( Ananias le Safira le Roh Tuhan Nde Umali Hubainyihike ) ¹ Nebeibe rombai naro Ananias namiyae, Safira le, naei kani naise heiboke. ² Nda kani heiboke ra namiyae le a elekoke nebei alekoke namiyae nembaiyae nasaei nekende Ananias naise heiboke kanina rouke roibe bohi rouke raufike naei uwgara yae wekeunge nabohi kayero rouke meke nda abu ako nekete oro wene meke raufike. ³ Nebeibe, Petrus yae a ukeunge, ''ananias, rahene walobo waei kena einye mae-mae hele kaikoke mekae Roh Kudus re ame-ame kekaebaenae kani heubokaena nabohi weyae herauweubokae? ⁴ Nebei kani weyae eheiboi he nebei waei kani ya nebeisa naise heukae ra nebei waei me einye? Rahene, nda me u waei ubene yaere ame-ame baemaeban nebei be Allah re weyae ame-ame baenae.'' ⁵ Ananias nebei aremo borouboke heera nahibi Ananias ruke hereke nebei afaeu borowate ne romiyae nemene. ⁶ Nebeinye hokolo fafa hebewate mekate kaeibokate moise aibaieke ekate aimoloufake. ⁷ Nebeisa hukai name huluimo, Ananias namiyae meke nebei anuwaufe meke, neyae naesaeiban nebeinye yeuboke rambunde. ⁸ Petrus yae waunge rare ayaka yae weise, nahele nebei kani naise heuboke naroi naei kaban neyae? Safira waunge nahele naei kaban nebei hului neya. ⁹ Nebeinye Petrus yae nare waunge, ''Rahene wanggele wamolole a mbainye elukoke Tuhan be Roh re umali mekeufubaunge? Erei bo nebei, oronouw honate ro naei oronouw nebei ro mau bene honate womolore ekate moloaisake yo naei nebei jo mbai mate ware benen kaenae yeubote moise embalembere.'' ¹⁰ Anemo uwgounge heebae Safira be Petrus le oro kelaeunge nahibiyae ruke oke hereke nane hokolo fafa meyauboke eise ijoko erate bae Safira be ruke heke hono le nebeinye benen kaeiboke moise aibaleke ekate homolere molaisake kelaeunge aimolosake. ¹¹ Nebeinya jemaat, romiyae aenggaei borowateyo nemene bhuae hokoumiboke fewaku kaban hele kowate.( Allahle ra Erambun Emere-Emere Yakawate) ¹² Helem hele rambun emere-emere ro helem miyae helem nolene Yesusle abu ako naei walara bewate yakawate nebeiyo nemene nane kena mbai mo Salomole obenemo arilasike nekewate. ¹³ Holo hinayo fe yae faewate nebei nolene emei baraiboi kowate nebeibe ro miyae nebei yore buma hele ko lowewaimile. ¹⁴ Nane wanem romiyae helem sele benen baraimeke Tuhanle hila rabo helewate riya kaban hele bewole ro nane mirau miyae-miyae nanggele. ¹⁵ Nebeimo ban erena bulone kayeke yo kaewate mewate nibinone na ijonggo honson ranne mekate relewaimi honowate nebei Petrus mende mo na unulu nebeiyonaei uwgane hemiyende. ¹⁶ Nane wanem nebei Yerusalem yo kelaeunga yo honowatera ro ro miyae mewate helem hele, erana bulona yo, yo aloyae waloboyae uwgane relewainyo nemene mewate onomi foi yerowate.( Yesusle Abu Ako Akilaikoke ) ¹⁷ Nebeinye, imam-imam naei homonona, yo bele ainyukate nebei Saduki,* holona yo nanggele ikele yae hammae mae-mae kou mikoke. ¹⁸ Nebei Yesus le abu akore ikilaikoke ekate kawa einye ahaeimikoke. ¹⁹ Nebeibe reni yai noloyae Tuhan be malaekat yae meke nebei kawa imae romau nemene raweu koke we we molouimiboke weumi. ²⁰ Alonnoko ebe elebebe humiyebe ro helem mi yae he lem nolene Allahle eimon-mon imke einye nda wali hena naei akofauko. ²¹ Nebei a ukeumi aenggaei boroibokera, narena kau kah fele Allahle eimon-mon imaene eyeuboke benen Allah le eko faeuko nebeinye huwoi mile rore miyaere.Nebei iman kaban ro miyae nanembaisa mekate yobele Sanhendrin majelis nemene Israelma uwgare henaiboke yo nanggele nebeinye ro miyaere ukaimile nebei Yesusle abu-ako bee yaweiboise kawane haeimikoke imaere ekate. ²² Nebei be nane ro ukaimile ekate yo, Yesusle abu-ako bee re haeimikoke anuwaufe ekate baeimikoke nebei bee loo nebeinye baeiboke mekate a yaka