¹ Menayana doi karotena mero-mero detero tena, mekombe dena ayeko Galatia ne saniyamarena mane, ² ya mentenane ya mesi suna bene eu mbei-mbei sa simena e yembe nepere lati krombe we yatiyauna mane wei sape nekembe dw metere wande koprimbe. ³ Neidati metere de nete tiyetekone wena nerone sing te krimbomb, semo pre sasyasi kopriambekona, Yerusalem te yatetepone. ⁴ Nepere, Nekendena mena delati tere, nelati dembere mare. Paulus Kna Oto Wareyowena ⁵ Nemaneye,de wakote metelre,Makedonia wande dapete, ⁶ Nepelre,nemane sharle de wembelre nekalre dayalri sru ambai dumbone we dete tembombe nipi ti telrena di ketembombe menoute telre. ⁷ Netenate, de wetena dou poina itipai, dena kna wembere nekare walri yei tiyenkone. ⁸ Nemane lati de Efesusne neketere Pentakosta ya mende. ⁹ Memai kurane detena twasuku kembarite mekare. nimeyare de tena yembe detero nekaye. ¹⁰ Menaya,Timotius mendenatena,nete tunbe wembe nekembe wetena endikute dekoipai na. nelati Walrikna kembalrite te mekonde,de da mekalrena mane. ¹¹ Nemane,detelro netena atelrena tena itipai,nete dikine pembalitena mena temene,neperlati nukoute dekote brungini. de nete telre,depena dokeka pelre. ¹² Damenaya,Apolostena akalro,de neta susanalre wekote ende dokoka mesrei yatembone. nemaneye ne dasrute mendena atedune,yambei mendena kalno nekendena. ¹³ Tiyei-tiyei pre, terepere eine otosuwetere tepembe, Dotena mane tepembe suwetere. ¹⁴ Meterena kembari mekombena kena bise eine. ¹⁵ De wetesusamalre dokeka (Nimei yauwe nineiboi) metelrena Stevanus kna miedekona ona-ona mentetelrena akayane nepelre ne da kembalri eine doukaiye,melro-melro detelrote dikaime. ¹⁶ Netenate we lati damena detelrotena kena tepa-tepa eine. neperlati detelro mbei-mbei yaukembaline metelrena tena. ¹⁷ De kena kalri dapelre Stefanus fortunatus,nepelre akaikus miyaiye,wena nelrone nekaipeko na kalrote ne dikaimeko. ¹⁸ Netenate ne dena Alru pelre wena alru wakete yetaimepeko. netante,damena detelrotena dekimbombe. ¹⁹ Asiana Walri yau detelro wetena Apoite sainine Akwila pelre Priskila namumena poi ate Walri yei kna Einewetena te tepaimu. Nepernalati metelrena Walriyau detelro nenei miene. ²⁰ Metelrena dokeha dapena wetena Apoite tepaime,poiate sipelre-sipelre elrembe,nepere mro-mro timkote senembe. ²¹ De,Paulus poi ate semote delrei me telre melralre. ²² Detelro mangte kenabise nikipai nei peko nelrate. oh mangWalri,mewe. ²³ Walriyei kna teme wete dikinemlre. ²⁴ Debai kena bisa Walriyei kna eine wete dikinemelre telpelre.