(Yei Wahei Neai A Usaei) ¹ Khaya hebembe mai umekhai foi royea miyeayea rore ronayembe mokhaube yo, nebei me u holo Arai Surgana kiyea mare mai roibu e hobekoi hului. ² Nebeinye, mai me u foi mokhombe na khulungban naubang yea mokhombe romiyea bekhoyea mokhate wanen Allahna yo imea ralo imea nibine ane nare mokhate romiyea erenaimile bumare kholonaimile naeise. Reyea naei nahele mare ufembere nebeijo naei me buhea nahibi nare yaraikokhe. ³ Neai sele mai yei wahei yemmile melime yeungele meugeme isaiyejea. ⁴ Weai yei wahei nanunda mokhoubonde Arai Surgana Kiyea ware erenete helem bolem inyete. ⁵ Allahre ebeli nda ma yea bonnele, u mekhai bekhore mokhate yoneai ma yea emokhoijea nebeijo afae yea hebei boyate yo imea ralo imeane nibi yanso yansone romiyea erenaimile naeise. Reyea mare wamale naei me buhea nahibi nare yaraikoke. ⁶ Meyea Allahre ebeli bonnebenrena nda mekhaijea, eweufinde yowane romau ahuneubondemo, Arai Surgana na nunne ekhenekhele Kiyea nare boungele, nebei me u erenete ware me buhea inyete. ⁷ Allahre ebeli bonnelena, afaeu na mekhaijea, romiyea Allahre naseiban yo yea khate wanemmeaban, naei ubenene afaeu helenne are borommibonde. ⁸ Neyae nebeijo naei ubene wanembea enekheijea, weyea eriyeisimo Arai Surgana Kiyea isayeubokhe, rahebe weyea riyeufindere. ⁹ Ebeli nda ma yea bonnele: Arai Surgana nekeyea, Wa Ro yolo yolo renden, ¹⁰ Wa Yo Yan mei miyea Weai khenare khoyea mayea nda khanina bele Surgana bele. ¹¹ Manaya meare khuikui mae mae yeimile. ¹² Meai bekho neyea buhea heimiko nebei hului mbai romiyea bekhore mokhaimile yore meaye buhea hemamikhonde. ¹³ Meare anuwau bekhore eweijea, bekho nolora weimiyee. Weyea Yo Ondofolo, Onehenggo iwa kheleau bele kiyea, nda hene. Amen. ¹⁴ Meyea romiyea buhea hemmilena mare nebeima Arai buhea henembe. ¹⁵ Nebeima mbai mayea romiyeare buhea eheikoinya Arai Surgana mare buhea eheikoi hului. ¹⁶ Raman eline nekhembe mon, ma be yoi foijea romiyea bekhore mokhate yo naei u mekhai yaroijea, nebeijo na be no no moloiboyate romiyea erenaimile nda yo raman eline nekhateyo. Reyea mare wamale, nebeijo naei me buhea nahibi nare yarate. ¹⁷ Mayea raman eline nekhembe mon ma be yoi bu yea khuyenggombe ma unga minyak yea hobenggombe. ¹⁸ Rabuhineban romiyea ro roiboi meyae raman eline nekaube nebeibe Arai nunna nekhele kiyea erembe. Nebeimane Arai mare ehen mo konenggombe. ¹⁹ "Rambun heleng nda khanina arileijea weai walire. Fereliyea folonai bonde ya, yokhoyo yea kelanai bonde ungayonde. ²⁰ Surgana rambungbe arilembeya wa walire nebei fereli ban anuwau niyea, yokhoyo ekelaiboi. ²¹ Rabuhine ban wa rambun honate wa khena nebeinye nare honole." ²² Ijokho Isehe wa orore, wa ijokho foinya wauga nemene a hehe. ²³ Nebeibe wa ijokho bekhone wauga nemene ouben waugana hehe ouben yembondena wa wali ouben kika hele. ²⁴ Romiyea mbai rowa bere buhea ehei hului. Nendae mayea rowa hire ikele rowa hore khena foi. Mayea nahului ban Allahre bihea hennele, mamonde buhea hennele. ²⁵ Nebeinye Reyea mare wamale ma walire buhea hokoijea rahebe mana aneukonde, rahebe aneufindere. Nebei mekhai ma, mai uganeai, rahebe mana hireukondere. Nda wali naei be ubene bere haimale ramang naei moisa, nda uga naei be ubene bere haimale malo moisa? ²⁶ Eremmi, aye bumana hekhe mokhoibe ramang ufeyeibe, nebeibe Allah surgana nahului hole moloumile. Mayea na bemere hele Allah arembe. ²⁷ Nde mai nolona na khena buhea khoyele nda wali ralo yakhama mbai barangebokhe? ²⁸ Ambela khenane buhea hokhoijea. Jokho ereng akhelana arokhou henate wanen nenaei kiteyate faweyate, ²⁹ nebeibe Reyae mare wamale ondofolo Salomo na onehenggo na malo nebei arokhou wanen bam. ³⁰ Allah nebei wanen mokhowole, khe akhelana mana hebate wahenare italo rangne ungayonde, mayea nebeisa awaukoke, rahene ma hila rabo Allahre eyei? ³¹ Nebei mekhainye mayea nda a mekhai eleijea, 'Rahebe anomakhonde?', Rahebe anemahinde?', Rahebe hiremakhonde?' ³² Nebei rambun yoni yoni Allahre oneyainyele yo yea beate, Allah surgana neaisei mayea nda rambun re yarombere. ³³ Nebeibe, Na bemere Allah na yo yambe bhere bemande nanahele bele hiwa nemene barenembe. ³⁴ Nebeinye, wahena naei khoukalo buhea hokhoijea, wahena naei khoukalo neneai ya.