10 ^{1 2} PETRUS ANDRI KORNELIUS Rahatan yiru, hang Kaisarea, naan erang kaulun sa bangaran Kornelius, hanye na antuh pada Perwira Pasukan Italia. . Hanye ru ulun sa maeh atei nelang taat tuu ma Alatala Panante TUHAN, kalahie pada andri kawan ulun sa muneng baya hanye hang wuang lewu rean ni, hanye wahai ngarawah ulun lain, pada hanye tuu purusaya nelang taat balakudua ma Alatala Panante TUHAN. ^{3 4 5 6} Hindra anrau hang tiba tukaniyeng sakitar jam suei hang andrau yiru, hanye kadinung nelang tena tatuu hang paninungan ni, naan malaikat Alatala Panante Tuhan hawi nelang ngantuh ngaran ni, "kornelius!" balalu hanye ninung ma malaikat yiru nelang gupuh gaer eau ni, "Nun yina Tuan?" Balalu malaikat yiru kaeau ma hanye, "katuluh lakudua nu andri nun ngaran sa haut na ami nu ma ulun lain yiru jari pangitungen hang dahapan Alatala Panante Tuhan. Itati jua huyu nu papire kaulun tulak ma Yope hampan ngahung hi Simon , sa pada na antuh hi Petrus, hanye muneng baya erang kaulun penyamak kulit sa bangaran hi Simon sa muneng riet laut. Babaya malaikat yiru tulak, Kornelius nerau rueh kaulun walah ni baya erang kaulun prajurit sa maeh atei nelang taat hingka kawan ulun sa jari walah ni, ^{7 8} Babaya malaikat yiru tulak, Kornelius nerau rueh kaulun walah ni baya erang kaulun prajurit sa maeh atei nelang taat hingka kawan ulun sa jari walah ni, udi iwara katuluh ni yiru ma here, hanye nunyu here ma Yope. ^{9 10 11 12} Ma kayauni ni rahat here hang pakiyaan haut riet kota yiru, hi Petrus mammai ma loteng lewu ru, kakira jam enem hanye balakudua. Udi yiru hanye mahiri atei kakan nahi, rahat kawan ulun nyadia kutakanen, Petrus kaiyuh paninungan, hanye kadinung langit tauka pada naan erang kagabar kain laga sagi epat naului kaepat pusing ni hampe tane. hang wuang kain yiru naan papire masam satua ba pee epat, satua ilansar hang tane, pada kawan wurung. Udi yiru nantekas naan lengan kaeau ma hanye, "Petrus, Amuan, samalis nu yiri kutaleh1" ^{13 14 15 16} Udi yiru nantekas naan lengan kaeau ma hanye, "Petrus, Amuan, samalis nu yiri kutaleh!" Kude hi petrus kaeau, "Ngaan, Tuhan. daya aku ngaan suah nguta kawan panguta sa jari kapadien." Balalu lengan yiyu kaeau ma hanrueh ni, "Inun sa haut na barasis daya Alatala Panante Tuhan, ada budas nyu ngeau yiru kapadien." Hal yiru hampe telu kali ulek na eau, balalu katuluh ni yiru taenat ma tulung rakun. ^{17 18} Rahat hi Petrus ngunuan kawan yiru huni nelang hanye pada gamam andri paninungan ni ru rahuni, hanye katantau papire kaulun huyuan Kornelius rahat ngantara hang awe sa lewu Simon, here mindri hang mahara pagar, nelang nanterau, here nunti inun sa hi Simon sa na galar hi Petrus, muneng hang yiru. ^{19 20 21} Rahat hi Petrus ngulek ngunuuan kawan paninungan ni rahuni, Amirue Barasis iwara ma hanye, "Dinung nu aru, naan telu kaulun upu ngantara hanyu. Amuan palus inau, balalu tulakleh sindrah here ada gaer daya Aku sa nunyu here ri ngahung hanyu." Hi Petrus manalu here nelang kaeau, "Ati eh aku ulun sa antara naun. Inun sa bahum pihawian naun na?" ^{22 23} Here kaeau, "Kornelius ru erang kaulun perwira, hanye pada erang kaulun sa maeh atei witu bujur lalakun ni, taat ma Alatala Panante Tuhan, maeh atei andri kawan ulun Yahudi, haut na wara daya malaikat barasis, hanye ilaku hampan hanyu hawi ma lewu ni umak nampe ma hanye lengan patataan nu." Petrus nunyu here ma wuang lewu hampan amalem hang yiru, ma kayauni ni here kaelan balalu palus tulak sindrah here, pada papire kaulun pulaksana'i sa haut purusaya hingka Yope umma nengau here. ²⁴ Ma andrau isa ni, here hampe Kaisarea. Kornelius haut lawah nunup here pada hanye haut nunnang here pulaksana'i ni pada pahurunan ni sa riet. ^{25 26} Dami hi Petrus masuk, Kornelius manalu hanye nelang isudu ulu hang pee Petrus. Kude hi Petrus ngampindri hanye nelang kaeau, "Mindrileh! Aku ti pada sameh murunsia pada." ^{27 28 29} Nelang basurah Andri hi Kornelius, Petrus masuk ma wuang