itu, buhannya bapandiran matan dunia wan dunia mandangarakan buhannya. ⁶ Kita barasal matan Allah. Urang nang pinandu lawan Allah mandangarakan kita, tapi urang nang kada barasal matan Allah kada mandangarakan kita. Lawan kita tahu Roh kabanaran wan roh panyasat. ⁷ Dingsanakku nang kukasihi, ayu kita sama-sama saling mangsihi sabab kasih tu barasal matan Allah, wan tiap urang nang mangasihi lahir matan Allah wan manganal Allah. ⁸ Urang nang kada mangasihi kada pinandu lawan Allah sabab Allah adalah kasih. ⁹ Kaini kasih Allah dinyatakan di antara kita: Allah mengutus Anak Sidin Nang Tunggal ka dalam dunia supaya kita kawa hidup malalui Sidin. ¹⁰ Di dalam nanginilah kasih itu: kada kita nang telah mangasihi Allah, tapi Allahlah nang mangasihi kita wan mangirimkan Anak-Nya cagar jadi kurban pendamaian gasan dosa-dosa kita. ¹¹ Dingsanak nang kukasihi, bila Allah kaitu mangasihi kita. kita harus jua saling mangasihi. ¹² Balum ada urang nang malihat Allah. Bila kita saling mangasihi, Allah badiam di dalam kita wan kasihNya tu sampurna di dalam kita. ¹³ dengan kaini kita tahu bahwa kita badiam di dalam Allah wan Allah di dalam kita sabab Allah sudah manjulung gasan kita matan Roh-Nya. ¹⁴ Lawan, kami sudah malihat wan basaksi sabujurnya Bapa sudah mengutus Anak-Nya gasan jadi Juru Selamat dunia ¹⁵ Tiap urang mangaku bahwa Yesus sabujurnya Anak Allah, Allah badiam di dalam inya wan inya di dalam Allah. ¹⁶ jadi, kita sudah tahu wan sudah parcaya kasih nang Allah miliki gasan kita. Allah adalah kasih, wan urang nang badiam di dalam kasih, badiam di dalam Allah wan Allah di dalam inya. ¹⁷ Lawan nangini, kasih disampurnakan lawan kita supaya kita kawa baisian kayakinan diri pada Hari Penghakiman karna cagaran sama lawan Sidin, kaitu jua kita di dunia ini. ¹⁸ kadada katakutan di dalam kasih, tapi kasih nang sampurna ma usir katakutan sabab katakutan bahubungan lawan hukuman. Urang nang takut, balum disampurnakan dalam kasih ¹⁹ Kita mangasihi sabab Sidin labih dahulu mangasihi kita. ²⁰ Bila ada urang nang bapandir, "Ulun mangasihi Allah", tapi manyariki dingsanaknya, urang itu penipu. Sabab, urang nang kada kawa mangasihi dingsanaknya nang kalihatan, kada kawa mangasihi Allah nang kada kalihatan. ²¹ Lawan, suruhan ni kita tarima matan Allah: Tiap urang nang mangasihi Allah, harus jua mangasihi dingsanaknya.