(Yesus Herera Waleuboke) ¹ Mana Sabat Ya, hu nukhui roroubokhe yele ya mbai nendong nebei mongna Maria Magdalena na hiwa yo bele abulu rande ekate. ² Onyeu khabang hineugokhe, Tuhan Allah malaikat ukenge surgara okhe nebei rukha romau wekheunge na rangne nuweubokhe. ³ Na be yoi na malo wili halaman manggo kheleumon wanen. ⁴ Yakhare hebewate yo buhea hokhoumibokhene, heraibokhe wanen honowate. ⁵ Malaikat nebei miyea miyeare weumi, "Buhea hokhoijea, reyea raisaei mayea Yesus ohali mabone herekhe be beaungele. ⁶ Neyea ndana oloya waleubokhe ya Neai A re ukembe ndine fombemo Nare hubayenggombe. Mebu Na anuwau honowole memerembo. ⁷ Wahaleyea embe Na Una homonayo wemmile, Neyea waleubokhe here yo nolora, mare Galileane bere fokhe rakhembe. Ndire fombemo Nare hubayenggombe. Anggei foi borombo, Reyae A mare ukamale. ⁸ Nebeinye nawahalemo ekhate Na Una homona yo re ukeumi. ⁹ Nebei mo Yesus meke weumi, "Onomi". Nebeijo mekhate na oro ekilaibokhe ei molowainye. ¹⁰ Nebeisamo Yesus yea weumi, "Buhea hokhoijea, embe Reai akha beakhe wemmile Galileare fonate ndinemo nare hubaimakhonde". (Bulei Yakhare Hebewate yo Roijea Ikaimile Amere Wabenaikondere) ¹¹ Nebeijo ewateramo nebei yakhayo ekhate imam yung yungre ukaimi Yesus waleubokhe neai ahuba. ¹² Riyana a mokhainyehakhe nebei abulu yakha yore roijea ikaimi a herawaimibokhe, ¹³ ndama yea wemmile, "Na una homona yo huwea rai mekhate Na noo yokhoyea khaibokhe, mayea jonggune honowande yea". ¹⁴ Ondofolo isaeyembondena meyae a ungande. ¹⁵ Nebeinye nebei roi rokate, nebei a hurekokhe Yahudi romiyea nolone eleimeyate nda he bele mekhe. Yesus Yen Raufike (Mark. 16:14-18, Luk.24:36-49, Yoh.20:19-23, Kis.1:6-8) ¹⁶ Na una homona yo ekhate Galilea mokhone Yesus Naei ukeumi huluinye. ¹⁷ Nare erekhainyene be hinewainye, nebeibe hiwayo khena wa wa khowate. ¹⁸ Nebeinye Yesus yea weumi, "Rare one henggo iwa khelau buna na ana nemene kinyeufebokhe. ¹⁹ Nebeinye, embe nemene isaei yemmile a wemmile Reai mosaimo hakhonaikonde, bhu kolommile Allahle Royea, Reai Royea, nane merau Na Moi Hureile Royea. ²⁰ Khelemmile Reai Akho feuko huluinye nekhenate; Reyae ei haufembe nahibi fonde Reai merele ya ne".