¹ Pelera Farisi nayo nawaneng taurat re henai boke yo, Yerusalem ra mekate Yesus re hinainye, ² weai moi hakaikoke yo, makane yo be kamehe neai mang asasi yea kate, neyea hamang de me ekuyeijea, pele ouw ke yarate anate. " ³ Yesus yea weumi, meyea mai yobe neai kame neai mang bea elaube peleyeare, makane Allah Neai hung anggare meyea asasi re kaube? ⁴ Rake a Allah neneai jea haufike, ako nakere weyea ereumile kaneumile hinye neako nenakere nebang de emmi mokommile, pele uyea enaihobonde.' ⁵ Peleyeare mai a waumile, mai ako nake neyea makayea rokate mekate ikanye pele Allah me re peanembombe." ⁶ Pele me uw waneng ei hareiboinya, pelena meneai jea Allah re a, haufike honoyere meyea, alaungokoke, ekaube mayobeneai mang bea hakaukoke. ⁷ Meyea uwbee wa bee kaube ro hele miyea hele ban romiyea, nahele mbea Yesaya yea a nuleumbokombe: ⁸ Rake yo, rake ro miyea, neuwga feaubea reare ro raitele, peleyeare nakena uw ne neyea Allah reai uw koijate. ⁹ Pelene, pele me uw waneng mokate, neai pena mang ne hakoimiyate reare mokatelere, pelere me re ebeai yembonde." ¹⁰ Pelene Yesus kaneumikoke pele ro miyea, na a wara boumi meyea foi borombombe nawaneng nei huwenembombe! ¹¹ Euga eite aruleisiyeye kiyea pele romiyea re haubihire eyeiboi peleyeare, eugara palei paleimiyati wiyea pele niyea miyea re na nebang ne hubaisiyainyele." ¹² Pelera na moita hakoinyobo, mekate Yesusre hinainyele weyea iteayeubokea, pele Farisi ro miyea, weai a eleukokea boraiboke pele nakena himire hubainyehike?" ¹³ Peleyeare Yesus wea weumi, makayea meako emolosai kiye, pele nanemene enai yobonate nakambu yeale enai rawenate. ¹⁴ Peleyo rokom miko, pele ro miyea ijoko kumba yo meai nibi aloijo nawaneng ijoko kumba koye ro miyea ende ro hi ijoko kumbo nekeunge re yawenehonde nibi re kelennele, hokolo bee abulu einye panne enei palenete." ¹⁵ Petrus yea weunge, pele a mekai hareungeboke, meare iteayeimibo pelera." ¹⁶ Yesus a weumi, makane reai wamalere meyea eiteaiboi waube? ¹⁷ Makane eiyeiteaibote kaube, pele euga eite arulate hambung pele nahibi yahelere waite pelera napaleita eiwoyate? ¹⁸ Peleyeare, eugara paleijate, pele kena eita yeiketeye pelene na mekai nebang de honounge. ¹⁹ Pele kena eita uwbene nebang meai meye, ro miyea, hoisoi, uwnebang wa nebang, yoko beai beai, a hele feau hele bang, na waneng anene. ²⁰ A huwei, hamang anggoite, me ekuyeikoi, pele romiyea nawalire himi nebang de eyeiboi." (Yesus Eke Kanaan Na Miyeare Rikeungeboke) ²¹ Pelera Yesus eke weke Turus , Sidon yo re eiboye. ²² Pelene erewate Kanaan na miyea mbai meke Yesus a bounge, Tuhan, Daud re kelu buhea re heitokoi mea reai menagge pulo walobo yea aungeboke. ²³ Peleyeare, Yesus pele miyeare a mbai neare ewei na moita hakainyobo yo, mekate Yesus wainye, pele miyea weyea weinye eube, niyea eai moita pakei pakeume ike na kaliyeale poimiyeume." ²⁴ Pelera Na a weumi, Reyea rakere ukatele mekale, robo yoku Israel yoho kouw ra mai nundeboke pelera beaimiyale." ²⁵ Pelera, pele miyea Yesus pukone oro meukoroukoke, na a riyeunge Tuhan, weyea reare rikeiteboi mea. ²⁶ Peleyeare Yesus na a weunge, fafa yea anenaikonde ouw nebang waneng pele yoku re wongmile anenatere. ²⁷ Rake miyea yea weunge, Ahele, Tuhan pele yoku, hamang mori na rowa aneyera palainye, pele joku na mepumane ruwate anate." ²⁸ Pelera, rake miyeare Yesus neai weunge, weyea na miyea hele weai hila rabo nahele kabang hele. Peleng weai kena koye me naei mekai ba benete yakalanete napelehe pelehuikai, rake miyea, na meangge foite eukoke. (Yesus Romiyae Helem Foi Mokowoumi Onomi Yarowate) ²⁹ Yesus aloungekoke Galilea buhei nibi eiboke eke a mokone euketeke pelene anggeng ne eke nekewoye. ³⁰ Pelera ro heleng miyea heleng hokoumeke neai pukore meibuate, namene ehayo puloyo, ijoko kumbayo, a re eyeleite kate, romiyea uw mehire hubainye na uw pulu wabulu ne nanemene namene yawaimiboke mekate pelera mekate Yesus noro kele name kelene pele ro miyea eha pulo yo ukaimi ane releaibo, pelene nanemene foi te yarowate, onomi re hubawainyele. ³¹ Hokaimeke yo, faka yea poibate, erewaimi, a mung a re eleye, uw mehire hubawainyele mokowoumi neai pele uw pele me yaiboke orobang me bang no ro me nahinggi hubainyele, ijoko kumbayo, mana nahinggi erate foi peibuate, peleyo Allah Israel re ei molowainyele, ro puma kolowainyele. (Yesus Hamam Romiyae 4000 Hangga Ikeumile Anewate) ³² Yesus Neai murid murid re weumi, reai kena buhea kabang kameale rake rake romiyea meufokoubokere, ya name neyea mekate reai jeale rakene nekanemeke, hamang inyale bang. Pelene neyea enatere reyea ehere hubanale, naikai ba nibimoni ne konayende moniyea nalenemile yeale." ³³ Pelera na murid murid yea wainye. Rake ro heleng miyea heleng waneng, eyea embera ouw hubamayekonde imamile rake yo meufokoubokere hamang uwre anenaikonde." ³⁴ Yesus yea hineumi, meai me na ouw meahea mbai me ehine bee yea nawaneng ka kending kending beale mo." ³⁵ Pelera pele ro heleng miyea heleng re ukeumi, kani a rangne raibokate." ³⁶ Belera bele ow maehaembai, na ka yaele rouke, Naekore a rimayeungeboke ra bele ow kaikai kayewoye naka yaele bele ro miyare wahewaimile. ³⁷ Ro miyae nemene anggaute wande beubate. belera na moita ohowate yo na kalung arilewate 70 keranjang hangga. ³⁸ Ro mo 4000 hangga, miyae yaele fafa yaele me ebaeikoi. ³⁹ Ro miyae ukaimile na imae obere eubate mo, Yesus kayi ne hebeunguke Magadan kanire ewate..