4 ¹ Rahat hi Petrus andri hi Yohanes bapaner nuju ulun rama, hawi nunung here kawan imam, kapala panyaga lewu Alatalla Panante Tuhan, baya kawaan ulun Saduki, ² andri iraraat daya here ngajar ulun rama nelang ngami habar ne'u Yesus haut mihem'buk amuan teka padang ulun matei. ³ udi hie here nyam'ba hi Peatrus baya hi Yohanes palus nampasuk here ma wuang saper ma kaandrau kauni daya itati andrau hut kmlem. ⁴ Kude rama teka here sa haut karengei surahen kawan rasul hampe here jari harap tu'u, hampe jumalah kawan upu ni hang anteru here kurang labis dime ribu kaulun. ⁵ Ma andrau kauni, kawan pamimpin, tueh-tueh, baya kawan ahli Taurat here bakumpul sameh-sameh hang Yerusalem, ⁶ baya andri imam Besar Hanas, hi Kayafas, Yohanes, Aleksander, andri katuluh ulun teka kaluarga Imam Besar. ⁷ Udi here ngelah hi Petrus baya hi Yohanes hang penah-penah here nelang itunti, "andri kuasa inun atawa andri ngaran hiekah hanyu ngaraja yiti ?" ⁸ Palus hi Petrus,narime kuasa Roh Kudus, kaeaw ma here, "Kawan pamimpin bangsa baya kawan tueh-tueh, ⁹ amun kami na pariksa andrau yina katuluh ulahan kami sa maeh isa haut nagawi daya kami ma ulun lain isa lagu mekum, andri sara inun ulun tau nasamare ? ¹⁰ Maraleh naun karasa katuluh, daya naun katuluh ulun Israel, daya sabab ngaran Kristus Yesus, ulun teka Nazaret, sa nasalib daya naun, sa haut na enat daya Alatalla teka padang ulun matei, ulun yiti mindri hang hadapan hanyu hang wuang kaadaan sehat. ¹¹ Yesus na yalah : 'watu sa umpe daya kawan tukang bangunan, sa haut jari watu penjuru.' (Maz 118:22) ¹² Nelang puang uweng kasalamaten hang wuang hie-hie leh daya puang uweng ngaran lain hang imme langit naami ma murunsia isa daya ngaranni takam nasalamat. ¹³ udi here kadinung kakapeen Petrus baya hi Yohanes nelang karasa ulun-ulun sa puang sakolah nelang puang kataru inun-inun, kawan here ngawauh palus mantaru, karuehni haut suah baya Yesus. ¹⁴ Balalu, udi kadinung ulun sa haut na samare yiru mindri hang tuhi hi Petrus baya hi Yohanes, here puang kaiyuh mungkir. ¹⁵ Mun kalahie, rahat here nunyu hi Petrus baya hi Yohanes nanan Sanhedrin, here mapakat isa andri lainni, nelang. ¹⁶ nelang kaeaw, "inun sa maeh naami gawian ma here ulun ruehna ? Daya, naan isa tanda ajaib sa bangat hante nelang panga tamam haut jari itah here nelang ngatantu'u ma katuluh ulun isa muneng hang Yerusalem, nelang takam puang kaiyuh manyangkalni. ¹⁷ Amun puang, himpan hal yiti puang magin tasebar ma papire kaulun, ayu takam ngabarebe here rama ru humpan ada bapaner ma hie-hieleh makai ngaran yeru." ¹⁸ Udi hie here neraw hi Petrus baya hi Yohanes, palus nunyu kararueh here umak puang nawara atawa ngajar inun-inun hang wuang ngaran Yesus. ¹⁹ Daya yeru, hi Petrus baya hi Yohanes nyawab nelang kaeaw ma here, "Putusakanleh, saawe sa wuah manurut pandangan Alatalla, umak nyandrengei hanyu labis teka Alatalla ? ²⁰ Daya kami puang ta'u ngantuh kawan hal isa haut dinung nelang haut rengei kami." ²¹ Udi hie, lagi here ngabarebe hi Petrus andri hi Yohanes, here nagai kawan Rasul-Rasul yiru tulak, daya here puang kahaba sara umak nukum karuehni, daya ulun rama nawat Alatalla ma inun-inun sa haut jari. ²² Daya, ulun haut kadinung siri hanye sagar tau ware, sadang umurni haut labis epat pulu taun. Petrus baya Yohanes Mulek Ma pulaksanai Atei. ²³ Udi here haut na lapas, hi Petrus baya hi Yohanes ma uneng kawan hengau-hengau ni palus mangesah kawan ala katantuluh sa haut nawara daya imam kapala nelang tueh ungkup ma here. Nelang, rahat kawan hengauni lagi nyandrengei, ²⁴ here rama ngampikehet lengan here nuju ma Alatalla andri isa atei nelang kaeaw, O Tuhan, Hanyuleh sa haut nyanyari langit, tane, laut, nelang katuluh isini, ²⁵ Isa kaeaw mitah Roh Barasis, mitah wiwi mulut hamba Nu, Daud, itak kakah kami: 'Wuah inun kawan bangsa isa lain rawek rukah, nelang kawan ulun lain mamparhati isa ang bariran ? ²⁶ Raja-Raja dunia haut siap nelang kawan panguasa bakumpul, sameh sameh nawan Tuhan nelang nawan sa haut naurapi daya Ni.' Mzm. 2:1-2 ²⁷ Daya, sabujurani hang wuang kota yena haut bakumpul sagar nawan Yesus, Utus Nu sa barasis, sa haut na urapi dayaNu, inun hi Herodes baya hi Pontius Pilatus, sasameh andri bangsa isa lain, kalru pada kawan ulun Israel, ²⁸ isa sagar nampalus ulah gawi sa olahan tanganNu baya kawan kabuhumenNu kapihuan yiru naan. ²⁹ Balalu itati, O Alatalla, dinungnu panan ansaman here ami utusNu karunia ngawarata lengan Nu andri katuiluh kakuaten, ³⁰ neung Hanyu ngului tangan Nu sagar nyamare nelang siri sa penu kaajaiban ma utusNu sa barasis, Yesus." ³¹ Nelang, udi here laku do'a, gaunsang uneng here sasameh ikumpul nelang here katuluh penu andri Roh barasis nelang penu andri kakapeen kawarata lengan Alatalla. Pamelum Ulun Parisaya ³² Andri, kumpulan here ulun sa harap isa atei amirue. Puang uweng sunah erang kaulun sa kaeaw bana yiti banani raerai, kude katuluh yiti wat here sasameh. ³³ palus makai kwasa sa hante teka kawan rasul nantarang kasaksian here apitamamni Tuhan Yesus andri anugarah sa hante ma am'mau here katuluh. ³⁴ Puang sunah erang kaulun teka here iti sa puua daya katuluh here naan tane ranu , lewu rean , teka iuh juat here. ³⁵ palus ngan'nakni ma here kawan rasul, nelang na ami asing-asing isa sukup kalla ma aheng here. ³⁶ Kaliru pada hi Yusuf, ulun Lewi, baris here Siprus, pada naherau daya kawan rasul, Barnabas, isa baarati 'anak panantulu' ³⁷ ngari tane ranu baya lewu rean ngenei uang duit palus nyarah ma here kawan rasul.