Peko ciunatete walri Kristus kena cine ¹ Netena be elte ere malre nete-nete. Eye peko eine neme walre meire nete-nate poi ekote walrende ? ² Nemena ambai beyamane eiye teteye pekoplre ena nelyone nekewe ? ³ Nemane, we te meypai neprena eye metnena bute kenami puko, Yesus Kristus kena eudone bute kenapuko nepre tete eine ? ⁴ Nemane daiti enayeko pekote nembei te nembalre buye buteke rami puke mane te, te te eye derati neperna eye metrena Yesus deyapuko namane, detero tete eiyeu memay kena poi ye emetre na yereu pai te do malre. ⁵ Nepelre eye metre bekembonele, nembere nembeine, eye detero tete tena mane enakenarna derati membei derati deyupukona mane. ⁶ eye nimeiyambu ko detero yei kena yansina yeko dine onene paku be pai peko neperna eu kani pere-peko ye metrena baite supu ko neperna metrena detero peko tena yati panya. ⁷ Neplrena simye nepe tete puko neye nepe peko nelrone baite yemboku. ⁸ Menaye ye eye tete lre nembeiye Kristus palre eye mendo eine meko manlre neplrena. eye nembei nembre Walri te neke mare. ⁹ Eye nimeiyanbuko. neplre Kristus ye nepe deyu puko detero tete nelro re nekenou tena titipay peko neke noutena bepai. ¹⁰ Netenate we metrena doutetembe da yereu nepe pere peko puo netenate da yereu nepe tete pere peko pua netenate da yereu Allah kenane Yesus Kristus kena eine. ¹¹ Netenade we metrena dou tetembe da yereu nepe tete pere peko pua netenate da yereu Allah kenane Yesus Kristus kena eine. ¹² Netenate pekotena . Eyei eutena Pekobeki panya telre pelre telri nene peko ye neke wena. ¹³ Da cu tena peko nero na ta wi panya, netenate wei cu te. Mang walri te kerombonde, neperena deteropeko eiyene, walri elo kaude, neperena deteropeko eiye re, walri te lo kaude, da cute mang walri, kenane kerombonde sanung. ¹⁴ Terepene we peko kerena niki panya we metlre ye atung- a ye ko cine poi nemane mote walrende. Tereperna Kembau Detero ¹⁵ Neperna beyamane? nemenate eye pekote neme meko malre eye atung ayeko eine metrna poi kena kermone nemena ambai. ¹⁶ We metelre nimepai neplre we derati netena kena bisete denure ¹⁷ Netena pote, mang walri tena apui te sane manre elina sereima peko kena kerene niki yau nepe wei kena dekonakerene niki yau nepe wei kenadekona, meterena akare kriyomena tere pemete erau puko. ¹⁸ Nepelre, peko ne ro ne bayte mi yau we, tere perna detere kena kembari mane. ¹⁹ Dena a era mena, detero kena kerene peko terete meko you , dasereitena, teme perne cine walrembe. ²⁰ Nemena Pete Weye Peko Kena detero mane mane we detero peute due puke. ²¹ Netenate beya onate denare, oru yawe wete paita burete, mekoyomu ? metrene teteye natune ne ke we. ²² Netenate desereine, wete pekone baite ta mu puko, mang walri kena kembalri detero mane, we ona yati yauna wete yate nemre walri tikine nekembe. ²³ Netenate pekonekena, tete neture, nekewe mang walri kena yambu nekewena walri tiki Yesus Kristus eyeu Tuhan