¹ Netenate we metrena wakembai, nerepere detro sitene pekotena eripanya nena nekewena wana sate taime, netehate detero sinena peko eraina, welati memefe nekembaite mekau na. ² E metrena nemeyambeko, mang wari kembari moko yona nina trepre dotroyei diena burate. ³ Detero yei nekauna weye waping embe memai mang wari kena peko samukonate tromrombe netenate detro sitene peko erainatena nepeko memye erintembe. ⁴ Neperena wewasimbe dena kena dohone poi tenouna we nimeipai mang wari kena poi wete yakenemre bute kronainpone. ⁵ Neperna wena yeko armadopre trepretre nena nekewena singkang te wena eubrate bareye-braye. ⁶ mangwari enapeko mokoyandenatena nekoute yatenemre mende. ⁷ Neye detro yete warite yatenemre neture-ture. ⁸ Neperna, detro nenei eitena mendote mekainate nena nekeuena peko ye nekoute brusingde mende nena eubrate. ⁹ Nedaite ne bute mendena ne ya pekotre nepere nipi mena ambai, netenate peko te mekainane detero ne kauna Yahudi detromane kepere Yunani detromane. ¹⁰ Neperna ye, moi derepo nepere poi yamendena detero bembai kena burate mende detero poi kembaite mekaina burate, memeteretena Yahudi detero ne pena ye Yunani detero pre. ¹¹ mangwari kambise yekotena sasipai. ¹² Meterna detero pekote mekaina nepere Taurat na atung ne detero nekote yatenaina Taurat kena atung ayoko nenaye pekote yatenaina Taurat atung sukuna. ¹³ Netenate Taurat kena atung trepretena mang wari kena bukouna eri pai, nepernaye detero yei nekandena Taurat ke atung te mekeina ne detro treprete ernaina. ¹⁴ Neprenaye nedetro Yahudi detro mbai atung ambainya detero mane-nenei eu atung nena kena ne cune ¹⁵ Neperna ye newapukaye kembari mokoyaina Taurat nena atung kena dekone meraipeko tanate nepere kena dekone. ¹⁶ Ya namintena mangwari detero yei kena mendo te yene yenaina wari yei kenane deng asna yei ne, meropuko. ¹⁷ Netena te, weye wapesembe Yahudi detro mane Taurat kena atung ne, mangwarite kena ne kena hari te komare,embe. ¹⁸ Nepere terpre tere te erembombe, sesoyute tupembe menayang poi, Taurat kena atung te trepre tere te eraupukona, ¹⁹ Trepre tere te eraupuko de tero dobisena te do wembe, nepere noko buruna. detero nekaina te kyane tanembonde. ²⁰ Dero mendo banya te krimure, guru ye nining kena mane ya mendena mendote nepere trepere Taurat Atung ne. ²¹ Weyang detero sina te kiraununa, nemane draiti wei eutena kiri pai? ²² Weye erau puko detro kaima tena mikoipai , nepere wei eu tena kaima tena mokoye? weye endikite dokoye ona aruna, nepere nena mie bise douke? ²³ Weye trepre te eurau puko Taurat kena Atung Beite Mang Warite nena Atung bisau puko. ²⁴ Dina merai pekona semo wesete mangwari kena eudorte yo sisi pekote eraiye.'' ²⁵ Bute kraimbukona nena trepre terena Taurat nena atung nekewena, nepere weye Taurat kena atung we ye kembatena mikoipai nena nekewena bu kiroy panya mane. ²⁶ Netenate, detero bukiroipanya nena kembari mekondena nepere Taurat atung ayeko na ne detero mete beyaina nepere bute kraimbukona detero. ²⁷ Neperena detro bukroi panya atung te kroku tapewe, Atung te bitau puko. ²⁸ Ne Detro Yahudi detro ambai, bairina detero, eu wake ambarnya. ²⁹ Yahudi detro mane kena eine Yahudi detro nepere bu kramena kena tiyeuna wau mro-mro kenarna ambai atung semo miraipai. dimi smo detero yei kerna ambai mang wari kerna na.