Pasal 19
1
Pilatus Yesus te doku nepelre a'te ikimelre Yesus te penenaina.
2
Prajurit selrei makota sumbei te tuyaiye nena mise siye-siye neplre Yesus kena belrengka ne titaimbeko,nepelre jubah ungu ne'kote titaimbeko.
3
Ne'Yesus kena euw yene nepelre sani yani,poi Yahudi detelro kena ondowapi!Nenate,ne'nena bete pini yaiye.
4
Pilatus nekoute diyate nepelre nekote saniyoumu tembe!de nena Yesus we kote diyate dotulru nena we'nimeyembombe de'mbai beya sa bete ne'na nalru kukona tupeipai."
5
Nenate Yesus diyate nepelre makota siye-siye pelre jubah ungu titambeko.Pilatus nekote saniyoumu,ne'te tembe!
6
Nenate imam-imam belrengka nepelre perwira selrei Yesus te tiyaime,ne'kitilriyai,ne'te salib ne,ne'te salib ne!"Nenate,pilatus ne kote saniyoumu,ne'te douwembe nepelre wei mo salib ne nenate de'beyasabete nalrukuko ne'nelrna tupeipei.
7
Yahudi detelro Pilatus te nenate saukai,de hukum pelrena,nepelre nena hukum,ne tete te dondu nena ne'nei euwte ne Allah kena yei."
8
Nenate Pilatus ne'a te betopuko,ne'endikite dekokuko,
9
nepelre nekoute mie a'te tiyaina asute.Nepelre Yesus kote simi younu,we'monoulrena?Nenate Yesus mbai nena saupai.
10
Pilatus ne'kote saniyounu,we'mbai dembelre na a'elreipai?Ne we'mbai nimeipai nena de'kuasa te tepalrena nena we'te baite tatepone nepelre kuasa tepalrena nena we'te salib ne?
11
Yesus sdauku,we'mbai kuasa beyasa tapeye delrei euw bulrate,nenate bulralrena kuasa we'kote inaiwelrena te.Nena delrati,detelro nena de'te we'kote ikiwelrena,nenei dosa delre telre."
12
Nepete ne hal te betopuko,Pilatus nena te kediyoune Yesus te baite tenembona te,nenate Yahudi detelro alra te seiyaye,nenate we'da detelro te baite tenembondena,we'kaisar kena meko detelro tena ambai,detelro mbei-mbei nenei euw te ondowapi tena denenelrena nena kaisar te adetede nenelrem."
13
Nenate Pilatus nemena a'te betopuko ne,Yesus te diyate doku nelre,nepelre kursi atetiyeinena nepene ongkike,nenouw mbei nena euwdo Litostritos,nenate Ibrani peuw netedamina Gabata.
14
Nena ya dupuko na ya delrate dunuyaine paskah tena,ne selreine su mesi bei.Pilatus Yahudi detelro kote saniyomu,dalrena wei ondowapi!"
15
Nenete,ne kitilriyaiye,nete nalrembombe!Ne'te Nelrembombe!Ne'te salib ne!Pilatus ne'kote saniyomu,nenate we'na ondowapi de salib ne!"Imam-imam belrengka saukai,De ondowapi ambai nena kaiwsar mo!
16
Nenete,Pilatus Yesus te Ne'kote ikimelre nena salib tenate.
(Yesus Salib Ne)
17
Yesus diyate nena salib te kepuko ne'mbei mo yowe nenouw nena euwdo nouw tengkorak,nena Ibrani peuw eine damina Golgota.
18
Nepene,Ne ,Yesus te salib ne nembei nena detelro be sipelre,nena salib ne Yesus kena metelre sune pelre milri sune,nena Yesus nena nelrone.
19
Pilatus delrati melroyowe semo simbei nepelre salib ono tikeimboko.Semo nena ikulrung,Yesus Nazaret detelro,ondowapi Yahudi detelro."
20
Yahudi detelro telreng ne semo te beyaiye nenate nouw Yesus salib ne,nena kota yene,nepelre semo nena melro yaine Ibrani,latin pelre Yunani peuw eine.
21
Nenate,imam-imam belrengka,Yahudi detelro Pilatus kote sani yaine,nemena semo tena melroipai,ondowapi Yahudi detelro,nemenate na melrouwena,da detelro elreyowena.De'Ondowapi Yahudi detelro."
22
Pilatus sauku,beyasa nena nepete de,melropukalrena,nenete melropukalre!"
