¹ Paulus wei kenarna,sawariyei nenei rasul dua erupuku mang kenare nenei yekone yereu sawariyei kena burune. ² Timotius wei wenapa dedei yei waterna.Aru foi,kena bise,kena teme Awa mang sawariyei,eyei mang. (Aye titawawe asena wari tena noune sanumu) ³ De nederaite foi ate mang te senane,nete ourane dedei kena mie dekone nederaite dedei kasi yepe ori yanina mane,ne yekone wetena mendo eyo te mang kenapa deneng dai ⁴ Neyane dou bu mekekenate,dei kenane dou tepi nate nepere dei kena kari noupa. ⁵ Dei mendopa wena kena mie dekona poi,metena ne poi wei kenewa,lois,ne nawa eu ni ke,de tepreinyate neperei dei kenane da poi wei kenane kene. ⁶ Damena yekote,wete senawe noune neme mang kena aye kote wena brune keuna te meke bi pare wedamte. ⁷ Nederaite,mang etena wapi wapina arutena unipei menaya aru poite,kena bise,yereu poi te. ⁸ Nepere,mang kena wadote seiyunatena,paita beretene tikenipeinya ne yekote da seiyane nemandraite mang kena yekone deye pekote awari tang sate tikambuka. ⁹ Neye ete poi damba ete sumu akurung poi damba,ena kembari poi mekatenana ambai,nederaite ne yeko pere poi nenare ena damba ikeme wari yei kena burune da wape yodame mekombi peinyane. ¹⁰ Nepereinya,da yeko kiapa dua ne wariyei dayo damba menenate tete nipite dinimbine ete ato neme yereu poi damba nemena beite asena wari kena burune. ¹¹ Da Awari dambere,dete kiratipiki a wari yekote seininate,rasul mane wande tetero pere kiramina tetero mane. ¹² Ne karore,deye pekote tikambuka damena sereine,nederaite deye paita bure tena tikambipei de arombuka de nederaite sinte kapenane ne tepreinya wake nenane semate tepeu yeko enapa ikemena noune neme neyapa mena akone. ¹³ Noune tepu yeko yeko poi dua beteyauna denare wei kena dekore ne kena bise wariyei kena burune. ¹⁴ Wande ne ayomire ena brune keuna semate poi ye keu ne sa bu poi tepreinya wenapa. ¹⁵ Weye arambuku ne ayekore di serai kenare denare baya dua kai,ne nerorena Figeluswai pere Hermogenes pere. ¹⁶ Menaya mang nenarna kena bise wenapa meye di Onesiforus kena mie neropa neye nederaite sate mendote ne paita buretena ambai da ayeko poite seiyanetenate. ¹⁷ Buru suka meka,roma pa mu akeka,neye kena karine wureke meke mute tetupuku. ¹⁸ Nederaite mang nena brune kena bisete mang kenare neyapa menena,nederaite weye arambuku nena kembari poi detenate meke you di Efesus yone.