Pasal 15
(Dimi semo kurung ne yo seraibra bekounue tepai)
1
De ye dou tane sero dambene yeko si bete detere,Malaikat mekasu suna biserei nena meka dambene mekasu suna biserei peko waro tupu tena,nemane damena mekasu suna biserei peko waro nena Awa mang tetero nena re tupu te na te da mene na.
2
Deye dou tane nau teme tere kaca mane da sing peu peu ne dambene nau teme dambene da esu ne tepai tetero seraibrabra ne yo ne ye da srainya sa te peko te wande nena do sna sna te sengking semo wado meraipiki na te baya disambiki siapiki ne yo seraibrabra nena meka dambena Awa mang tetero nena kecapi te tepai.
3
Ne yo seraibrabra Musawai nena dimi semo te da dimai Awa mang tetero nena oto tou na wande nemane Domba yei nena dimi semo kurung ne te da dimai detere tere we na da kembari bisi bete mane da Tuhan mang tetero Awa mang tetero weye metere tepi ye!teperei nouru na wena nipi andewapona da seraibrabra dambene we ye da kiye.
4
Simi ye Tuhan mang tetero tena endiki dekoipei wande nena wa do te na pepoi mro mro tena seiyinipei werau.nemane we beisika teme mro mro dambene da kiye,da seraibrabra meye dewa da menai wete seso tipinaiwe oto butu disinai krone nemane tepreinya nouru na kiya bei tenoutupu te na kaye te we ye wasu na.''
(Malaikat mekasu suna biserei wande mekasu suna biserei peko pere)
5
De ye dou tane tetero si ye yau mie te mro mro te nena pare kemah nepene sero dia ne baya tiyasiki nena numburu detere tere.
6
Nepere Malaikat mekasu suna biserei nena mekasu suna bisereinya peko tere pere bai pa banya sua yau mie mro mro eiyu re nena mayong kreu kreu sroming mane meya meya mane atainie nena damba na serou te da yekoi tiyambi ki beiyaipiki emas ne na serau te tewaikriko keu.
7
Meka semo na sa beisika serei da Malaikat mekasu suna biserei nena meka damba bu teu emas mekasu suna biserei,Awa mang tetero nena tuputena arma tere kepang kepang tere metere nemane Awa mang tetero nena yereu nemena beitie nou nue da kene mene.
8
Nepere nemane yau mie mro mro sing yupu detere Awa mang tetero nena teme mro mro nemane nena detere tere metere na manei nenei dambene wande tetero si newai yau mie mro mro pa na eyu pa na eipei damane tupu te na mekasu suna bisereinya waro peko tere mekasu suna bisereinya Malaikat nena kembari tupu te mekonaiyimbinie.