Pasal 8

1 Beleyaere, Yesus Zaitun mokore euboye. 2 Ya narene hele, niyea meke Allah yoralo yoimea einye mewefike nawaneng romiyea hokoumeke nanemene napukore meibate. 3 Pelene kelewoumi yea, homo fea tauratre iteayeiakoke henaiboke yoyeale nawaneng farisi romiyea. Miyea mbai pele ro mbaite honowote hanekaimilene yawanyehoke mekate. 4 Pelere Yesus wainyele, Guru rake miyea ekai uwnebang ekaimokowate yea meyea hanekannele. 5 Ema hayemanggonde herende mana rake wanengde, weainya uwibene meahea waneng mea erane?" 6 Rake ameka wainyele, pele neare walangga yea mekai wekainye, nawaneng pelene niyea a feau na ikai ehira enelenggonde ne, neare fee mokonainyebonde. Peleyeare Yesus are insiufike, name kelakelayea mohomo kanine moloye. 7 Namekai Yesusre a nahinei hinei mo hineiwainyele, niyea aiyui ewanguke pelera hineumi, meyea mai nolona, hinye nawali uw nebang wa nebang de ei mokoiboi romiyea, pele kiyea yea niyea mende rake miyea meanggere nabe emere ruka mende wononde rake miyeare. 8 A ukeumire, beneg iseungihike name kalakalayea kani ranne homo keye. 9 Yesus pele a waneng hareungeboke ukemine, pelena romiyea mbemba mbemba moi ukewate eibate, namekai role hokolo yeale nemmene eibate feaugekokera pelene Yesus nembai rake miyea yeale yeale pele anuwaune nukaimoboke. 10 Yesus ewaunguke rake miyeare a hineunge, nabe yo mbelenenamo ekate? Hiyea hayea weare me onoyoi mo?" 11 Rake miyeayea weunge, Tuhan nanemene feaungokokeya, pelere Yesusye weunge reyea weare me ei noyoi hului, peleyeare rake heera eye peleme uw nebang waneng eimokoijea nekewende.

Yesus Rake Kani Kela Maei Hehe

12 Romiyea heleng hokoumeke, pelene Yeus neai uw a yakalaumi weumi reyea niyea rake kanikelare hehe neamele kiyea. Romiyeare hinye reare hakondebonde niyea nibi ougemda ei hului, namekai niyea wali hehe einye ohonende. 13 Farisi romiyea yea wainye, weai uw neai a mbea weneai jea iteayeame pelemwaneng weai iteayeamea re pele nahelere eyeiboi ja." 14 Horo, pele aiteaiyamale nahele haubihinebang reyea reateai mbelera mekale nawaneng mbelere erele. 15 Romiyea erate ijene meyea Wali huluite ikolowaumi. Reyea romiyea ehire huluite ehaisi eikoloi. 16 Romiyea nawali hului rarensinde, pele reyea naijene koloremile. Haubihinebang pelere rembaijea bam nawaneng rare ukeuke mekale meakore nawembainye hului hanehinde. 17 Namekai homo fea Tauratne molaikoke, robeere meai a eleikoke pele ame karebaite eyeleiko, suhui. 18 Reneai jea reai uw neai a iteayamamale, nawaneng meako reare ukeuke mekale pele neyea reai uw neai iteayembokombe.'' 19 Rake yoyea hinaiye, weai ako mbelena nekeye Yesus yea weumi meyea rare oneaukelena pelewaneng meyea meakore oneaungele?" 20 Allah neai yo ralo imea einye roi haufau anuwaunge rake a Yesus yea weibuomi. Nawaneng ehiyea hayea neare pelene ei ikileiboi pele neare naya namman ne.

Yesus Naekore A Yae Weumile

21 Pele romiyea helengde a iteayeumi, reyea erele hee meyea reare beandele peleyeare mai me uw nebang ne meyea enserembombe reai anuwau erele, meyea pelere eyei hulu?" 22 Yahudi romiyea elate, rake a waneng eleukoke, reyea erele anuwauke meyea ei hului. Nauw neneai jea hombondere ha?'' 23 Pelera na a weumi pele romiyeare, mai anuwau ara, reyea pumara meyea reare hila rabo eihaleinye. 24 Pelene mai a ukamale, mai me uw nebangne enserembombe, pele neaeare meyea reare hila rabo eihaleinye. Yesusre wainye, weyea neainya hele hinye?" Yesus yea weumi. Maka meai bande reyea mambele a elemale huwemale.'' 25 Yesusre wainye, weyea neainya hele hinye? Yesus yea weumi. Maka meai bande reyea mambele a elemale huwemale. 26 Mai wali hului kolorengkonbe neaite ahelengde reyea nahului ukengkombe peleyeare reare ukeuke mekale kiyea, pele nahele, namekai makayea borowale neainya peleyea rake kani kelana romiyeare yakalameale. 27 Peleyo ei iteaiboi, Yesus pele a eleye neakore uw yea yakalaunmi. 28 Yesus yea weumi, meyea akore kelu pumare ennehannelena, pelera meyea iteayembobe, reyea niyea nawaneng reyea haubihire emokoi boi hului reai kenaijene, namemene elerele huwerele pele nanemene meakoyea keleukekoke ijene iteayerembe. 29 Nenenai jea ukeuke mekale, neyea ei hawendele neyea reare moi ei buleiboi haubihinebang reai kalia mokorele neai kenare koye ijene mokorende. 30 Yesus pelea huwewoumi, romiyea heleng heleng pelea yakala woumire naheleyea elewate, neare hilarabo haleiwainyele.

