¹ Reyae, Paulus, Yesus Kristus naei kalyare mokale kiyea, Allah nenaei eleukeboke nabu akore yeubokale Allah neai Injilre huweremilere. ² Nawaneng, Allah nako feauko, Injil einye, nabi-nabi yae hamei hamekainyemeke. ³ Allah nahina fa hoifa, Daudre yoho yonggora mende fawende ketende. ⁴ Allah neai keluyae rore robainyele, Roh Kudus yae elae molonnele nawaneng here kakara niyea enanunde, eai wali ondofolore nekenende. ⁵ Naei mee yae rabeumekoke aloumekoke, erei kanei remande kanemande rokoi feai rokomanende feamanende, pele wali me uw Yahudi bang ro miyea re kelemamile. ⁶ Nawaneng meyae nanemene Yesusre hila rabore haleaube ro miyae. ⁷ Nawaneng meyae nanemene Romana nekaube romiyae - Allah buhaere hejembe yo, mare yobombokombe, neai mee kele uw kelene wali haremembe nekemembe. Rendeng kaneng kaneng, hiyo hiyo mayo mayo, onomi honomi, Ako Allah yae Tuhan Yesus re einye. Mai wali inyembe hayenembe. (Paulus Roma Yore Endere Kena Kouboye) ⁸ Mai hila rabo foi sele mokaungele haleungele, pelene Yesusre einye ako Allahre rei kanale mai heleng foi ebeli banale. ⁹ Raei wali Allah hakoungebokale nakelu Injil eita, reyea mare ahung angga nahibimo itaeyembe. ¹⁰ Mai pukore merelere kena kabang bae kale, pelene ako Allah re rebeli poijanale, raere ikai molondebonde reyaa maijale hubaimale. ¹¹ Eyea mbainye hubayemale nekemale, mare elea molorenbe hawerembe mai hila rabo foi halemembe. ¹² Eaite neaite eneai nou haemale aei hila rabo na mbai jea halemayende. ¹³ Akanaei baeke naei, mai bukore erelere rokoyae rokoyae merau koloumekamale, beleyaere meke rakehe bele maei bokore erelere kabeimiyanale. ¹⁴ Raei kalya Mokale baka rangne honoye, mokolere, Yunani ro miyae re Yunani ro miyae bande, iteai haba yeale yo, kobu yo. ¹⁵ Pele, reyae kena kabang kale, meyae Roma kanine nekaube yo wali afoi feau foite huwerenggombere. ¹⁶ Injil wali afoi feaufoi huwkemilere reyae fee ehubaisi, haubihinebang pele injil walora Allahrena elea yae a eleyere hila rabo haleate yore holo molonaimibonde, nabere hele Yahudi romiyae, namekai Yahudi bang romiyae re. ¹⁷ Haubihinebang, pele afoi feaufoi walora, Allah neneai yakalaumiboke eleyera hila rabo halenate romiyae wali himalainyeboke Allah na homo faene rake a moloukoke. "Wali himalainyeboke yo yae Allah me baemmele ro miyae, hila rabo haleinyele yo wali nekenayende." (Ro Miyae Maei U Nebam Allah Kenare Okoi Wanem) ¹⁸ Allah surgana kiyae nawaneng uw mekai wa mekai nebang mokate yore neyae ikele koumi. Pele romiyae na uw mekai nebang walora Allah neai uw neaite ahele ahele are felainyele. ¹⁹ Ro miyae nemene Allah neai uw mekai nateai mo, haubihine bang, pele Allah neneai jae keleumiboke iteayeaiboke. ²⁰ Rake kani kela napeme foeme nuleungekoke hera, Allah huba bam heai bam elea wake uw mokaite nawaneng neyae Allah a eleye nayakala yakalaoumi Allahre rokoi a yea elei hului neaite, Allah nulewoye hambung hambung bele me uw yakala yea yakalayeaumi iteayeumi. ²¹ Hambung hambung rake kani kelana rake ro miyae naitaei Allah nanemene mokowoye yakalawate, horoyae, peleyeare neyaa Allahre rokoi feaite u hele-nawaneng heleng foi weite ewei koijate. Rake ro miyae nawali onei kobune handate, nakena uw bene ougembea roroumi. ²² Pele holona yo na uw iteai haba mo yae whubaijainye, nanahele bae rake romiyea onei kobuyae mae mae koumikoke. ²³ Allan nene waewae mo, hubalo mando kiyaere ei omoloyei, pukanyehike romiyae yae yoni yoni - obo yoku na mamne mamne - ehakai yoni yoni nabe yoi mekai mokate pelere ei moloyaimi. ²⁴ Pelene Allah weaumihike pele romi yae nakenare kate uw nenere kokoi uw mekai nebang mea eaumiboke, nawali neneai himire olewate. ²⁵ Haubihineban, pele uw mekaite mokateyo, Allahre nahele moi buleanyeboke nawaneng ame karbainye aisakoukoke, namekai hambung nemmenere me re uw re nuleuboke Allah huba bam heaibam pumare keanainyende kiyaere ei omoloiboi peleyeare neai meyea uwyae nuleuboke nanemen ei moloi. Amin! ²⁶ Pele earene Allah weaumihike, na nebangde kena kabang katere koikoi uw mekaite, nehibimo mokojate - miyea meangge ro yeale uw mbanye hononate bukainyehike na miyea meangge akobea yaele namekai bang mea uw mbainye honate. ²⁷ Pele hului mbai ro kelufa namiyae wa yaele u mbainye namekaibang honate. Rake uw mekai nebang mokate huluinye, Allah yae ehe pukulo woum miwonde haubihinebang, Allah yae uwoumi a uwtea ijene ehakoiboinye. ²⁸ Nawaneng rake ro miyae, Allahre ronainyembondere, haubihibang mea uw elatene Allah weaumihike neai uw bene nebang inyaibonde namekaibang me uw mokonate. ²⁹ Bele yo wali nahele meaite, me kena uw kena roronate ame karebai jea wabenate ro hosoi miyae hoisoi honate, ei wei eitaisi konate, nawaneng nawali anene ahuwful bea elenate huwenate. ³⁰ A feau himimeai, Allahre kena okoijo, kena lae uw lae, embei konate, amokoi feaumokoi, peleyo wali nebang meainye uw heraunganyele nawaneng ako anare eboroi. ³¹ Kobu meamea kommile, uw eherawei, kena nei ehuwei, mokoi kabei jea mokonate kabenate. ³² Bake ro miyae, naeisele Allah a ukeume na ijehele, namekai bele hulu bele uw mekai horo naitaei hele yaere, pele uw mekai nebang mokaijate ro miyae nebang mokoijate ro miyae re pele uw mekai mbaite mokonate neyae be yae hinaimi.