¹ Ya embai Yesus beseainye Eke kerweumi, domyea neaisere adirweunge, Yesus te ereyea sirenyebokhaije. Diakobou a kobou khabang tere, neangkene bea Yesus ipo embai einye Akhoke neang dangne dombuke. Neang domyea tereng bara mewaije nea buseinye nekewaije. ² Yesus abubu tereng kerweumi, etambung dea atungwere a kerweumi. Neate Weumi, ³ Botombo! Do embai, otaka siseayeikoise ewere. ⁴ Neang otaka ne siseaiwere mo bea, otaka suwa nibi weri ne barwaje, neangkhai eke yea mekhaije angwaje. ⁵ Otaka suwa wa duka bere khani rang ne barwaije. Nea khani sea-sea ne bea neang onu nea tekibang paukhaje. ⁶ Neang onu kambu bang ne tu era neaukoke ne bea teteibokhaije. ⁷ Otaka suwa isa rangne barwaije. Neang isa paukhaije mo neang onu te ayenyekokhaije, neang onu euga emokoiboi nesbi kharaikoke. ⁸ Otaka suwa khani poi rangne barwaije khaye ani poy mokhowaije, paugaje, kabang te bewaije, ani terengbumbungmokhowaije. ⁹ Neanhkhaije, Yesus yea weumi, “Sinde engkeai bere kiyea naa botobore” ¹⁰ Yesus nembai nekhewere see mo wa, Nea u na tomona yo bere Nea moije otowaije yo yea neande keroyoumi a be singwainye. ¹¹ Neangkene Weumi, Allah re yo waku ma te Yekempe, domyea suwa te a atumboijea mo waimi. ¹² neangkene, ijoko neasinoi etaije be, neaijoko etaije neande be nea iseayeiboi; engkai bere be, engkeai botaije neande be iseayeiboi. Nea kombu noro ne neaima nekenaije, peko enaibende. ¹³ Yesus yea weumi, meyea neande a eroyare me iseyeiboi? Injeama nenda a atumbokare meyea iseayembompete? ¹⁴ Neang otaka te siseayere do bea, akho peuko be siseaiwere. ¹⁵ Neande domyea nibi seainya barwaije yo, akho peuko te seseaiwaije yowane. Engkeai botowaije sinoi mo, buro warbo meke neang akho peuko nesbi nukeutake. ¹⁶ Nande waneng, duka bere khani rang ne barwaije yo wa engkeai botoibokaije se nesbi nea deijea maijea doukaije, ¹⁷ neande be metotomo tebere neangkhaijea be pekho bere buro para bere mende, nang akho – peuko te mo bea, meyea barempe. ¹⁸ Otaka suwa yo wa, isa noro ne barwaije yo wa Allah re akho – peuko botobokhaije yo, ¹⁹ neande be nenda bu khani na khou – kharo ubene meyerea, buma te khabang te nekenaise ubene meyerea, nenda bukhani ubene wabene kenane ani bang mo. ²⁰ Otaka khani poy dangne barwaije yo wa Allah re Akho peuko te bokhoibokaje, neang akho peuko doukaije, ani tereng bumbung mokhowaije.