¹ Paulus wari simbuko weye rasul walrewe Mang Walri kena asna te kirimre; ² Walri Asna Mang Walri sanempukona nabi kena sereire asna semo yete kamar na ³ Daud kena esrena yei ⁴ Ne Yei Mang Walri kena dere aru mero-mero detelro tete nerone deipuku ne perna mang nuwei eiyei Tuhan. ⁵ Nena warore ei meterna poite yatiande neperna rasul nepena iman Mang Walri Yei kena eido Yahudi detelro ambai, ⁶ Weye nepe Walri Yei simimpuko nena eune bepukona. ⁷ Metlre detelro Roma ya nekau na Mang Walri kena bise te derenu simimume perna detelro yampoi kena tepapa kena poi Mang Walri kenaremede ena, memai neperna Walri Yei Tuhan! ⁸ Memetelrena de ye poi ate senamare Mang Walri kena walrolre Walri Yei weye wena tlreplre aru teme kerimbei. ⁹ Mang Walri nena aru mero-mero asna yene meropuko de ye poiskopai iskopai wete nemeye santemre; ¹⁰ De ye am do karo yei ne mendo yeine Mang Walri saniyanare nepena tupeu doukare. ¹¹ De ye wembei tupeimare kena wete Walri yambu itemire. ¹² Eiye nembei bute keronaimpode ena telreplre wake donde neri-neri wena telreplre dena telrplre. ¹³ Dokeka deye wete senama weye nimeibombe medaite wekote metelre deye nipi doipai daselrei te wena nero te tere tetemere eu wewai ye wena nerone yo sisi yuni ambai. ¹⁴ Dena poi Yunani nerone nemeye tenowe barina detelro kena laiti neme tewe yambu perna yambu nya detelro. ¹⁵ Neperna kena bisete danare Roma yona wete kena bise danare. ¹⁶ Neplre deye paita bure tuwapai Asna Mang Walri kena wake nepe telrplre naipuko na detelro yedi serai meperna laiti Yunani detelro. ¹⁷ Nepre laiti Mang Walri kena Asna di merai peko terpere neperna tlreplre semo einine detelro terpere na warite terpe eine. ¹⁸ Mang Walri peko ankon nende yowari diana da dero ade danina poi men ambai detelro yei kena tenowe terpere mena ambai terpertere ambai. ¹⁹ Weye Mang Walri kena yeko nimeim bukana nepe kiya peko Mang Walri te terpertere te napekona Mang Walri eute kirimu. ²⁰ Aru teme kirimbei te mekonuna Mang Walri kena yeko dadero mena itipai dero sim danate nimei buko Mang Walri kena sero te mukoyone. ²¹ Weye Mang Walri nimei bukena weye netena kapipai wena yelrei peko yatembe ²² Weye dere burane kembe weye pepero eine nekembe, ²³ Mang Walri moi de terate wasiyai peko dupanya da detero yei pekote mekandena nepena buran awe marisa seka kirimbei eine dekaina. ²⁴ Nepena Mang Walri nene mendo mekainina dite nekote yate kemre nena eu pekote yatiaiye. ²⁵ Nena poite di tenate wasiyaye Mang Walri, Mang Walri kenate deykungko marisa onung mendo eine sanuyomu terpere! ²⁶ Memai Mang Walri nete yete kemere peko nerene tampuko pekotere nena milre-milre kembalri poi di terate wasiyaye pekote yatiaye. ²⁷ Neperna do milre taimpuko, pekoburusuku sintena mane kena eine dekewe do ye buraipeko do yei peko nenei eine yatiyaiye ²⁸ Neye Mang Walri tena poi yeripai Mang Walri nete peko nerote kekemare nena mendo burumsuku peko neye mekoipainya neye mekonaiye ²⁹ Neyena emburune peko te meko nai yembe yembe neperna kiri nenei tutunai apepeu te ona naina. ³⁰ Mang Walri kena selrai te dununa arma arma eu kani kani embu kena kena peko peko yena detero siang siang a we betopai, ³¹ Pero pero kena poi ambai yeko peko arma dopere. ³² Nepena ne nimei yambuko Mang Walri kena a yeko nete sanuyumo peko mekona tete yatenai ne laiti poi doi pai