(Walri semo Walri yei kna) ¹ Menaya metelrena dokeka,dewetena asnaWalri te snamalre,yansine doukauna ne Eine otone telpelre tepauwe. ² Ne asnaWalri ne we tro mraupeko,nemalati asal dena da asna Walri suamarnate wei mene swetelre tapemba,telpelrete aripainya kasonembombe. ³ De nepe wete sanemupukalre, metelrena tena metelrena kalrotena nepelre lati delrei mene doukalrena Walri Yei tetepuko, eyei peko tante, Asna Walri eine mane. ⁴ Ne nepe kani eine, nete duyupuko, ya naming ne Asna Walri eina mane. ⁵ Nemane lati ne eute Kefas te kyambuko, neyasi nei yau-yauna. ⁶ Nepelre lati detelro domuku mesi kaso pelre te kyamupuko, ne detelro delre walro da selrei walri te neme nekaye, meselrei mo nepelre walrite. ⁷ Nepelrena nenei eute Yakobuste kyambuko, nepelrelati metelrena yauna-yaunate. ⁸ Tutena,yei snanaiye okosrey mipainya,nilati dete wei te kyamufuko. ⁹ Netenate,de kiyatelre yauna-yauna kna nelrone neperlati rasultena Eido doi ai na mane de mangnei Walri yau detelrote pekote mekoyamalre. ¹⁰ Nemane, Mang kna bise,de nepe de da selrei te.nepelre lati kna bise dekotena kasombai, de kembalri tena kna kalri dopelre, ne metelrena ambai: dena wakena ambai, Mang nei kena bise eine ditipuko. ¹¹ Ne kalrotena, delrei eulre bai neye nemane lati kiyanemlre nemane sate we telrepelre doukawe. Tete Eilre Deina Ye ¹² Nemane Walriyee fete Eilre deipuko ate sanenai melre,datelro mesrubei wena nelrore sani yaime tetepiyowe deipainya. ¹³ Nemenatena teteEilre deipainyatena,Walri nemanulati deipai. ¹⁴ Neperlati Walri yei tete Eilre deipai,dena da Awalri snanemerle nemane lati wei telpelre kasombei. ¹⁵ Ne kasolati,dena Eine tapeinaina mangkna apeu peu detelro,de Akeya snanemerna. mang Walri yei tete Eire deimbune deipaina nelrore deyembuko. Nena telpelre tena souyowona setelro nekotena deipai. ¹⁶ Nesate,detelro soweyowena deipainya,nemalati Kristus daipai. ¹⁷ Nemanelati Walri yei teteeire depainya,wei telpelre kaso-kaso neperlati we weipeko eine nemenye. ¹⁸ Nemanelati,detelro Kristus kna Eine soweyowena,pekate yatiyai. ¹⁹ Nematena,ena kena Kristus kna eina da yereu mo tena e detelro nou mbai telre, metelrena detelrona prena. ²⁰ Nemaneye menaya Kristus detelro tete nelrone deyufuko memte telreltena ona metelrena telpelreina sowe yowena detelra. ²¹ Nemanelati,tete detelro dei malre kyambuko,nemalati,deyumbona detelro mbei molre tete nelrore deyembona. ²² Netenate Adam kena Eine metelrena tetete,nemalati Walri yei kna eine metelrena deyembone. ²³ Nemaneye detelro mbei-mbei nenei yasreite,walri yei mentetelvetena neperna lati ne walri yei kna eine nekoute mendena deinaiye. ²⁴ Ne yate mendena,ne Dia blere te mamei mang Walri te kronelnelre, Ne krumna metelrenal,metelrena delre kalro,nepelre metelrena wake. ²⁵ Netenate/nemame,nemo krunde tapende mangWalri metelrena yembe detelrote nei ototeme krombonde. ²⁶ Yembe detelro tutelretena tete. ²⁷ Sebab,mang Walri metelrena sasyasy nei olo kelrena kropuko nemaneye,nedaute elrenaye mang Walri metelrena nenei Eukelre ne kropuko. kiatelre dakalrotena inang nekwena motelre,metelrena sazasy te Walri yeite krombuko. ²⁸ Te metelrena Kristus kna euyene krombone,Nepetena nenei yei Walri yei Eutelati nei Eute mang kna Euyene krombone,nepetena nenei yei Walri yei Eutelati nei eute mang kna kelrena