Pasal 5
(Yesus Mokhoranda Ahuba Huwewoumi Onomi Honomi Naei Ahuba)
1
Romiyea heleng mewate erewoumine, Yesus mokhoranne yeuneubokhemo na u na homora yo mekhaite.
2
Nahibi a huba raweubokhe huweumi,
3
"Onomi honomi romiyea khouna khalona yo Rohle einye, surga yo yang nebei yo neai.
4
Onomi honomi hele khena bekho u bekhore hubayainye yo rahene bam nare rei mai ammibonde.
5
Onomi honomi hele khena u a ne rainyehikea yo, rabuhineban, nda khani khela naeise enjembonde.
6
Onomi honomi hele wali naheleremo nekheyate yo Neyae uga enairembonde.
7
Onomi honomi hele romiyea khena buhae emihenggonde.
8
Onomi honomi hele wali niki ban khanau ban yo Neyae Tuhan Allahre erenainyebonde.
9
Onomi honomi hele Romiyea rei mai onomi fokhare rowende mende kiyea nebei yore Allah Naei fafa yae me embeande.
10
Onomi honomi hele romiyea nahele arene eiweeitasi khoyaimi yo surga naiese enjembonde.
11
Onomi honomi hele romiyea Reai A rene eiwetasi khonayembe a bekho bakho yea okhonayembe yo.
12
Rei mai yolonsande khombe, rabihine ban Allah mai me buhea u buhea khabaning surgane raufike. Nebei hului mbai yenyo khayayore mokhowaimi.
13
"Mayea nda khani naei hea, hea buhoro yembondena, raheyea benen mokhonainyobonde hea re yembonde? Rabihiban bekho yeubokhe a ne ungayonde romiyea oroyea alenate."
14
"Mayea nda khani naei ahehe, yo mokho rangna enundeiboi hului."
15
Romiyea ahehe khelene eraisi hului, bumane ranaisindere imea ei ahehe neanggonde.
16
Nebei hului mbai wa ugana ahehe neanggonde, romiyea wa me u ra erenatemo Tuhan Allah surganare buma kholonainyele.
17
Mayea nendong elembe Reyea mekhale nebei he re foloukokhe bele yen jo khayaa ro naei homofea belere khelarebondere ban nebei be re elere isendere ya.
18
Nda nahele be wamale, yakhu bele nda khani khela bele nundembonde horo, nebei einya a feau mbai ekhelaiboi sele.
19
Nde yea nebei a usaei nolona mbai khelambonde beneng romiyeare me u mahiyea khelemilena, nebei kiyea surgane me ronaibonde. Nde yea nebei a usaei huluinye mokhonde nane merau khelemmilena neai ro khabang yea enaironde.
20
Mare wamale nde neai nahele Taurat homona yo bele Farisi homona yo neaise anawanenna neyea surgare eyeisi hului.
21
Mayea maisei borau bokhe aei yobhe neaise ukeimi, romiyea ohoijea, nde romiyea hombonde kiyea pengadilanre anaibonde ende.
22
Nde naei akha beakhe a yarenekhonde na, khobu khobu yea wennelena mahkamah agama bene hebende, nerakana i nolone ensembende.
23
Nebeinye weyea Tuhan Allahre hili akhaufe hebeungelere bene nekheufikete weai akha beakhele ikele hang khoukokhene,
24
nukheibo bukheisi eye foi mokhokopemo nebeisa mele hili akhau hebeungele.
25
Wahaleyea wa yekhoijo bele foi mokhokope nanibi nolone nendong embe weyea be khawane henayeikonde bele.
26
Ware nahibi ufetere, weyea khawa einyemo hebewende emeituwei hului khase yeumilerewa metuwende.
27
Mayea maiseai, "Rohile miyea uga emokhojea."
28
Nebeibe Reyea wamale nde miyea meanggere eremmile khena ruwende neyea mebekho u bekho mokhoubokhe na khena einye.
29
Wajokho refi mbaijea bekho mokhombondena khelefiinde wowonde nendong wajokho na bene nerakane ungayonde bele.
30
Wa meuge me yea bekho mokhombondena neufande wowonde, na foi sele wa me refi mbai nundembonde, nendong wa uga nemene nerakane ungayonde bele.
31
Nenda hena a raisike: Nde na miyea nennihindena neyea homoraitai yennele nebei miyeare.
32
Nebeibe Reyea wamale, nde na miyea nennihinde u bekho ro hi bele mokhonei bonde aerene, nebei miyea beneng ro hi yea rowendena na ugare onomi ban.
33
Mayea borokhauge be aei yobhe naei khamahe naeise ukaimi a, a holo ame ame okhoijea, nebeibe Tuhanle bene nebei a holo nahele yea khokonde.
34
Nebeibe Reyea mare wamale, meyea a holo surga royea okhoijea surga mana A;;ah naei Kundan Wameran,
35
Nane merau nda khani khela Allah naei orore hebeukokhe anuwau nebei hului mbai Yerusalem Ondofolo Khaban Naei yo yan.
36
Nane merau a holo waei yun neaijea okhoijea hele. Rabihine ban wa uga kheleumon bele nokhombi bele weyea emokhoiboi.
37
Weai a nahelena eleukonde, amena ame yea eleukonde emekhai belena nebei walobolera mate.
38
Mayea borokhauge a kholoukokhe, 'Ijokho ijokoyea bensonde, hera herayea beneikonde.
39
Nebeibe Reyea mare wamale, mare bekhore mokhonayembe yore bekhoyea ekheleijea, nde wa khahu meuge reufi wendena meli reufi bele yeungele wende.
40
Nde wa ambeleare rowendere khondena wa ugana malo kheubonde yeungele.
41
Nde mende ungete ndare falemo beabonde, weyea weungele ndire bele alanekon fa.
42
Ware rinyete kiyea yeungele, me ebaeijo menate ahi eweijea yeumile.
43
Mayea borokhaube Na Akho Feuko, "Mai akhambai baekhembaise buhea hemmile, 'yokheijore ikeleyea khommile.'
44
Nebeibe Reyae wamale, mayea yokheijore buhea hemmile meboi auboise khonayembe yore hambaya molommile,
45
nebeinye mayea Allahle fafare yaeubokhe, Neyae hu nukhui foibele bekhobele yore naekoyoumi, nane merau ya nahele bele naheleban yore rileyeumi.
46
Rabuhineban, mai foi romiyea foise mokhayembe yoremo mokhommilena rahebe mayea rowembe? Nibine roise arilateyo nebei me u mbaimokhate.
47
Mayea mai akha baekheremo a melaeyemmilena, rahe me u bhe emekhai wanen mokhoubokhea? Nebei me u mekhai Tuhan Allahre nasaeiban yoyea mokhateya.
48
Nebeinye mayea mai wali Arai surgana nekhele wanenmae himalembombe."