2 ¹ Rahatan andrau Pentakosta, here bakumpul hang isa uneng. ² Balalu situ sini here karengei lengan teka langit nyameh riwut mehet, lengan iru nampenu hang ruang uneng here maharung. ³ Bulu dinung here lela-lela apui hang aru ati tudi hang ammau here. ⁴ Bulu here katuluh penu Ruh Barasis nelang bapanner makai masam-masam basa kala na'ami Ruh Barasis ummak na antuh here. ⁵ Rahat iru pada na'an ulun-ulun Yahudi sa muneng hang Yerusalem, hanye ru ulun-ulun ma'eh teka ummung langit. ⁶ Rahatan here karengei lengan iru nelang ulun rama hawi sameh-sameh ngawa'uh daya kawan ulun sa itun Ruh Barasis iru' bapanner andri basa here erai. ⁷ Here gamam nelang ka eyau, inun here katuluh sa bapanner ru' ang' sa ulun teka Galilea? ⁸ Kala'awe sa takam karengei here bapanner makai basa uneng pihawian takam? ⁹ Ulun ulun teka Partia, Media, Elam, andri tumpuk Mesopotamia, Yudea, Kapodekia, Pontus,andri Asia. ¹⁰ Frigia andri Pamfilia, Mesir andri tumpuk Libia riet Kirene, andri hawi teka Roma,hanyeru ulun Yahudi pada kawan lain Yahudi kude umma Yahudi[proselit]. ¹¹ Ulun ulun Kreta andri Arab.Takam karengei here bapanner makai bahasa takam,hanye ru ulah gawi Alatalla sa hante. ¹² Here katuluh gamam andri ngawa'uh nelang bapanner isa andri lain "inun arati katuluh ina?" ¹³ Kawan ulun lain kakihi nelang kaeyau, here mahamui anggur situ. Petrus Bapanner Ma Ulun Rama ¹⁴ Hantek hi Petrus mindri andri sawalas rasul, hanye ngenat lenganni ka eyau" sanrengei kawan ulun Yahudi sa muneng hang Yerusalem, rasa naun dan sanrengei lenganku! ¹⁵ Kawan ulun ina puang mahamui kala tanguh naun, daya andrau wa'u pukul telu kariwe. ¹⁶ Haut na antuh mitah Nabi Yoel: ¹⁷ Hang andrau andrau pijumpuhan Alatalla ka eyau. ¹⁸ Aku sagar ngami Ruh Ku ma ammau katuluh murunsia,upu wawei ngampan ngami patitah,bulu kawan ia muda kadinung paninungan, ulun matu'eh teka kawan naun sagar nganupi,kalahiye pada ma kawan walahku upu atau wawei,aku sagar ngami Ruh Ku. ¹⁹ Aku sagar nantarang pika'eh hang langit hang ammau andri hang tane hang imme, ira andri apui andri atuk. ²⁰ Mate andrau jari ma'iyeng,wulan jari ira,kapihuan andrau Alatalla hante hawi.Bulu ²¹ katuluh ulun sa nerau Alatalla sagar nasalamat.'" Yoel 2:28 - 32 ²² " Rengei eyauku iti" Yesus ulun Nazaret haut na tantarang daya Alatalla mitah pika'eh ma naun katuluh. ²³ Yesus ina haut na sarah ngalut aheng Alatalla kapihuan ni sagar na wunu andri na pantak hang kayu bala sangar daya kawan ulun murun atei. ²⁴ Kude Alatalla namuan palus nyanepah teka kakeke'en andri pampatei. ²⁵ Hi Dawid ka eyau ne'u Yesus. Aku kadinung Tuhan hang hadapanku, hanye nengau aku, hanye naan hang tuhi kawanku nampan aku puang gaguyuh daya inun heneng. ²⁶ Daya iru ateiku arai mihewu, bulu lela lenganku nawat Alatalla andri tengaku muneng hang wuang kaharapen. ²⁷ Hanyu puang nanan amirueku hang pampatei andri nagai tenga ulun Barasis Nu hansur palus galis. ²⁸ Hanyu haut iwara ma aku lalan pamelum, hanyu sagar ngulah aku arai mihewu andri aruwawa Nu, ²⁹ Pulaksana'i katuluh, aku bapanner ma naun andri kapinu'u, kakah tatu takam hi Dawid, hanye haut matei napasar, andri siat ni na'an hampe ta'ati. ³⁰ Jari, daya hanye erang ka ulun nabi, Alatalla haut bajanyi andri sumpah ma hanye, sagar ngampiharung isa teka anak tukui Dawid hang am'mau pidudusan, ³¹ Hi Dawid kadinung kapihuan ni andri bapanner manyu pamelum sa kalalawah, hanye puang sagar nanan hang pampatei andri tenga ni puang sagar hansur palus galis. ³² Yesus iti sa haut nasamelum kamulek teka pampatei daya Alatalla. ³³ Daya iru udi na ampammai Alatalla andri narime janyi manyu Ruh Barasis, hanye narime teka paninungan atawa panrengeyan. ³⁴ Daya hi Dawid puang mammai ma suruga kude hanye ra'erai iwara"Alatalla ka eyau ma TuanKu, harungleh hang tuhi kawan Ku! ³⁵ Hampe aku nyantalau kawan sunri purija hang palat pe'e nu. ³⁶ Daya sabab yiru elah leh katuluh lewu Israel karasa Alatalla haut nyanyari Ni Tuhan andri Kristus,iti leh Yesus sa haut na balasangar daya naun.'" Mzm.110:1 ³⁷ Dami karengei mahanang atei here, bulu ka eyau ma hi Petrus andri kawan rasulni " pulaksana'i katuluh inun sa kira na gawi kami?" ³⁸ Balalu hi Petrus ka eyau ma here, "ware naun iwaleng teka kawan kahala'en naun palus na apannrus hang wuang ngaran Kristus Yesus andri ka ampunen dusa palus narime Ruh Barasis. ³⁹ Daya janyi ina ma katuluh naun, anak tukui andri katuluh ulun sa masih lawit sa hene, Alatalla nerauni lagi. ⁴⁰ Andri , hene pampaneran lain hi Petrus nahampe andri kapinu'u atei ma here katuluh eyauni" salamat tenga naun teka kawan ulun murun yina. ⁴¹ Kawan ulun sa narime papanneran Petrus na apannrus andri batammah jumalah ni hampe telu ribu kaulun. Tumpungan Ulun Ungkup. ⁴² Here tugul wuang uruk ajar rasul rasul andri wuang tumpungan, hang wuang mi'ah mi'ah rute, hang wuang laku duwa. ⁴³ Rama here puang he'ei, kude hene here narime siri teka kawan rasul. ⁴⁴ Katuluh ulun ungkup ikumpul sameh sameh, harata here pada sameh sameh. ⁴⁵ Bulu here ngari katuluh inun sa naan palus ngami ma katuluh ne'u nyansukup pamelum here. ⁴⁶ Tiap andrau andri kapinu'u atei here ikumpul sasameh hang lewu Alatalla nelang mulak rute sa na en'nei here teka lewu. Here narime kuta'en yiru andri penu arai atei. ⁴⁷ Nelang nawat Alatalla andri katuluh ulun arai mihewu. Balalu ulun sa na sanepah batammah rekenan ni.