Abrahamre Fafa Yaele Walobore Fafa Yaele

31 Yahudi romiyea Yesusre hilarabo halewainyele elewate yore weumi akaneai beake neai, meyea reai keleamale ijene nekembe mokombe pele nahele meyea reai holona yo romiyea 32 Namekai, nahele meaite meyea iteayembombe, pele nahele yea mare mokonembombe meyea yee beai bu beaita e beai te nekemembe.'' 33 .... 34 Yesus yea weumi, rake a mare nahele yea wamale romiyea name uw nebang de mokoijate pele pulo walobore ye beai bu beai romiyea. 35 Pelemekai, yebeai bu beai romiyea pele imea einye einekeyei peleyeare neai kelu heleyea pele imeane nahibimo nekende. 36 Pele earene, reyea Allahre keluyea mare yebeai bubeaita burealembokombe na meyea nahele pelewali yebeai bubeaita mau feauboke. 37 Reyea iteayeubokale meyea Abraham noro menayo peleyeare reyea elale ako feauko ahiyea elaube earene, meyea hondebombere releaungele. 38 Meako neai kelewouke peleyea reyea yakalamale nawaneng meyea mokoito mokombombere, pele mai akore ra ukembe yea mokombombe." 39 Rake yo yea wainye, meai yobe Abraham peleyea Yesus weumi meyea nahele Abraham de orona mena yeaubokeyea meyea nahele Abraham mokowoye wanem mokaube 40 Peleyeare meyea bukaungehike, reare hondebombere releange pele uw mekai waneng Abraham emokoiboi moyea. 41 Meyea mai ateai neai mokowate uw mekai mbea mokaube, peeyoyea wainyo meyea kaifaafa bang, meai ateai mbai, Allah niyea.'' 42 Yesus yea pele yore weumi. Allah mai ateite yeibokena, meyea rare kena buhea heaukele. Haubihine bang reyea mai Allahre pukora mekale nawaneng reneai kenayea rakere emei, pele niyea ukeukere mekale. 43 Meyea makane reai elalere eyeiteaiboi?Pele meyea borondebombe hakonde bombere meyea kenabang. 44 Walobo yun kiyea pele mai ako pelene, mai ako kenare koye huwinye mokombere kena heahea hele kaube walobo yun nabere hele romiyea hoisoite howeke, namekai neyea nahele einye wali enekei ame karebai meai pele nakenara a eyeleye haubihinebang niyea ame karebai neai akone. 45 Peleyeare nahele meai a wamalere meyea hilarabo reare ehalei. 46 Mai nolona hinyeyea reai meuw nebang mokoukokalere kelenbona?" Pele meuw waneng umbea, meyea nahele meai wamalere reare nahelere eyele? 47 Allah yea eleuboke wekeumi romiyea, pele romiyea Allah eleyere boroijainye meyea Allahre holona bang, pelea eleyere oboroi kaube.

Yesus Naei Umaei A Yaele Abrahamre A Yaele Elewoye

48 Yahudi romiyea Yesusre wainye, meyea naijehele yea wayete weyea Samariana romiyea aloyea aibokote kiyea. 49 Yesus yea weumi reyea aloyea eyaiboi, reyea meakore nahuba heata yananale peleyeare meyea reare huba heaita eyanei. 50 Reyea uw keaite ei beaija, Allahyea uw keandelere beleye beale niyea nembai wali huluite kolommile. 51 Reyea wamale hinye reyea wali ako feako iteaya malene hakondele niyea herere nambele bang." 52 Yahudi Romiyea yea wainyele, Rake hee yea meyea iteayendeboke weyea aloyea ayeibokete koyea. Haubihinebang Abraham neai uw nawaneng Allahre ayeng yo kayayo nanemene heraiboke, meahea mekai jea weyea wamea herere eherei hului. 53 Weyea meako Abraham nekewoyera, weai uwre kabang mea hubanea? Abraham neai uw nawanen Allahre renjo kayayo nanemene mai heraiboke meahea waneng weai uwre hinye meaning bea huluite kolanea?" 54 Yesus yea weumi, reai uwre reneai jea uw kearelena, reya haubihibang itebonde reai uwre kendebonde kiyea pele meako niyea, mai Allahre elaube kiyea. 55 Meyea pele Allahre ro eroiboi horore yea peleyeare reyea neare ro roungeboka nale nawaneng reyea neare eroiboi ayea ukembena, mainya ame karebai wabaube ro miyeare itebonde. 56 Mai ako Abraham mea reyea rake kani kelane merenekende erembondere kena hele koiboye peleyeare neyea ereuboke namekai reimai sele koiboye.'' 57 Yahudi romiyea wainyele, weai rohu roya ralo yakama 50 re eyeiboi mo weyea meako Abrahamde erekanea a mbea eleyea? 58 Yesus yea weumi, na nahele yea reyea wamale, Abraham na nammam ohoijea reare roibuke reyea nekewale. 59 Pelera Yahudi romiyea rukayarowate Yesusre hekelenai nyelere peleyeare Yesus neai uw nunde ewaheukoke, Allahre yo ralo imeara eukuke eiboye.