Pasal 18
(Yesus Te Kelroukaye)
1
Yesus me a Kalro-kalro te sanemupukona kaye,nenei ototouna pelre Kidron melrewaite paisiki,nenouna eni nekewena nepelre Yesus nenei ototouna pelre e`sute yaye.
2
Yudas,nena ototouna simbeyo Yesus te peko bulrate salrembondena,ne emitena,ne nime yembouko Yesus nenei ototouna pelre da mbei-mbei nenoute walri yaye.
3
Yudas,pelyarote ne nepele imam-imam belrengka kena nena kembalri detelro nepelre Farisi detelro pelre,ne emi kote miyaye nepelrena lentera,obor,nepelre pelra sapelrete yeteipeko yaye.
4
Yesus nenei eune kiyanayena kalrote nimeyembukonaye besute yowe neplre nete,sinte weye dowew we?
5
Ne ate saukaye,"Yesus nazaret yolrena,yesus nete saneyoume,"De Yesus nepe,neplre Yudas delrati,nete peko bulrate salrepukona,ne,bembelre nembeye tipiyoye."
6
Yesus nemena ate elrepukonakaye,De Yesus nepe,"Noye metote sukasiki.Nepelre ate belreipeko.
7
Nepelrenakaye,Yesus nekenoute simeyoume.Sinte weye duwew we?Ne ate saukaye,Yesus Nazaret yolrena?"
8
Yesus ate sauku,"De wete nepe saniyamalre.De Yesus nepe netenate,we dete dowew wena delrei ototounate temembonde dite naye."
9
da kalro kiyambonde Yesus kena a saneyoumuna noulre mekombonde."Metelrena dete yateketena simena kasoipai."
10
Simon Petrus,meteka pelre meyowena,metekate yepopuko nepelre imam delre kena kembalri detelro,kena buntekei metelre mesunate ketepuko,imam delre nena kembalri detelro kena eudo malkus.
11
Nemena kaye,Yesus Petrus te sane younu,"Metekate esune dite adune,"Memai detena cawan kitelrenatena,nena de anipai?
(Yesus Te Hanas Kena Bukoute Boukainelre)
12
Nepelrena kaye,Romawi kena pelrayo nepelre nenei ototouna pelre,nepelrenaye Yahudi detelro kena kembalri detelro pelre Yesus te kelroukaye nepelre nete saye bekaipeko,
13
Nepelre nemetelrete Yesus te Hanas kote doukainelre yaye,Kayafas nesang.Ne maine imam delete nekeyowe.
14
Nepelre,Kayafas ye Yahudi detelrote saneyoumu nena tena detelro telren tante tetembondena nena now telrelrena.
(Petrus Yesus Tena Telrepelretena Elripai)
15
Simon Petrus ototouna sipere Yesus te taukainelre,ne ototouna imam delre nete nimeyembuko nepelre ne Yesus pelre nembeye imam delre kena diyate yaye.
16
Nepelrenaye,Petrus diyasute mau yene tepeyowe.Nepelrena kaye ototouna siye imam delrete niyembukona nekenoute diyte meyowe mau sema pelrena milre pelre at elreyoye,nakaye Petrus te esute dokunelre yowe.
17
Nakaye,mau sema pelrena milreye Petrus te simiyoune.Di detelro kena ototouna simena we nepe?Petrus ate sauku!Ambai."
18
Nepelrena sin te kelraimbekona kaye,kembalri detelro neplre pelra yo pele bilrengkenate sintoune tipiyaye,Petrus nembelre delrati,sintoune tipiyaye.
(Imam Delre Yesus Te Simi youne)
19
Nepelrena kaye,imam delre Yesus nena ototounate simiyoune nepelre nena a kalro kilriyoumuna tenate.
20
Yesus nete ate sauku,"Dena a nepeye kiyaye dayobulrane sanu yamalre.De nemena mote sinagoge-sinagoge nepelrena Mang walri kena miyene ate kilri yamakre metelrena Yahudi detelra koprinuna niune.De yenena a elripai.
