¹ Ya meaheambai mehi mbai moi wokainyera, pelera Yesus, Petrus yea, Yohanes yea nawaneng Yohanes, Yakobus naka beake yeale, kaweumiboke rake yoremo hemunggea hekire ekai ketaikike. ² Pelera Yesus Neai uw, mehi uw re yeuboke. Na be erainye hu hehe wanen neaungekoke, neai uw malo keleumong wili halamare poukoke. ³ Eraimile, Musa yea, Elia yea, Yesus nembainye, a uw mekaije huwate. ⁴ Petrus yea Yesus re weunge, Tuhan rake anuwaunge foi hele yea, weyea kena waneng koukondena, reyea rakene kang namere hayerekonde mbai weai meai, mbai Musare, mbai Eliaree." ⁵ Petrus neai a eleye eibeaisoi, naijoko erate wau nolora, rake niyea reai kelu buheare heanale kiyea, neare reyea nahinggi ereborembo, hakorembunde." ⁶ Neai yaweumiboke yo pele a poraiboke, be a kanine ai toroke, neai uw fomako kabang de koibuate. ⁷ Pelera Yesus meke, namaleu me nekeumi, a weumi annu, meyea feere ekoi efeaijea." ⁸ Pelera naijoko erate kanate, pelejene rohi miyeani bang, Yesus Neai uw nembai mo erainyele. ⁹ Namemang bea pele hemunggeare onai akondere, Yesus a weumi heraweumi meyea rake me yakala erekaube, ehuweijea nekemenbe, mende ro fa heraiboke yo nolone eng eng walembondene." ¹⁰ Peleyea nayaweubiboke yo yea hinainyele, Musare homo feare henaiboke yo yea waimi, Elia niyea, neyeare nabehele rakere mende?" ¹¹ Yesus ye weumi, "Elia pele nahele, neyea napere holo meke nou heubohe. ¹² Peleyeare reyea mare wamale, Elia neai uw meke, peleyeare neare ro eroiboi, neainya kelewoyere eyerei, neyea neai kenane heuboke mokowate, peleme, ro fa miyea fa re, pele yo namene enai konainye hiyeininyele." ¹³ Pelera nayaweimiboke yo iteayeaiboke, neyea Yohanes bu re koloumi ro pele kiyea a mbea iteayeumi. (Walobo Aungeboke Fa Mbai Onomi Ikeunge) ¹⁴ Pelera Yesus na yaweumiboke yo yeale, meibuate ro heleng miyea heleng pukore, mekate pelene ro kelufa mbai Yesus re uw pukore meke nabene oro hele roroukoke, Na a weunge, ¹⁵ "Tuhan, reai fa buhea ba heinyokoimea, neai uw eha, uw koibo koibo re koijeye, pele uw mokoi biyounge, koijeye, iy rangne eituweye neai mekai eye bu ne eituweibiyoye." ¹⁶ Weai moita hakaikoke yore reyea yaweungehokale pele yo pukore ekende, peleyeare, neyea reai fa re nou eheikoi hului." ¹⁷ Yesus Neai a weumi, "Meyea hila rabo bang, wali nibire oneijaubeyo! ya meahea hangga yea reyea mambele yeale? embele heki huluijea reyea kena aremo mare foi mokorembe? pele fa rowenne yaweneho reai pokore mebu." ¹⁸ Pulo mahe pele fa na uw einya, Yesus a kulubo molouboke, hukeuwehike neai uw eita eukuke, pele fa nahibi foite yeuboke. ¹⁹ Na moita hakainyekokeyo yea Yesus re hinainye, " Makane meyea pulo mahere ahukeisiy hangga?" ²⁰ Yesus yea weumi, meyea mai hila rabo kending, meyea mai hila rabo hiyo biy kending hului nekenembe na, reyea wamale meyea hemunggea hebeyere nahinggi wennele nakelensinde. ²¹ [Wali nahele einye nekewende mokowende, rake waei u benate yakalanate."] (Yesus Herendere, Nenaeijae Yakalawoumi) ²² Yesus Na yaweumiboke yo yeale ekate gauleane, pelene Yesus neai uw meai a, neneaijea iteayeumi, na a weumi, "rofa ro kelu enate romiyea meai me einye enai ambonde, ²³ Nawaneng, enai honoibonde, ya na name neng ne enne walenembonde na yaweumiboke yo pele a borowainye re, nakena u nuhu-nahu beibate. (Pajak Roite Mokomale Maei Utaei) ²⁴ Pelera mekate Kapernaum na, roita ninggire arilate romiyea mekate Petrus re a hinainye, mai yawembokombe kelembe rowa, neyea roi ninggi arilandere, neyea mokoye?" ²⁵ Petrus Ehe re koukoke, pelera imea eite euaruleufike, Yesus napeme hele a hineumi, Simon weai uw pene meahea nekeite? Ondofolo ondofolo rake kani kela ranne, hinyerena yea roi ninggire yoboijate Pele nakelu omi meainya? Nawaneng rohi miyea hi meainya?" ²⁶ Pelera Petrus yea weunge, ro ehi miyea ehi meaita pelewaneng na nakelu omi haubihibang ohonayende. ²⁷ Pelene eye, peleyo nakena himi nekenaimile yeale, kamba eiwoyonde ereye ka pena kiyea yoboubounde, neuba eita roi eukowende pele roi roweye yeumile, eai meate me beaneaimibonde."