¹ Mati, manganai hal-hal da imu' nulis ka iko': diu'ta da bait mangkat ayo-are ya' kati nyentuh mahu. ² Barang, karna ani'ta pabayu, satiap ayo-are sabaik'a umpu saut'n'a sadi ge' satiap mahu umpu banun'a sadi. ³ Banun, harus mamanuhi kawajiban adup'a tradap saut'n'a. ⁴ Saut'n kati bakuasa ka samo ungan'a sadi, malait'nkan banun'a. Lakoh'uga banun kati bakuasa la samo ungan'a sadi, malait'nkan saut'n'a. ⁵ Iya'lah imu' saling ngajauh , kacuali nige parsatujuan bariuh ya' samantara waktu agar imu' leluasa mangkat'n waktumu' ya' badoa. Lakadakoh, iduplah bariuh-riuh agi supae Iblis kati mancobai'mu' karna kati mampumu' ka sadat'n pangadilan adup. ⁶ Barang, iko' muji' diah sabage kalonggaran, inya' sabage parintah. ⁷ Iko' baharap samaan sok ulahadup'ko'. Tapi aok'a, satiap sok umpu karunia'a sadi umpat'n Jabata, da sook ka sadat'n hal diah, ge' da lait'n ka sadat'n hal dakoh. ⁸ Da kati nikah ge para janda, iko' muji' kalo labih bait mangkat'n ayo'a sa' tatap ka sadat'n kaadaan'a ulah iko'. ⁹ Tapi aok'a, sa ayo'a kati bisa mangandali adup'a sabalik'a ayo'a manikah. Sa. labih baitmanikah dari pada tabakar uleh hawa nafsu. V 10 Ka da nikah, iko' mangkat'n parintah-parintah diah (inya umpat'n iko, malait'nkan umpat'n Tuhan), dakoh ta saut'n da kati buleh ngagat'n banun'a, ¹¹ (Tapi kalo ini' ngalaka talanjur ngagat'n banun'a, ini' harus tatap kati kawin, ato kambali gat'n ngadamai nige banun'a kati buleh cerai ge' saut'n'a. ¹² Ka da salabih'a iko' muji' (iko', inya Tuhan) barang kalo ani age da umpu saut'n da kati pacaya, ge' mahu dakoh ituh idup bariuh, iya'lah ini' manceraikan saut'n'a dakoh. ¹³ Ladakoh uga kalo sook mahu umpu banun da kati pacaya, ge' ayo-are dakoh ituh idup bariuh, iya'lah ini' ngagat'n banun'a dakoh. ¹⁴ Barang sa' banun da kati parcaya dakoh gat'n ngudus uleh saut'n'a, ge' saut'n da kati parcaya gat'n ngudus uleh banun'a. Sa' kati ladiah, anak-anakmu' diu'ta anak-anak da najis, tapi ge' mati' ayo'a gat'n ngudus. ¹⁵ Barang, kalo da kati parcaya dakoh ngate bapisah, kate'a ini' bapisah. ka Sadat'n hal da ulah diah, age ato adi' kati agi tarikat. Tapi aok'a, Jabata ngalaka maba ite ya' idup ka sadat'n dame sejahtera. ¹⁶ Karna hei saut'n, langkina imu' pane kalo-kalo imu' aok nyalamat banunmu'? Ato, langkina imu' pane, hei banun, kalo-kalo imu' aok nyalamat saut'nmu? tatap ka sadat'n Kaadaan sa' Gat'nmaba Jabata ¹⁷ Barang, ulah da ngalaka Tuhan tatapkan ya' satiap sok, langkina Jabata ngalaka maba ayo'a masing-masing, tataplah idup ka sadat'n kaadaan ladiah. Ladiah uga iko' marintah ka samaan jamaat. ¹⁸ Jailah ani sok gat'nmaba sa' ini' ngalaka gat'nnurih? iya'lah ini' mangkilang tande-tande turih'a. Ani ta sok da sa' gat'n maba ini' ti'nga gat'n nurih? iya'lah ini' gat'n nurih. ¹⁹ Sa', baturih atopun kati baturih, kati'lah panting. Barang, da panting diu'ta taat tradap parintah-parintah Jabata. ²⁰ Satiap sok harus madi ka sadat'n kaadaan ulah sa' ini' gat'n maba. ²¹ Diu'ta