ukaimile ²³ Nebei yo na a ukaimile, ''Meyae ekande nebei imae nane ro beere haeikoke nemene na romau na ahunggoi jae ekaisebate, nanewanem kayayo nebei romaunge nemene ekaisebate nebeisa meyae nebei romau rawandeboke neeise rande ro miyae mbai hambai ereiboi bangga hangga.'' ²⁴ Nebei a boraiboke heera Allale eimon-mom imaere keyare hebate nayun kiyae imam-imam naei yun kiyae nanene ubene u baete nebei Yesusle abu ako beere nanene naeise-naise hinsimmae hinate elate nendae wanembe yeuboke. ²⁵ Nebeinye kate yae rombai meke neumi erem! nane robee kawa imaene haeu mikoke, ndina nare Allahle eimom-mom imae na nare ro miyaere ekei kelaemi. ²⁶ Nebeinye Allah eimom-mom imaere kayare hebateyo nayun kiyae naei ekate Yesusle abuakore yawaimiboke nebei hammaeban rabuhineban, neyae buhae hokowoumi ro helem miyae helem here ruka yae hainyamile belene ²⁷ Nebei bee Petrusle Yohanes le yawaimiboke mekate Sanhedrin bene mo imam kaban mae nare a hinewoumi, ²⁸ A uwgomi, ''Meyae mare a elaekaiseleyae uka yebe mare hee nekayambe nebeiroyae ro miyae re benen ekeleijae, nebeibe mayae Yerusalem ne nahibimo kelaeumi mai mekai haraunge nebei role ha maei randeyae hayaeume ehee bukulure meyae kaemabondere.'' ²⁹ Nebeibe Petrus naei holona bele waimi ''Meyae Allah le are be boromale mokomale ro naei miyae naei a yabam. ³⁰ Maei yobenaei kamahenaei te Allah, Yesus wali ondofolore waleungeboke, mayae hauboke ofale ranne baukoke. ³¹ Allah nare anuwau nabumana hele kiyaene haungeboke na meube menei mana neyae beyum beyebaere hebele nanewanem wali ondofolore yeuboke nebei wanemmae Israel ro miyae isaeinyate nulu kenaimile uwga olomonate na beko bako mokayeke kuyemile. ³² Mana meyae nda neyae nebei a faeufe leuko huwekore komalere nebei hului mbai Roh Kudus Allah yae ro miyae nare nahele yae elaikoke yore naei waline nemene kiteumiboke.'' ³³ Nebeinyo a elowote aenggaei boroikokeranaei kena eisa ikele hele kowate naei merau kolowainye nebei Yesusle abu akore honai kondere ayae elewate. ³⁴ Nebeibe, Farisina ro mbai naro Gamaliel, namerau isaei hebam bele kiyae Allah wali heere folokoke re isae yeukoke ro, nare ro miyae hubara haeisa yananyeke, Sanderin bene angukemo weumi, nebei robee yaungamibonde moiseyau enai belendere nebeisa nebei bee yawamiboke moiseyae aibaleke. ³⁵ Meuweke nebei yun-yun nekewatere a uwgoumi, ''Hai orang-orang Israel, nanenda me u mokombombere elaube ubenfoi hayaeukokera nda ro beere mokomibombere. ³⁶ Rabuhine, ban ya moise-moise hayaendekoke ne, Teudas naeimerau, meke naeiuwga ³⁷ Teudas moisa benen Yudas Galileanaro benen aunguke nebei rome miyae mere nulewate heeyae naei merau romiyae helem hele nare hakowainye nane hului mbai nare haiboke, nane ro helem miyae helm hakowainye yo nemene fomene hereware weuboke. ³⁸ Nebeinye reyae Mare a huwe roramale nenda meu mayae omokoija felandeyae nda ro miyae waemihimbe enate erabuhinebam nda mehin mewalo kolounge, ro naei miyae naei sana, nebei nemene nahului ban yembonde. ³⁹ Wa Allahle re nda huli manda, nanewanem Allah yae marau raufikena mayae mahunde araisi hului, mayae naei yokei jore yaeuboke.'' ⁴⁰ Nebeinye Gamaliel. yae elukoke ane hakaikoke, eleukoke a ne hakaikoke nebeisa nane Yesusle abu ako beeremo kaenaeimi koke meke, erahuwaeremo baikoke benen ukaimile, hee nekaimile nebei abu ako bee Yesusle ro yae romiyae re benen ehuweijaei. ⁴¹ Nebeinye nanehokolo bee sanhedrin bera awote, reija maijae koyeke, erabuhine bam Yesusle aerene nda ehe bukulu hubainye. ⁴² Nebei wanemne nayane baei Allahle eimom-mom imaene, nawanem imaera-imaere npban heban injil Yesusle akofaeuke kelewaimi ayaka uwgaimile Yesus Kristus nayae wali ondofolo hele.