1
Na beemena tamong Pea Yesus Kristus, Allah neai keru.
2
Yesaya re tomong Pea einya mongkone “mana eteng de yea dee abu ako bete metenende ende, mai nibi a bete ende pane nende.
3
Domiyea a keyaka na keang meyere “Tuhan Dee nibi aronge tampe neai nibi a ijeng arongebompe.
4
Nande Yohanes bu te korong mide kiya keyaka ayam ne abubhu krong minde a weneumi neai niki kombu kiyeng minde.
5
Yudea domiyea bere. Yerusalem domiyea nembase Yohanes re te newaije. Neyea bhu Yordan wine koro weumi, nande domiye neai niki rombu nang dekane dubewaimi.
6
Yohanes unta engma pereuboke, nea yoru o erang na. Ne etamang obongkring bere dojo maneng dung bere.
7
Yohanes a tuwawemi nande kaije meumi, de yea mete re sinoi mo do miyea embai mende nea kuasa kabang tere, deai jea. Deyea neai surui bang e kuraibo.
8
Deyea mate me yudang ne bu yea korotempe, neyea mende mate me yung dang ne nea boyepol boye moi koronempe.
9
Nande ya mo etamung Yeuboke, Yesus Nasaret yea mewere, Galilea yo yea, Yohanes yea bhu taukeunge Yordan wi-ne.
10
Bhu yea teutangke, Yesus kung buma ete deu dau mengkoke, nea boye poi boye moi eke Merpati, urang dea pereu boke.
11
Buma yea akurung wo weare mo kena koya ware.
12
Nangkaijemo, boye yea Yesus te ke noro a norote Yawenyetoke eneije.
13
Neyea kenoro anorone buro warbo yea ya u bhe wabaungekoke. Yesus obonoro, yoku norone, malaikat yea kaya tengwaije.
14
Yohanes kawa einye wokaije tengwere mo, Yesus Galilea kanine nea ako re ako peuko eke nande kene kereweumi.
15
Yesus yea weumi, “Neai ya tu meke nobeuneboke. Nea te mo sira dabo taremanengde”
16
Yesus Galilea busei jea ewere mo Simonde, Andreas re, neakare neubakere, wawnge taiweije.
17
Yesus yea weumi, “Meng deate takontebo, do miyea muru be yong ma yeng”.
18
Nande se yea, Simonde Andreasre Yesus te takoinyebokeije.
19
Nangkaije benengewaije mo bea, Yakobus, Zebedeus re pa, angkai Yohanes neubake ipo einye nea wawnge mokoweije.
20
Yesus yea keaneumikoke nete takoinyebokaije. Neaakote nukeinye bokaije neai una tomonayo bere nangkene nekewaije.
21
Mekaijea kapernaum ne, nandede ya among-mong ya seuboke, Yesus yahudi neai Among-mong imea eise eweusike (sinagoge) kereweumi.
22
Nang akopeauko kereweumi bea, neate engkei areinyesikaije botowainye.
23
Nangde ya embai mo, tokoropa embai buro warbo yea nea u buru waburu einye nekewere nande warboye.
24
Yesuste weweunge “Yesus Nasaret domiyea? weyea nate meyea meate toimekorte meyea? deyea deseai nakare weye nea buman, Aye tuwaromandore neai keru!
25
Yesus a ereayea uke seaunge boke “sireibo! Na do neai uburu waburu ei jea wara eisanei!”
26
nangkai jea bea nang buro warbo nande do re eu ga ei jea oroyea isineunge boke nesbi eutangke.
27
nangkene nakewaije yo, neai ijoko yea ete waijea kabeiwanye Yesus na me u mokouboke.
28
Nang kaijea bea Yesus re a nea teki bang, make re makere yo yaneu koke eke Galilea yo bere.
29
Yesus Yahudi neai amongmong imea (Sinagoge) nukeiboke, Simon de Andreasre imea te eyeibokaijea.
30
Nande be, Simon nea miyea ne nangke a ne etane tongwere, neyea neas bi ekaije Yesus wakainyere.
31
Yesus Yesus Nesbi eke ettekeunge, nea meyea ikereu ngebo ke ataunge anguke.
32
Be base boke mo, tau no yakouboke, ne yea Yesus rete eta you yung yo, buro warbo yea neunga keng wami yo yaungaimi mewa ije.
33
Nande Kaije bea, nande yon domiyea mekaije nang imea bene adi reweunge.
34
Yesus do miyea tereng onomi Yeweumi, etayo- yung yo masih masing buro warbo tereng tuke weumi. Nande bhe, nang buro warbo A-Ereijea wekeumi, tanyebang neyea Yesus te doungebokaije.
35
Nea dene kau-kau, Ya nemang ne ougeng, Yesus aunguke mong Yowate enere, e nere, eke nangkene a diwere.
36
Nande kaijea bea, simon nang kena domiyea bere Yesus te beawainye.
37
Neyea Yesus tangkaikainyemo, wainye, “Do Miyea nembase weate beyeunge”
38
Angkai, Yesus yea weumi, “Meng yo no be yowa te emang, nang ako peuko nande na domiyea te weteminde, tanye bang, mande te deyea mekare.
39
Manta ne bea Yesus Galilea yo nembase otowere neyea ako peuko siangoge we weumi angkai buro warbo tukeweumi.
40
Angkai, Domiyea embai kusta ne konere, Yesus re meke neate meke oto tereng dea, eseuge koke a diyweunge, weunge “weyea kena bea” we yea deate onomi Yeusere.
41
Kena busea sewengunge, Yesus nea me nenye meke nande domiyea te ikeung boke mo weungke “Kena onomi dowey”
42
Nande suruimo, ang kusta kowere u yeuboke dang do miyea onomi yeuboke.
43
Yesus nande do miyea te wekeunge, arereng isea nge boke.
44
Yesus yea neate weunge na a do miyea snde sande te eweijea. Nande bhe, erem, wenga Imam te kereimi boke, adiy-diyt wake mokoi bore, weai onomi douke te, musa yea we wempe manendea, ne Yea iseaite-isea i nai bonde.
45
Nande bhe, nang do miyea eke, nesi ayaka yea erwere, nang A. nineayaneu koke. Nangkene bea, Yesus nang yo te a yaka Yea emei, nande bhe moinye yo wa mong yo ne. Nande bhe do miyea makere yowa-yowa yea nesbi tokoumeke Yesus rete.