23
Prajurit selrei,nenate ne'nepete Yesus salib ne,nenei mayong te dukaiye nepelre nete wasiyaime kilrimbei te dupuko,walro mbei nena prajurit mo-mo tena,ne`na jubah delrati,jubah nena kain kelim nena ambai,nemei bulralre atena seyipai.
24
Prajurit selrai nena detelro si,sikotena elriyaiye,E nenatena bisipaina,nemena tena undi te ne bulrate kene manlre nena tiyenkonde sime nenate neyi dondu.Da hal dumbondena nenatena asena melro-melro eine melroyaiye nepete.Yuwumbondena.Ne'dena mayong te ne'na nelrone wasnaimelre nepelre de'na jubah nena,ne'undi te kenenainelre.Nenate prajurit selrai metelre na halte mekoyaiye."
25
Nemenane,Yesus nenei nemane,Yesus nenei nameng milre keka,Maria Klopas,nembilre,Ne`na salib Yene tipi yaye.
26
Nenate Yesus ne`nei nemang tiyowe ne pelre murid ne`bisete di yone dipene tipiyai ne`nenei nameng kote saniyoumu,milre,timboi da wei yei!"
27
Nena Yesus murid ne`bisete di yonu nate saniyounu,dalrena wei nameng!"Ne selreine,ne`murid Yesus nenei nameng te dokunelre nenei miene nikiyaiye.
(Yesus Tete Te Doku)
28
Nenate,Yesus,Nepete nimeyembuko nena metelre nepete dupuko,nena melro-melro ne yuwupuko,Ne`elre yowe,De`dumalri!"
29
Nenouwne selre mbei anggur tinii kemepuko.Nepelre delreti,ne`kelrengka keme te naipeko nenate anggur tinii eite nunduku hisop no mbeine nepelre Yesus kena embulru ne kilri yaine.
30
Nepelre anggur tinimi te pelreisuku Yesus elreyowe,nepete ,nepelre delrati,nenei belrengka ate dusungkuko nepelre nenei euwte ikimelre.
31
Ne ya'na nenada ya delrati dunu yaina,nepelre ne detelro tete salib onona wawi pana sabat yana,nena sabat ya delre,Yahudi detelro Pilatus kote diyiyaine salib na detelro nena otote dusunaipone nepelre ne detelro tete salib ate yatenaimelre.
32
Nenate prajurid selrai miyaiye nepelre detelro memetena pelre detelro sipelre nenei ototedusuyaiye,nena salib ne Yesus nembeine.
33
Nemenatena,nena Yesus kote ne miyaiye neplre tiyaiye ne'nepe tete puko,ne nena otodusipai.
34
Neman delrati,prajurit sembei nena meteka sulru te Yesus nena yeti te asoke,nepelre nembeimo nena,sa pelre bukifate balreyonu.
35
Detelro nena tu kilripukona te tiyonuna nena da kilipukona te ikimelre nepelre ne likripukona nolru nepelre ne'nimeiyembuko nenatena ne'nolruna te elreyowe,netenate we'nenate telreplre te.
36
Netenate,da metelre olrupuko semo melro-melro eine melropukona nena nepete yuwupuko.Sumbei tena ne'nayo lrena nena dusumpai."
37
Nepelre delrati,semo melro-melro si eine sani yeimena,ne'nena ne'te tenainelre ne'nepete nekeiye."
(Yesus Bulrune Sasikaiye)
38
Metelrena nena nepe,Yusuf Atimatea lrena,nena delrati murid Yesus te dupuko neman delrati ye nalri-nalri nena Yahudi detelro te dokuyoumu,Pilatus nenate tupupoko,netenate Yusuf Arimatea irena nena me yowe nepelre Yesus kena bengkate doku.
39
Nikodemus,detelro nena yansune Yesus te deneye yane tepeiyeke,nena minyak mur pelre gaharu bulrumbeko nate nenate doku meyowe,nena se tena doke me`be kati ne selrei.
40
Nenate,ne Yesus kena bengkate dokei nepelre kain linen nemane dulrusikei rempah-rempah siyoiye,Yahudi detelro bulrune,sasiyai nemane nena yeko nemane.
41
Ne nouw yene Yesus salib ne,taman simbei nepene nepelre ne taman eine nena da bulre simbei neme nena bengka simbei mena nepena mena sasipai.
42
Nepelre delrati neya nena da ya delrati dunuyaina nena Yahudi detelro tena,nepelre ne bulre nena tikiambai,ne'Yesus kena bengka nepene sasikaiye.