12 ¹ Wayah Raja Herodes ngenat tanganni, nuju kawan ungkup umak nyasia here. ² Hanye munu hi Yakobus pulaksana'i Yohanes makai padang. ³ Lagi hi Herodes kadinung ulah gawini ngampi sanang atei ulun-ulun Yahudi hanye palus nyam'ma hi Petrus pada, kajadianni salawah here pesta Rote puang baragi. ⁴ Udi nyam'ma hi Petrus palus nampasuk ma saper, sindrah nyarah ma epat kaulun sa nyaga, hampe udi paskah, wa'u ngenei hanye ma hadapan ulun rama. ⁵ Dami hi Petrus na tamasuk ma saper, katuluh ungkup puang witus-witusni laku do'a ma Alatalla panante Tuhan. Malekat Tuhan Napas Hi Petrus Teka Saper. ⁶ nelang nahuruk tanganni makai rantai nelang na jaga hang iring wanawang saper. ⁷ Hanye kadinung Malaekat basihaya mindri riet hi Petrus lagi hang wuang saper. Balalu malaekat netap papale Petrus palus nunyu amuan, eaw ni "hinang amuan" balalu rantai hang tanganni galis talapas teka karueh tanganni. ⁸ palus malekat ru kaeaw ma hanye, "huruk pingangnu palus huwe tarumpahnu" gawinu kaliru. Udi hanye kaeaw kaliru. "huwe jubahnu palus taharak aku" ⁹ Hi Petrus kaluar palus naharak malekat, hanye puang karasa kajadian yeru tu'uni, pina ni hanye lagi nganupi. ¹⁰ Udi here mitah panjagaan sa ka'isa baya sa ka'rueh palus hampe ma wanawang jatang nuju ma penah kota. salenga wanawang ni tauka raerai ma here, balalu here kaluar hampe lalan sa hipit, salenga-lenga malaikat tulak nanan hi Petrus. ¹¹ Dami hi Petrus sadar kajadian ma diri ni, hanye kaeaw, "itati aku tu'u-tu'u kataru, sabujurni Alatalla ngutus malaikatNi umak nyalamat aku teka tangan Herodes, nelang teka katuluh hal sa nabahum daya ulun-ulun Yahudi." ¹² Dami hi Petrus manyadari ni, hanye tulak malewu Maria, ineh Yohanes sa na antuhni hi Markus, hang awe rama ulun sasameh bakumpul nelang ilaku do'a. ¹³ Rahat hi Petrus nalitik wanawang gerbang, erang kaulun wawei walah ngaranni hi Rode hawi lepuh ngukani. ¹⁴ Dami hanye kataru, yeru lengan wat Petrus, daya hanye arai tu'u, hanye puang palus nguka wanawang, malahan hanye nempat ma wuang, palus iwara hang yaru hi Petrus lagi mindri hang hadapan wanawang gerbang. ¹⁵ Here kaeaw ma hi Rode, "hanyu na rapui !" malah hi Rode magun kaeaw yiti bujuran, kude here tatap kaeaw, "iru amirue ni." ¹⁶ Malah hi Petrus tatarusan nalitik, pas here nguka wanawang palus kadinung hi Petrus, here em'mah tu'u. Kude dami udi hi Perus ngami kodee makai tangan ni himpan here bararanai, nelang hanye iwara ma here, kala'awe sara Alatalla haut ngenei hanye kaluar teka saper. ¹⁷ Nelang hanye kaeaw, "Tahampe naun hal yiti ma hi Yakobus baya kawan pulaksanai sasameh." nelang palus hanye takia tulak ma unengan isa lain. ¹⁸ Dami andrau haut mara'ai, naan babur geger hang penah kawan surudadu, daya inun sa haut tajadi ma hi Petrus. Herodes Matei ¹⁹ Lagi hi Herodes ngantara hi Petrus, daya puang kahaba, hanye mariksa kawan surudadu sa nyaga nelang nunyu humpan here na wunu. Balalu hi Herodes tulak teka Yodea ma Kaisarea palus muneng hang yaru. ²⁰ Rahat iru hi Herodes lagi sangit tu'u ma here, ta'utama here ulun Tirus baya here ulun Sidon, balalu palus here mapakat, here hawi nadap hi Herodes, udi here ngararingis hi Blastus walah lewu rean Raja, here ilaku humpan badamai, daya wilayah here kaiyuh kiriman panguta teka wilayah Herodes. ²¹ Hang andrau sa haut napakat daya here, hi Herodes nuwe pama pakaian karajaan, maharung hang tahta pangadilan, palus nahampe surah gamungan ma here. ²² Waraga palus nantiak, "yiri sabujurni lengan teka Alatalla puang maka lengan murunsia" ²³ Saitu saini, isa malaikat Alatalla meweh hanye daya hanye puang ngami kamuliaen ma Alatalla palus kuta kawan sasing, balalu matei. ²⁴ Kude lengan surat barasis Alatalla magin batam'bah-tam'bah hene'ni. ²⁵ Palus, hi Barnabas baya hi Saulus mulek teka Yerusalem, nelang nganyak baya hi Yohanes, pada sa na antuh Markus.