¹ Pele aerene weyae ehi yo naei me bam uw bamde ijoko rangne kamae Allah naei be ne waei uw maeite weyae aere eyoleikoi hului. Ehiyo yea mokate uw mekai waneng weyae mokoyaene, ehi yore me noyamae waneng mbai weai uw re weneaijea me nokanae. ² Eyae iteaimo Allah na ijene hele, pele uw mekai wa mekai wanende mokate yore Allah neneai jea me nomiyonde. ³ Meyae ro miyae yae wayembe yo, ehiyo mokatere me nono molaumiyaere peleyaere neai uw mekai wa mekai mbai mokaubena, Allah yae mare me nonomombe hele. ⁴ Allah kena nime haba yae mare mokoyembe, namekai kena hebae uw hebae mare me onoyoi - meyae mateaibam helene Allah merau raungehike naei me uw foi jea mare moi hurenembe uw mekai wa mekai nebangda nulu kenembombe meyae Allah uw mekai wa mekai foi mokoijembere haubihi bang mea elaube. ⁵ Peleyaere mai kena elae, nawaneng uw mekai wamekai nebangda nulu kenembombere ahi yae elaube aerene mai uw re menaeijae ehe bukulu yun rang kambaei rangne hainyembe neaimbae arilaube uw mekai nebangde mokate ro miyaere na ijeyae Allah me nomiyonde, neai menjembonde hene, pele yane naei kulubo wayangde enai hubanate. ⁶ Ro miyae nawaline, na me uw huluinye Allah nou hennekonde. ⁷ Ro miyae na uw mekai wamekai foineai nahibi hibimo mokoijate, wali uwfoi wafoi te baeijate yo, Allah naei me yae wali nena bona eneinyende. ⁸ Nawaneng wali uw mbaite, namekai wali nibi nahelerabam ohojate yaroijate, pele ro miyaere Allah ehe bukulu re wommiyonde. ⁹ Rake wali kokone uw mekai wa mekai nebangde mokate, Yahudi ro miyae nawaneng Yunani na ro miyae, kena nebangde emmimokonde, hambung na bune bune enainyehubande enaikabenainyele. ¹⁰ Peleyaere, uw mekai foite mokayeke ro miyae, uw emikaende be emmihinende, reimai hawemile, naberere Yahudi ro miyaere namekai Yunani na romiyae re. ¹¹ Haubihine bam, Allah, neyae be ijokore ereyei ja. ¹² Tauratre walora wali heere folaikoke are huba man hele iteayaeikoke kore yae me ebaei, peleyaere, Taurat walora wali heere folakokere hubara haeita yanainye ro miyaere Allah yae wali himalainyeboke yo yae me baende. ¹³ Haubihine bang Tauratre walora wali heere folaikoke are huba man hele iteayeaikoke yore yae me ebaei, peleyaere, Taurate walora wali heere folaikokere hubara haeita yanainye ro miyaere Allah yea wali himalainyeboke yo yae me baende. ¹⁴ Yahudi bang romiyae Tauratre walora wali heere folaikoke a nataeibang heleyaere peleyaere honaite huluinye mokonatena neyae kelaemi naei kena uwne wali heere folakoke mbai mbae honainye. ¹⁵ Na uw mekai wa mekai hului nye keleaimi, Allah yea weumi wali heere folakoke nakena uw einye honainye nakena uw einye na ijene weumi, ro miyae nebang mokatene a aruneumi, nawaneng Allah kenare koye hului mokatene eare oleumi. ¹⁶ Reyea ro miyae neai kena einye nunne herawe ijate honoijate pele na uw bene wa bene nekei jaimi pelere hului emikolonde pele ya mbai uw mekai nebang mokayeke ro miyaere Allah ehee pukulu inyemmile. (Yahudi Ro Miyae Yaele Taurat Yaele) ¹⁷ Peleyeare, weai uw, rake yoho yae eleyae, reyae Yahudi ro miyae, Tauratre walora heere folaikoke huluinye nekale, Allahre mbainye nekendene uw kearele. ¹⁸ Tauratre walora wali heree folaikoke einya a uwteai wafeai iteayeubokalene Allahre kena foi mokorende neai reaiteai hele, nawaneng uw mekai foi wa mekai foi neai nebang neai roibiyanale. ¹⁹ Ijoko yeale, ijoko ban iyore yawenaimile waneng, reai uw neaiwaneng Allahre oroiboi ro miyaere ougem nolona nekate hehere nearemikonde re. ²⁰ Onei kobu yore iteayeremile, kelu omi nawali nibi foi aloremile, nanemene Tauratre walora wali heere folaikoke ijene keleremile. ²¹ Meyea uwteai wateaite keleaumi, makane walire meneai uw iteaite ekeleikoi? Meyae yoko e beai jea waumil, peleyaere meneai yokone beaube? ²² Weyea wamae, ro miyae meai miyae royaele uw mbainye ohonoi jae, peleyeare weyae yo hi neai miyae yaele uw mbainye honoube? Weyea hoime pahe ei moloi moloite uw nene yae koyae, eleyae yae peleyaere hoime pahe eite molaimi anuwaunga hambung yoko yae baeyae. ²³ Tauratre walora wali heree foloukoke iteayeauboke earene meyea uw keaijea keaube, peleyaere meneai asasire kaube Allahre rokoi feaite uhele mai waline. ²⁴ Allahre homofeane molaikoke waneng bea nekaube, mai uw mekai wa mekai nebang mokaube earene, Allah ro auwkeakea a koijaunge. ²⁵ Tauratre walora wali here foloukoke are hubara heaita yanennelena ro uw ela neisaite haubihi yaele elaube peleyeare mai ro uw ela naisakate horo Tauratre einye ehakoiboi, Allah yae eneisai ro yae me beanembe. ²⁶ Ro miyae na ro uw ela einesai, nawali Tauratre einye me uw mokye, pele ro miyae Allah yae me beannebonde. ²⁷ Pele mekainya, Yahudibbang romiyea ro uw ela eneisai yo peleyaere Tauratre walora wali heree folakoke are hubara heaita yanainye yo yae meyae Yahudi romiyeare me nonomombe meyae Tauratre walora wali here folakoke are hubara heaita eyanei? ²⁸ Ro miyae Yahudi yo fa yang fa re ronaimibondere Yahudi eha hena hakainye nawaneng ro uw ela nenaisande walora mo bang. ²⁹ Yahudi yo fa yang yea Allahre robe ro yoinye, Tauratre walora wau heere folaikoke huluinye, ro uw ela naisake yo bang peleyaere ro miyae Allahre roh yea na uw bene wa bene neme mokoumiboke yo pele uw mekai waneng ro miyae neai uw ei moloibote ro miyaera bang peleyaere Allah yae ei ennemolonde.