1
Yahudi detero te dumapona, nena poi be yane nekewe?
2
Sunat nena poi beya ne nekewe? Mendo tereug dopre ne te na te nete Mai Mang Wari kena a wari te iki mere sema te nekenaiye.
3
Po si, terepere te eripai, telpere eri paina serai Mai Mang Wari kena kena bise te dine nai pone.
4
Telpere bete ambai Mai Mang Wari tere perna detero detero bei bei tere pereme na ambai. Semone dina merai puka we telperena detero asena te sani yeme, nikimba ayeko te keroye.
5
Netenate ena peko te Mai Mang Wari kena A e te membuko, e beyate eremare? Mai Mang Wari telpere ambai, e te pekote tanempone? De detero kena A era re (detero yei)
6
Meterka ambao! beapotna Mang Wari Da Mang Kra Mang Sero te tu te mekonenere.
7
Da nekewen, dena apeir pen waro (karo) Mang Wari ke poi nemanemote tenokemewe, beatenate de peko detero weme sangkau tere.
8
Detero mesarei dete ate senaime. Ate demane erembe pate membe peko kembari te mekoma re poi newarene mende. Newaro tena Se dina kerai peko.
9
Beyamane? e Yahudi detero te duma pone, nena poi? Nena ambai! A yeko dina sansi kan de Yahudi dero detero si muku peko pememutuku.
10
Semone dina merai peko, si poina mikoipai detero si mena ambai.
11
De terosi mena nimeipai. Detero simena Mang Wari tena duwei pai.
12
Nemeternamo nipi site yai, meter namo pekonipi te yaiye. De tero simena poi na mi koipai. Si be temena ambai.
13
Nenei mariko kani mau mane tuu suku, ne peu te dokai a pen peute daime, ware kena bise euwa ne baipeko.
14
Nenai emburu apeko peko mote oraipeko.
15
Nenei oto detero tuti-tuti te yetai peko werai
16
Nena nipi weraina peko nipi mo te weraiye.
17
Pi nipi mena nimeipai.
18
Nena dou yene Mang Wari tena endikime na di koipai.
19
Menaya nepe nemeyambeko Taurat yeko beya te erenaina. Nena Taurat yeko kerene nekaina tena, netena te senam me, neware nekewena detero bei-bei emburu te dine nai pone Mukuna Mang Kra Mang Sero Mang Wari kena burate kronainere.
20
Netenate Mang Wari kena bukouna deterobei sika treperemena ambai Taurat yekoikrokai tepaina, nena nete nepe krimu da karo peko.
21
Menaya temareka, Mai Mang Wari kena A Sena nepe kura dokaya senaime, Taurat yeko ambai, Taurat semone a kiyana nabil kena nepe saniaime
22
a warite terprete ermapona, ena telpre Sa Wari Iwari Yeine kromare tapemare, nemanemo te tenone mende (tenonemende)
23
Muku na detero peko te mekambeko, Mang Wari kena poi ena buruna ambai.
24
Wari yei kenane burune, enepe poite yeta beko.
25
Ena terepre Mang Wari a yeko te nepetesa suku, nena Sah diripuku na buru ne ware mare. Dana nena telpere te kirima poune Nena poi nekeyowena, Mai Mang Wari tumu puko yang sina pekote neme mekoyaiye.
26
Newaro nekewena nena telpere te ermapone, da ya mendenate, nete telpere te er naipone. Telpere te eraipekona detero Wari Yei kena burune nekaiye.
27
Beya poi enane nekewe? Nepe ambai tere! Beya yeko te sasuku? ena yeko kirandena? ambai. Ena telpere besikamo (ena yeko poi poi te mekande)
28
Netenate, e mendote mekomare, detero nena telpera besika nete telpere te eri piyai, kembari moitere Taurat yeko neburuna ambai.
29
Mai Mang Wari kaiye Yahudi deteromo tenate, Nekaiye detero sisitena lati? Nelati detero sitena lati (sisitena lati)
30
Mai Mang Wari besikamo, detero telperna sunat te mekoyaina, sunat mikopaina nena terepere besikamo.
31
E Taurat te baite kenenamanere iman pere? Kini pai na Taura te mesuwe knamare tape mare