lewu, sa tuu ni rama tuu ulun hang wuang haut bakumpul ngandrei pihawian ni. Udi yiru hi Petrus pauyu bapanner ngeau ma here, "Naun haut karasa mun ulun Yahudi ru ngaan iyuh bahengau salukmatu andri ulun sa puang Yahudi, kude Alatala Panante Tuhan haut iwara ma aku hampan aku ada ngantuh hie pun murunsia yiru barasis atawa bere. Irulah sabab ni, aku ngaan kabaratan dami naun nunyu aku hawi ma yiti. Daya yiru aku nunti, inun sa bahum naun andri pihawianku yina?" ^{30 31 32 33} Hi Kornelius pada ba panner, "Epat andrau sa haut tapitah kakala jam kaliti, nye ru jam suei, aku rahat balakudua hang lewuku, balalu aku kadinung, naan malaikat mindri hang dahapan aku babaju pakaiaian saraba matalak maraai. Eau ni, "Kornelius, katuluh lakudua nu haut na sanrengei pada katuluh pangamiaan nu ma kawan ulun lain haut na itung daya Alatala Panante Tuhan. Daya sabab yiru, huyu nu ulun ma Yope ngahung hi Simon sa na ngaran ni pada hi Petrus hampan hawi ma yiti. Hanye rahat muneng baya hi Simon erang kaulun penyamak kulit , riet laut.' Yirulah pada sabab ni, aku badadas nunyu ulun ngahung hanyu, pada hanyu tuu maeh atei haut hakun hawi. Taati, kami katuluh hang yina, hang dahapan Alatala Panante Tuhan, sinnie tuu karengei inun sa na wara nelang na pesen Tuhan mitah hanyu ma kami ti." Petrus Nampe Barita Injil Hang Lewu Kornelius. ^{34 35} balalu hi Petrus mulai ba panner nelang kaeau, Taati, aku tuu haut karasa nelang kataru mun Alatala Panante Tuhan ngaan mambeda hiepun mtakam murunsia ti. Kude bangsa atawa murunsia hiepun sa takut hurumat nelang taat ma Hanye pada welum witu bujur, yiru pasti jari kaleluen Ni nelang ngampi sanang atei Ni. ^{36 37 38} Lengan Alatala Panante Tuhan sa na tahampe ma ulun Israel lengan yiru ngami habar sa maeh nami ranai mihewu mitah Kristus Yesus, Hanye iru Tuhan sa ngaan uweng tanningan ni. Naun pada haut karasa inun sa kajadian hang Yudea, mulai hingka Galilea, udi ruahan sa na tahampe nelang na laksana daya Yohanes, naun pada karasa Yesus, Ulun Nazaret, klaawe Alatala Panante Tuhan mandudus Hanye andri Amirue Barasis pada andri katauen tamam. Hanye tulak ma awe-awe ngalalkun hal maeh, nyamare panyakit kawan ulun sa wuah rarawek kawan antu sa bere murun daya Alatala Panante Tuhan nyindrah nyanrukui Hanye. ^{39 40 41} Kami yina kawan ulun sa kadinung andri tenna tatuu inun sa na ulah nelang na gawi Yesus , baik hang unengan ulun Yahudi atawa hang Yerusalem. here haut bagarayang ngunu munu Yesus andricara ngagueng Hanye hang kaya balasangar. Kude, Alatala Panante Tuhan ngampi amuan Hanye hingka siat hang andrau katelu pada ngabahum Hanye umak batampai, ngaan sa ma ulun rama, kude ma kami, kawan ulun sa hupak nelang kadinung tenna tuu, kami na pidi daya Alatala Panante Tuhan sahuan ni, sa ikuta iukan nguut ranu baya Hanye udi Hanye amuan hingka siat. ^{42 43} Pada Hanye nunyu kami hampan nampe habar yina ma kawan ulun andri daduuh mun Hanye ru sa haut na tantuakan daya Alatala Panante Tuhan jari Panaliwakas ma ulun welum pada ulun matei. Ekat umak Hanye ai, katuluh nabi basarita mun hieleh ulun sa purusaya ma Hanye tuu narime kaampunan kahalaen hang wuang ngaran Ni." Alatala Panante Tuhan Iwara Mun Hanye Narime Katuluh Murunsia ^{44 45} Rahat hi Petrus bapanner ngeau kawan yiru huni, Amirue Barasis minau nyarung katuluh ulun sa nyanrengei lengan firman yiru. Pada kawan ulun purusaya sa na supit, sa hawi baya hi Petrus, kagum andri karunia Amirue Barasis sa haut na halui, pada ma bangsa lain ni. ^{46 47 48} Daya, here karengei kawan ulun hang yiru bapanner andri bamasam-masam basa here nawat hurumat Alatala Panante Tuhan. Balalu hi Petrus bapanner, "ang neh haut rasa, mun pauweng ulun sa tau nalang ranu umak hanruah kawan ulun sa haut narime Amirue Barasis sa kala takam ti?" Udi yiru hi Petrus nunyu here hampan na ruah makai ranu wuang ngaran Kristus Yesus.Dami kalayiru kawan ulun yiru ilaku hampan hi Petrus munengsunah papire andrau lagi.