¹ Paulus wai kenarna Rasul mane sawariyei kena burune mang kena yekote,wariyei kena foi,ne sawariyei kenare teme e damete. ² Timotius wai wetenate,dedei yei waterna,nena dambere.kena bise ne kena teme Awa mang kenarena e damte sawariyei e damete. (Ate senawe yeko pekote kiraminate ate sanumu) ³ Nederaite wena damba ate senawe neyana de Makedonia yapa kana,we Efesus yone noune nepena teterote aye titawumu ayeko sisitena kirimipeinya, ⁴ Bei nena mendote ne maya seyani napa bei atou sanipi bunipi ne tiki doprena ne yeko a mane orupinamane nederaite di mang kena ayeko kembarite kenane. ⁵ Nederaitie,ne ayeko keuna kena bise kena mie dekorna,kena foi ne mie deko mero mero. ⁶ Tetero mo serei nipi site tawe kani da nipipana eipei nipi ambai seinpeinya ate seyaini. ⁷ Ne yo ne yansina a yekote aropina mane,nederaite ne yo mendo poinya ambai ne na a seyanina yeko yeko neyoye aronyamane. ⁸ Nemanderaite,e arambikite yansine a yeko hukum taurat ne foi nemandraite tetero ne yekotena poi mekonenate, ⁹ Mendone werai nederaite yansina ayeko hukum taurat tetero kembari poi te mekanyate natena merepipei,nederaite yekote nerainyate ne tenai aremanate,yeko aroipenya tetero ne pekote mekanya tetero pere poi tena mekoipenya tetero anate tepatena tetero ne nei nenang pere nai pere baya titanya,tetero titi titi, ¹⁰ Yeko aroipenya tetero bisi kai me te mekanya,tetero te yekai ouranya a peu peu nya akau kake ne tetero yeko, poi tena doprete deramina. ¹¹ Nepere ayeko poi a wari mang kena rena dena damba i kete. (Paulus foi a te mang kena damba) ¹² De foi a te ne na damba dete wakete atoute,ne sawariyei,eyei mang,nepere neye dete ne noupa tatupuku da mang kena yekone. ¹³ Nederaite de yansina tetero peko,pekote mekeya,are mate dereyane,nederaite de nenarna kena bise yansina de aroipei nemeipeinya nerone. ¹⁴ Mang dena damba ike tena foi nemena beite,nebeine foi pene kena bise sawariyei kena burune. ¹⁵ Da a da senamena tepreinya wei wapa orunde nederaite sawariyei da yo damba mekena tetero peko kewa meke;ne nerorena,de peko doprete mekeyana tetero. ¹⁶ Ne yekotenate,de kena bisete nenare,nederaite dena burune,tetero peko doprena te mekeyana tetero,sawariyei nena foi te dena damba ne yekore tetero tepreinya ne napa nena burune yereu foi damba. ¹⁷ Nenapa andenapona bunane,nemena beite,dayo damena donatenipei besikana mang foi nemena beite neme tenone mene.da serei ne. ¹⁸ Da ayeko wena pa da ikawe,Timotiuswei de dei yei,ne karone ayeko wenapa senau pikina,ne ayeko burune wayena kuru nou ne neme deremu meu, ¹⁹ Nepe te poi ye tepu wei yereu ne ne kena mie dekone poi ye.tetero moserei da yekote baya serapiki nederaite ne na yereu bekoupana ei pei. ²⁰ Nerore natena ne Himeneus wai pere Aleksander wai pere ne sekai kenapa dua sarumpuka nepere ne ye aronei kembari pekote apekotena seinipeinya.