¹ Parhatiakan kayaapa ganalnya kasih nang Bapa bari gasan kita sahingga kita disambat anak-anak Allah, wan sabujurnya kita adalah anak-anak Allah. Karna itu, dunia kada pinandu lawan kita karna dunia kada pinandu lawan Allah jua. ² Bubuhan dingsanak nang ulun kasihi, wayahini kita adalah anak-anak Allah tapi kayaapa keadaan kita kaina balum kalihatan. Namun, kita tahu kaina sidin datang, kita cagar jadi sama lawan Sidin oleh kita cagar malihat Sidin dalam kaadaan nang sabujurnya. ³ Satiap urang nang baisih pengharapan di dalam Kristus, inya menyucikan dirinya, kaya Kristus nang suci. ⁴ Satiap urang nang baulah dosa jua malanggar hukum karna dosa adalah pelangaran tahadap hukum. ⁵ Pian tahu bahwa Kristus dinyatakan gasan mahapus dosa, wan di dalam Sidin kadada dosa. ⁶ Satiap urang nang badiam di dalam Sidin kada baulah dosa; kada saikung orang nang badosa kawa malihat atawa pinandu lawan Sidin. ⁷ Anak-anakku, jangan biarakan saurangpun manyasatakan pian. Urang nang malakukan kabanaran adalah urang banar, sama lawan Kristus adalah benar. ⁸ Urang nang baulah dosa barasal dari setan karna setan sudah badosa tumatan dahulu. Allah datang gasan: mahancurakan parbuatan-parbuatan setan. ⁹ Kadada saurang pun nang lahir tumatan Allah baulah dosa karna benih Allah badiam di dalam dirinya; wan inya kada kawa baulah dosa karena inya dilahirkan tumatan Allah. ¹⁰ Mun kaya itu, siapakah anak-anak Allah wan siapakah anak-anak iblis manjadi nyata. Urang nang kada malakukan kabenaran bukan tumatan Allah, kaya itu jua urang nang kada mangsihi dingsanak-dingsanaknya. ¹¹ Sabab, inilah habar nang sudah pian dengar tumatan dahulu yaitu kita harus saling mangasihi. ¹² Kada boleh kaya Kain, tumatan nang jahat wan nang mambunuh adingnya. Mangapa Kain membunuh adingnya? sabab, parbuatan Kain jahat wan parbuatan adingnya banar. ¹³ Bubuhan dingsanakku, kada buleh takajut pabila dunia ini muar lawan pian. ¹⁴ Kita tahu bahwa kita sudah kaluar tumatan kematian manuju kahidupan karna kita mangasihi dingsanak sabarataan. Urang nang kada mangasihi dingsanaknya badiam dalam kamatian. ¹⁵ Satiap urang nang muar lawan dingsanaknya adalah saurang pembunuh, wan pian tahu bahwa kadada pembunuh nang mamiliki hidup kakal di dalam dirinya. ¹⁶ Kayainilah kita pinandu lawan kasih: Yesus Kristus telah manjulung hidup Sidin gasan kita. Jadi, kita jua harus manjulung hidup kita gasan dingsanak-dingsanak kita. ¹⁷ Amun, bila urang mamiliki harta duniawi, wan malihat dingsanak mamarluakannya, tapi inya manutup hati tahadap dingsanaknya itu, kayaapa kasih Allah ada di dalam hatinya? ¹⁸ Anak-anakku, ayu kita mengasihi kada lawan pander haja atawa muntung, malainkan lawan parbuatan wan kabanaran. ¹⁹ Lawan nangini, kita cagar tahu kalo kita asalnya tumatan kabanaran wan kita cagar meneguhkan hati kita di hadapan Allah. ²⁰ Amun, bila hati kita manyalahakan kita, Allah lebih ganal tumatan hati kita, wan SIdin tau samunyaan. ²¹ Bubuhan dingsanak nang ulun kasihi, bila hati kita kada manyalahakan kita, kita mamiliki keyakinan diri di hadapan Allah. ²² Apa haja nang kita minta, kita manarimanya tumatan Allah karna kita manuruti parintah-parintah sidin wan malakukan apa nang barkanan gasan Sidin. ²³ Wan inilah perintah Allah, yaitu supaya kita parcaya dalam ngaran AnakNya, Yesus Kristus, wan kita saling mangasihi kaya nang sudah Sidin perintahkan lawan kita. ²⁴ Urang nang manuruti perintah-perintah Allah badiam di dalam Sidin, wan Allah badiam di dalam inya. Lawan kita tahu kalo Allah badiam di dalam kita, uleh Ruh nang Allah karuniakan gasan kita.