21
We beyapotenate we dete simatu?Nemena atena dena ate betoyayenate siminembe,ne dena a elriyalrena ne nepe numeyaimbeko."
22
Yesus nemena ate elrepukona kaye,sema pelrena detelro si nepene tepeyowena nena bete mekepei kinelre neplre saneyoumu,"Imam delre tena a nemane senaime?
23
Yesus nete ate sauku,"Nemena tena dena a nalre kukalrenate elrepukalrena nenate mbei kilriponde,nepelrenaye De noulrena ate elrepukalrena,beyamena pote dete mekepei iketeng?
24
Nepelrena kaye,Hanas Yesus te kebeipeko nemane sanemupuko imam delre Kayafas kote doukainelre yaye.
(Petrus Nekenoute Yesus Tena Nimeipainya Elrepuko)
25
Ne selreina,Simon Petrus sintoune neme tepeyowe ,nemane kaye nete simiyanye,"We kaye di detelro kena ototouna si nepe?" Petrus ate baite salrepuko,"Ambai."
26
Imam delre kena kembalri detelro si nena yau-yauna Petrus nena buntekeite ketepukonaye,elreyowe,"Nemena kaye we nemblre nembeye emiye nate tumupukalre.
27
Nekenoute delrati Petrus ate baite salrepuko,nepelre ambrawe ate waikeko.
(Yesus Pilatus Kena Bukoute Doukainelre Yaye)
28
Nepelre nekaye,Yesus te Kayafas kenalre apelre tayena miyite doukainelre yaye,nena yabunena selreine,nepelre neyo ne apelre tayena metena e`sutena ipai,nenei e`utena nikitena mekoipainya,Paskah sate anen aye natena.
29
Nepelrena kaye Pilatus diyate meyowe nete tupeye kemelre nepelre nete simiyoumu,"Beyamena a kalro sa detelro kenane nekewe?"
30
Neyo ate saukaye nepelre saniyainye,"Da detelro peko mekoipainya tena,wekotena de netena dowipai mipai."
31
Pilatus nete saneyoumu,"Nete dowenembe nepelre wei ayeko nekayenamane tembe."Yahudi detelro ate saukaye."Nekaye namane"Detelreto ne sete tamaimbonde tete te doundena dena atungna nikipai.
32
Dana nekewena Yesus kena a kalro saneyoumunaye yuwumbonde natena nena tete doundena kilrimbonde natena.
33
Nepelrenakaye,Pilatus nena a pelre tayena miyate e`sute yowe nepelre Yesus te simimbuko nepelre,nete simiyoumu.Nemenatena we Yahudi detelro ken abelrengka?
34
Yesus ate sauku,ne a kaye wei eulrena taye mbai detelro siye detenate wete senaiwepoke?"
35
Pilatus saneyounu,beyamanee da Yahudi detelro?Wei selraina yo nepelre imam belrenagka pelre nei mote wete dekote dowkaiwalre miyaye."Beyate we mekopuko?"
36
Yesus,saneyoumu,dena kelraselro da yobulralrena tena,Dena kembalri detelro detena a selraite dainelre,detena Yahudi detelro kena bulratena tawipai.Netenate,dena kelra selro da y yobulralrena ambai.
37
Pilatus saneyoumu,netenate we belengka mena nepe?Yesus ate sauku,wei mote nepete e`lrepeku,De,belrengka nepe,netante dete songkai telre,nepelre netante de dayo bulrate miyalre,ne telreplre kalrote santemelre.Detelro sime telreplre kalrolrena dena ate betombonde."
38
Pilatus nete saneyoumu,ne beyamena telreplre kalro,nepelre nemane drepukonakaye Pilatus nekenoute Yahudi detelro kote yowe,nepelre nete saneyoumu,"De nena peko menatena tupeiyipai.
39
Nemena pote deye ongke miyena detelro tenyane simbeite wena paskah mekaunna yane baite tamalrena.Netenate,beyamane Deye da Yahudi detelro kena belengkate baite tatembonde?"
40
Neyo ate saukaye nepelrena ketelri yaye,da detelro tena baitena tawipainya,barabas!"Barabas pekote mekoyowena detelro.