1
Metere te na de ye we te a te da saneteme,mendo kembari te da mekonde a te da sanenende buna pa dera waro te tetero yei meye na damba,
2
Andewapa bra tetero de de akiri ne buna ne kainya nemane eye meye yereu pepoi teme dambe ne da warema wande dekoi dekoi.
3
Damena mendo kembari waro pepoi tere Awa mang tetero nena bekounue e na nipi poi ne ne,
4
Tetero yei meye pepoi teme damba wande aronambine tepereinya dambere ne na yereu te warenai.
5
Awa mang tetero beisika tere keu wande A-I nedo Kristus yei yarise Yesus beisika tere keu Awa mang tetero nembere da tetero yei pere nedo Kristus Yesus o ware mane keu,
6
A-I nedo nenei wate da sarupuku neye a te da saweke da tetero yei te meye na damba.damena a yeko waro nepe te da kurupuku nenei ya dua da keroupuku.
7
Damena a yeko waro te da de ye da a sena te da rasul mane wera sename.de ye tepereinya a te da seiyane,a peu peu te na wapipei.tetero yei seraibrabra si te da a te kirame bekounue da tepa,mendo eiyo tepereinya dambere.
(Do mire ne na mendo eiyo jemaat yau nero ne)
8
De ye derane na do seraibra ne na mendo kembari nou si bete ne da mekonai meka te da bunapa tepenai mro mro dambe ne a sangku pra a prapra ambai dereinipei.
9
Nemane deraitie mire seraibra nena mayong pepoi mena te da titinai dekoi dekoi waro nenei wa ne da kenai keme te da wa te merenene nena nue dambe ne emas mutiara mayong neme kpang kpang dambere,
10
Nederaitie mire nenei mayong pepoi te da titinai nena wa ne yu merenaipinie mendo pepoi dambere yau nero pa da nena.
11
Nemane mire seraibra ne nei wa te yekai bete da ane da kenai wande a te poi tere betonai.
12
De ye mire te na sanimbipei a te na seiyinipei da yau nero ne.nemane deraitie mire te na sanimbipei do seraibra te neye a ye saneneme.mire seraibra yekai bete ane da kenai.
13
Adam te meme te da mekombuku wande hawa ne te meto sure da mekombuku,
14
Adam te na wapinteipei nederaitie mire te hawa te wapunteke ne meke luciver ne ye da a ye wapiyounue da peko damba dewa da mekai.
15
Nemane da mire pepoi teme da mane yei te dua da seneyou.nederaitie ne na mendo eiyo kena bise nepe te da pepoi nembine tepene mro mro dambere da.