¹ Netante, ena treplre walrolre ete sukumupuko, eyei Tuhan Yesus Kristus kena wolrolre, Allah plre kenate beite mekomaponde, ² nena wolrolre ena treplre kalrolre yowe May kena poi, menaya nebularane te ponde neplrena Allah kena kena delre bulrane ena kalri plre mendo plre nenane klomambonde. ³ Nenamotena ambai, ye lreu sedoplrena nelrone nelrolre kenasuwete doukande. ⁴ Kenosuwe nelro yekote doukande, treplre te doukande ⁵ Neplrena treplre etna paite bulre mikoipai, Alru Melro-melro kena walrolre, Allah nena bise tante nena poi detero nelrote miyowe. ⁶ Wake ambainya nelrolre, Allah kena Ayeko bulralre, detro kena peko tante Kristus kainone tetepuko. ⁷ Detro mlro-mlro tena detro si kena ambai nepelrna detro poi tena detro si kena plrena. ⁸ Nisi blurene neko blurene nicyande, Allah kena bise dadetro yei tante, nenei yei yumbeina meyouna da anedene tetepuko. ⁹ Nenei yei yumbeina eu sa walrolre ete baite sukumupuko neplre nena walrolre Allah kena klripote ete tromelromupuko. ¹⁰ Yambe nelrone nikiyande, kristus kena tete walrolre, Allah plre beite dupuko, neplrena e muku baite dupuko, Kristus kena walri kalrolre ete tro melro mupuko. ¹¹ Nenamo ambai, Tuhan Yesus Kristus kena walrolre, Allah kena nelrone kena kalrite kande neplrena nena yei yumbeina kena walrolre kena poite doumolre (Tete Adam Kena Walrolre Walri Kristus Kena Walrolre ) ¹² Netenate, peko da yo bulrate miyouna, detro mbei kena wolrolre nepelrena tete nepeko walrolre, nenang delrati tete meterna detro kote miyowe, e meterna peko detero. ¹³ A tung yeko da anende bulranena mipanya sereinena, peko dino dounende bulrate memete miyowe a tung a yeko nimeipaisate, nepeko detro nimeipai. ¹⁴ Tete nena delrepote kilriyowe, Adam kena peko moitere neplrena Adam nekaye tininong metolre mendena detero. ¹⁵ Yambu poi pelre peko pelre mbeinena ambai detero mbei kena peko meterna detero di tesowe, Allah kena yambu poi tante, nenei yei yumbeina, Kristus Yesus kena wolrolre, Allah kena yambu poi meterna detero kena bulrate. ¹⁶ Detero besika kena peko, yambu poi nenalrena ambai. Ena peko mekan dena eyei eute sete tande, May kena bise tante ena pekote baite sukunuponde. ¹⁷ Detero mbei kena peko tete mewena neney wolrolre nepelrena yambu poi ,alru poi telre nenei yei yumbeina, Yesus Kristus meterna nena wolro molrena. ¹⁸ Netenate, mbeina peko sate doku meterna detro tena, neman dlraiti detro mbei kena poi metertena detero tena, mlro-mlro plre walri plre. ¹⁹ Detero besike a koi-koi ambainya, meterna detero neko bluute lopri yaipuko, ne mandlrati detero mbei kena a koi-koi meterna detero poi bulrate yayei. ²⁰ Menaya, A Tung A Yeko miyowe meterna peko muku kiyamupuko, neman diroti, peko nelrone nekandesate, Mang Walri Kena bise Nemanemote detero kena Bulrate. ²¹ Nemandlrati, pekoye ete ontunumupuko, eyei Tuhan Yesus Kristus Nena Poi Walrolre Ete Yatenemlre Walri Senane Manekene.