¹ Galilea Kani yea e yotoikokaije, Yesus Kapernaun te dutoke meke. Neyea imea te beutoke meke a yoboweunge. ² Domiyea autake nande imea te tokoumeke. Domieyea nanta manengbang do mau moinye tengwaije, Yesus nande yote a-tuweweumi. ³ nangkena domiyea yesus rete mekaije, nandena do embai otoyea nimenyeboke do keri yea bengkereng ne sirei kokaije Yesus re te keai bokaije mewaije. ⁴ domiyea tereng Yesus re bukone tengwaje ne bea, nang do otoyea nimenye boke, nea surui bang Yesus re buko te, nangkene bea, nang imea bumate yekaije, ne yangdeadaweikokaije, nang do otoyea nimenyeboke, buru yea nokainye Yesus tengwere yowate. ⁵ Yesus nang yona domiyea neai sira dabo kabang tarewaijene bea, Yesus yea nang do oto yea nimenyeboke te weunge “keru” wea niki kombu ninea kiyeikokaware. ⁶ Taurat domiyea nangkene nekewaije yo, nea kena eijea a erwaije. ⁷ tainye na do na a ereukoke? Nea yea a peko be erere! Sinde yea na niki kombu kiyengkonde, Aye Tuwaro mando nembaijea kiyengkonde? ⁸ Yesus nesbi isea yeuboke, nea boye yea na do miyea nea kena eije a eraije ubeneyea tayaije. Nangkene neyea neate sineumi, ”Tainye, meyea ma u bene nanta tayauge ?” ⁹ Makere kaye poi, nangdo oto yea nimewainye te weunge,”wea niki kombu kiyeikokaware, mana weteuge,”Anyu, we keton-tong keibo, anyu dere ?” ¹⁰ Mana iseayembompe domiyea pa na burang kanirangte eai niki kombu te kiyengkonte mewere.” Yesus nang do otoyea nimewainye kiyea te weunge, ¹¹ weate waware. “Anyu, wea k keton-tong keaibo, wea imeate obete dere. ¹² Nang do otoyea nimewanye neabi anguke antaugea, nea keton-tong douke, eutangke ewere, domiyea beyea. Nemene kabewanye Allahte bumakabang korowanye, eraije, ”meyea na-u-mangkai ijoko eteiboi me ya!” ¹³ Yesus beneng buseai-seai jea ewere, do miyea tereng autake Yesus re te tokoumeke, neyea auseai andeyote kereweumi. ¹⁴ ewere bea, lewi te etekeunge, Alfeus re keru, doise adirewaije imeane nekewere. Yesus yea neate weunge, ”deate takoisebo”. Nesbi, lewi anguke neate takungeboke. ¹⁵ mana Yesus angkeng dea dumboke amangne Lewi do miyea nei imeane, pajak te adirwaije yo neaisere, nang maneng pekote mokaije yo bere etamang Yesus neai nembaise angwaije, Nea u na tomona yo bere, nande yowane Do miyea tereng, nea yea Yesus re moije oto waije. ¹⁶ Neang ahli Taurat yo Farisi diya na yo bere etewaije bea Yesus amang peko te mokhaije yo bere angkai pajak te adiraije yo bere nembaise angwaije, neande yo yea Yesus re u na tomona yo te sinaimi, “Tainye Neyea pajak te adiraije yo bere, pekote mokhaije yo bere amang nembase anaije?”. ¹⁷ Yesus yea na a botoke bea, neyea nang domiyea te weumi, “onomi yo, neyea dokter te ebeai, nande be etayo yung yo yea. Deyea mekare domyea poise keanteminte bang, nande be do peko miyea peko te.” ¹⁸ Yohanes nea u na tomona yo bere Farisi domyea bere nande ya amang anei nekewaije. Domyea nengeng mekaije mo Neate sinainye, ”Tanye Yohanes re u na tomona yo bere Farisi domyea bere amang anei nekhaije nande be Weai u na tomona amang anaije?” ¹⁹ Neangkene bea, Yesus nea te weumi,” do embai miyea dowere ya ne akha beake nea bukone nekewaje neyea amang anei ? Neyea moniyea enekei. ²⁰ nandebe, neai ya mende, miyea te douke do neai noro yea yawengetonde mo wa, nande ya mo neyea amang aney nekenaije. ²¹ Domyea embai maro ne me yea tangkang maro mare ne emokoiboi. Na umakai mokombonde bea, neang maro neme kaye maro kaka kaye te kanengkonde, neang kanengkonde yoma yea kaban tere khanengkhonde. ²² nande waneng, domyea embai anggur bu kangke ka-ka einye nea sinoibang e direiboi. Neang mangkai bea, khangke anggur bu nande khangke ka-ka kanengkonde dowende peko yembonde, neang anggur bu neaima dowende pekoyembonde. Neai serebea, anggur bu neme kaye, khangke neme ne dirnaibonde tanaisinde tononde. ²³ Mana, among-mong ya embai bea, Yesus gandum imeijea ewaije nibi ne ewaije, nea u na tomona yo gandum arere tokhoukokhaije. ²⁴ Nangkene bea, Farisi domyea yea neate-wainye, “etengming” Tanye nii umangkhai among-mong yaa ne mokhaije ?” ²⁵ Neandene Neyea weumi, “Meyea tomong pea enya ekhoi ne Daud yea mongkhoke nande inoinya domyea bere khoukaro nekeiwaije moni buki tuwawainye ? ²⁶ injea ma yea Allah re imea ei obe eise Abyatar Imam Besar te nekewere sinoi, angkhai ouw nembase angwaije, neang amang neai sere bea yundang te nekenaije yo yea mo angnaije, angkhaijea wa nea u na to mona yote wa se neaiminde ?” ²⁷ Nangkai jea Yesus Farisi domyea te weumi,”Among-mong ya domyea te mokhouboke, Domyea yea among-mong ya te ne emokoi boi. ²⁸ Neangkene, Anak Manusia neyea Tuwaro Mando, Neai u ga among-mong ya.”