imu' sook budak sa' gat'n maba? Iya' imu' mangkhwatirkan hl dakoh. Barang, kalo imu' uga kaat'n jadi sok da mardeka, labih bait gunekanlah kasampatan dakoh. ²² Sa', ini' da katika gat'n maba ka sadat'n Tuhan anilah budak, ini' anilah sok mardeka umpu Tuhan. Ladiah uga, sa' sok da mardeka gat'n maba, ini' diu'ta budak Kristus. ²³ Imu' ngalaka gat'n nabus nige raga lunas, karna dakoh iya'lah imu' jadi budak talino. ²⁴ Ayo-age, handaklah satiap sok tatap madi bariuh ge Jabata, ka sadat'n kaadaan sa' ini' gat'n maba. Nasihat Mangkat'n sok da Ti'nga Baihnya' ²⁵ Mati, tantang ayo-sok da kati parnah baihnya', iko' kati umpu parintah umpat'n Tuhan. Tapi aok'a, iko' mangkat'n pandapatko' sabage sok, da uleh pamase Tuhan, kaat'n gat'n macaya. ²⁶ Iko' nganggap hal diah bait ka sadat'n ka adaan sulit saat diah, dakoh'ta labih bait mangkat'n sook ya' tatap madi ulah jai ani'a. ²⁷ Jai ta imu' tarikat nige saut'n sok? iya'lah mangusahakan parceraian. Jailah imu' ti'nga tarikat nige saut'n? Iya'lah imu' mancerai saut'n. ²⁸ Barang, sa' imu' baihnya', imu' kati baduse. Ge', sa' sok dara baihnya', ini' kati baduse. Tapi aok'a, ayo'a da baihnya' aok misa' kasulitan-kasulitan idup duniawi, ge' iko' ngate imu' tarindar umpat'n hal-hal dakoh. ²⁹ Ayo-age, maksudko' anilah waktu'a ngalaka singkat. Jadi mule mati, kate'a ayo'a da umpu saut'n, iduplah tong-tong sok kati munse, ayo'a da basukacita, ayo'a da gat'n mari tong-tong kati umpu'a, ³¹ ge' ayo'a da manggune'a. Sa', ka adaan dunia diah sadakng lanyap. ³² Iko' ngate imu' bebas umpat'n kekhwatiran. Sok da kati baihnya mikir hal-hal manganai Tuhan, langkina ini' kaat'n manyenangkan saut'n'a, ³⁴ ge' parhatian'a tarbagi-bagi. Mahu da kati baihnya ge dara mangkhawatirkan hal-hal manganai Tuhan supaya ini jadi kudus, bait ungan maupun roh'a. Brang, mahu da baihnya mangkhawatirkan hal-hal dunia diah, langkina ini' kaat'n manyenangkan banun'a. ³⁵ Iko' muji' hal diah ya' kauntonganmu' sadi, inya ya' mana' jerat ka samomu', malait'nkan ya' hal da bait supaya palayananmu' ka Tuhan kati targanggu. ³⁶ Sa' ani sok da nganggap bahwa ini' ngalaka bulah hal da kati pantas tradap dara'a dakoh ngalaka lewat umur ge ulah dakohlah saharus'a kate'a ini' bulah jai da gat'n nak ngate, ini' kati baduse; kate'a ayo'a baihnya'. ³⁷ Barang, ini' da ngalaka mantap ka sadat'n ate'a, kati sadakng wak saroh gat'n makse, umpu kuasa ka samo umpu'a sadi, ge' ngalaka mamutus'a ka sadat'n ate'a ya' kati baihnya' dara'a dakoh, maka ini' pun batindak nige bait. ³⁸ Jadi, sa' ini' baihnya mahu dakoh ini' kati barbuat taman, tapi sa' ini' kati baihnya mahu dakoh, parbuatan'a dakohpun bait. ³⁹ Saut'n tarikat salama' banun'a masih idup. Barang, sa' banun'a kabis, ini' bebas ya' baihnya nige asipun saja da gat'n nak ngate, asalkan sok dakoh ka sadat'n Tuhan. ⁴⁰ Tapi aok'a, manurut pandapatko', ini' aok labih bahagia sa' ini' tatap ka sadat'n ka adaan'a, ge' manurutko', iko' uga umpu Roh Jabata.