¹ Tetero seraibrabra budak mane meye na mane ne nei wa ne o se mane da senueruku wawu oto tou nue ne na tuan mai tenai tetero kna wa tou nue dekoi dekoi wa warene seso ye da tipinene ane da kene nemane deraiti Awa mang tetero ne na wa do te da seiyane te damane tetero si ye e na damba da a te seiyinainie. ² Nemane ne yo ne na tuanmai tenai tetero dua a yeko waro te dua aronembine nemei nembine ne te bekou pa tanembinde warene do keka mane nedo Kristus ne na wa buru ne kene.nederaitie ne na damba ne yo seraibrabra pepoi tupu te da kirinai ne nei tuanmai tenai tetero berkat poi tupu te dua da deko ne yo ne na kembari mekeyainya dambere.nepere ne dokeka aronembine nemeiyinembine. (Eye kena te derane te a te da sanemane metere da kirimane) ³ Nemane tetero yei si ne wai a yeko waro si te da kirineme ne nei mendo na a te da seiyainie nemane eiyei Tuhan mang tetero yei yarise Yesus Kristus ne na a yeko waro injil a sena te da seiyimane sanemane e na yau nero ne da, ⁴ Damena tetero nemei da wapu a yeko waro te na aroipei da dereunue.nemane ne na peko be te ne nei wa ne da tunteke keu a yembe ekri baya da besai,bikibiki,a nemeiyi nemeiyi, ⁵ Nepere nemane a krikri buru ne tetero seraibrabra ne na mendo eiyo pepoi te na ambai.damane ne nei mendo ne mekainie tepereinya dambere ibadah nero ne e na sasyaisi te da ouruma doi dera waro. ⁶ Nemane da ibadah ne na pepoi tupu nou pa dua da mekombine yu bete da merenaipine de tere tere da keu. ⁷ Nemane e dayo damba da mekate sasyaisi te na atoipei mipei.nemane deraitie e da yo dambere bai pa dua da mana sasyaisi tena atoipei eipei. ⁸ Damane da munu sa be te mayong dua da kenainya ne te wande. ⁹ Nederaitie tetero yei da sasyaisi te meye da ourunaipine nisko na wepaimina damba dua yonaipine nenei wa te damane sa buntung mane da yeponeme wambo buruneme peko tere da ourunaipine da tetero yei te apa da sonemse none apa burunai teme ourunai. ¹⁰ Nemane peko tupu e na damba da waru na doi dera te kene te da derane te.damane doi dera te da diransiki werai tetero mo serei ne na mendo eiyo tepereinya dambere baya dua da kai wande ne nei wa buru ne kena peko bete mane da tikainie. (Damena a yeko waro te mendo te mekonende) ¹¹ Nederaitie we tetero yei Awa mang tetero ne nei wa eiyu ne da kiye wariye,nemena peko pepoi dambere bai pa baya dewa da mende,nemane we ye tawenende warende na pe da tepereinya yereu pepoi,ibadah nourue na nero ne,wa te neme warende,kena bise te da derenende,merase bete tere da warende,wei wa te da kanikani nero ne kende warende. ¹² Damane mendo eiyo tepereinya dambere kindirende derenende yereu pepoi teme dambe ne nounue kende mende.nepe te na te we te da teraipiki werau wei wa ne wupuke a te da saweke bekou nue tereng nero ne. ¹³ Awa mang tetero ne na bekou nue da yereu te meye na damba da atoumue sasyaisi metere nemane nedo Kristus Yesus ne na bekounue tepereinya a te da sawema.nemane deraitie Pontius Pilatus ne na bekou nue tepereinya a te da seiyumbuku sanumbuku, ¹⁴ Damena akirine da warende wei wa te yereu te pepoi da warende nemena ya dewa da mene eiyei Tuhan mang tetero yei yarise Yesus Kristus ne nei wa te kiya pa da done mene. ¹⁵ Damane A-I nedo neye bei beisika na do piyambai tere andewapona de tere andewapona seraibrabra damete wande tuanmai de tere tuanmai seraibrabra damete. ¹⁶ Nemane A-I nedo ne ye bei beisika tete maut nero pa na mipei yereu kiya nero ne da waru wa kau keu mena mekoipipei.da tetero yei si beisika ne ye damane A-I nedo ne te na dou teipei ye nipi ne waru.da tetero yei werainya A-I nedo ne te na dou na tembipei werai.A-I nedo nena dambe ne dekoi dekoi seso tipitipi wake de tere nemambei kene mene teperei!amin. ¹⁷ Damena a te da sanemende tetero yei seraibrabra damba ne na sasyaisi da yo dambe na ne nei kena ne yare tere yepai buna ne akau mane sisainie nederaitie Awa mang tetero ne na dambe ne da sasyaisi te da e na damba atoumue ne te dou da tane te yereu pepoi. ¹⁸ Nemane a te da sane mende ne yo seraibra ne nei kembari pepoi te da mekonai sasyaisi te ourunai ne dambe ne da yereu te kenai wande si te si te ourunaimie nepe te da wasinaimie. ¹⁹ Nemane nepere da sasyaisi te ne yo seraibra kopirinainie ne nei wa te pepoi tere da ware nai bepa bepa na ya serei te na ne na yereu te kenai pepoi dambe ne da warenai tepereinya dambere. ²⁰ We Timotiuswai,wena damba ikawi na sa te pepoi tere ne te da sema te keu na damane bai pa baya wei wa te a yekoti yekoti a brue brue nero re tetero kna a mendo mendo a bei bei te da titai ne nei mendo beinie da mekainie'', ²¹ Nemane damena a te da tetero mo serei bete na a te da kiraimie senaimie.nederaitie mendo eiyo tepereinya a yeko waro pepoi dambere na ambai nemei da wepai da kena bise karunia we na nero ne da kene wembere kende nebeinie da warende.