kombone,metelrena kalrote Kristus kenene kronembone. Netende mang Walri metelrena kalrote nei bulrane. ²⁹ Nemane Ambai,beyasate mekonembone saweyowen na detelro tena. Soweyowena metelrena deipainya nemenatena netena melraibu beyatena nete kroiyaime? ³⁰ Nepelre,E beyatena pekoEine nemenamote nekande? ³¹ Dokeka- dokeka, yane-yane tetembei delrei bukoune, delrei kena kaso wena eine, Walri Yei kenalre doukalre, eyei melro-melrote. ³² Detelro yei yekotena, beyasa bete eumena te doukalre, damane tutande Efesus yone malrisa selraina?" netenate saweyowena detelro denaina membe sate nepelre bete anemalre wambeya tetemalrena. ³³ Apupeitena tiyei dopelre;" peko kepoi-kepoi poi kalro aite tutaye" ³⁴ Poi mendote dowembe. poitena nepelre pekotena mekoipainya, netenate, detelro meslrembei Mang tena nimeipai, da a kalrote snamalre we paitabulre. ³⁵ nemane, detelro mbei-mbei siminai, detelro soweyowena beyamane deyenaiye? beyamane euyene nekoute menaye? ³⁶ Heyei detelro plro-plro! beyasa nung pelrauna nekoutena balripai, nekalrotena, memetena tetembone, ³⁷ Nepelre, a pelrembena eu onung balripainya nekalrotena na esuna elre ambai, Gadum na mane nepelre ona sisi. ³⁸ Nemane, Mang Walri eu wasendena, nena kenalre tiyende, metelrena naa nei tute mbei-mbei yatenemelre. ³⁹ Metelrena endung, endung nembei ambai, netenate endung beimo detelro kna endung, nepelre endung si malrisa endung, nepelre endung ka endung. ⁴⁰ Walri Eu, tete eu, wari nei eu nei mona nekewena da tete eu nei moi elrikoipai. ⁴¹ su nei moi tere, oko nei moi mobete, neperelati meya nei moi monekewena. ⁴² nemane lati detero soweyowena denaina. ⁴³ niki eire pemare, mro-mro eire denaiye wakembanya eire perna, wake eire denaiye. ⁴⁴ tete eute perenaiye, wari eu mane denaiye . nemane tete eute nekewena mane wari eu lati. ⁴⁵ Semona meraipukona: memeteretena detero Adam neso-neso warite dupuko, memeteretena Adam aru walrite yatumu. ⁴⁶ Nemane wari eu memeteretena ambai, memeteretetna tete eu nepere lati wlari eu. ⁴⁷ Memeteretena detero dayoburana, nepe kanni wau, dabetena dettero walri yorena. ⁴⁸ Nemane lati kani, nemane lati kani waurena neperelati wari yorna nemane lati walri yorena. ⁴⁹ Nemane lati ete mekopukona detero mane, kani wauna elati wari eute titimapone. ⁵⁰ Dena ate dokeka wete snamare, engdung pre saa Mang kna diane wari tiki nikipai Walri Sna ambaina. ⁵¹ Betombe de wete snamarena snambei yeterenekewena sa. e tete tena meterena yatipai, neperena eu meterena busite. ⁵² Neidaitena dou dambeimo neprelati tutena ya toni kurung warende. tete eina detero denaiye, elati eu busite mekomare. ⁵³ Netenate, pekodunaina, peko peko doipainate titinai, neperelati saunainaye, soiyipainate titinai. ⁵⁴ Nedaite, pekodunaina peko doipainate titinai tetenainaye titipainate titinaipone. Nesa yumbena Wari Asna semone meraipuko." tete nepe Walri tunupuko" ⁵⁵ Hei tete wei wake menoute? Hei peko, wei arema menoute?" ⁵⁶ Wapi-wapi nei arema nekewena peko, nepere peko nei dere nekewena taurat Atung." ⁵⁷ Nemane , E Mang te A ssu-sau eine, ete wake te kirinemere Walri Yei kna Warore Yesus Kristus. ⁵⁸ Netenate derei dokeka, terepere nembeina kena bise esuna suwetere tepembe, betepere tupeipainya. Mang kna kembari eine warembe, nepere we nepe nimeyambuko wei kembari walri kna eine kesmbai.