( Ro Maehae Mbai Mehine Bee Elaekoke Hakonaimile Naei ) ¹ Mai Nekekokemo, Yesusle abu akore romiyae helem hele barai meke, nebei nolone riliboyae alomoyae helem hele bewate yakawate Helenis romiyae yae Ibrani romiyae re a uwgaimile rabuhi ban naei miyae nannalere eraman wahaemi hee mate nebei yore hesoyaimi nayane baei nebei wanemae mokowaimile. ² Nebeinye, Yesusle abu ako mebee oron bee belle naei homo ne hakaikoke orowate yore nemene arilaimi hike a uwgaimile, ''Namam banhele eyaemo akai-kai bomakonde mokomalere aei kaliya Tuhan be naei kayero nukemabonde hononde. ³ Nebeinye, akanaei baeke naei ro maehae mbai mehin bee bele mai nolona elemakonde nebei ro nawalifoi, Roh Kudus yae ei anebonde isaei hebaem bele kiyae, nda kaliare mokonatere. ⁴ Nebei wanemae meyae maei kalia keyare mo be halemambonde ebeliremo bomande, nanemerau naei akofaeuko kelemile romiyae helende. ⁵ Nebei adaikoke bae romiyae nemene nakenara foi sele hubawainye nebeinye ro elaeikoke Stefanus, ro mbai nahalia rabo elaekeise Roh Kudus, yae mae-mae kolikoke, Filipus, Prokhorus, Nikanor,Timon, Parmenas, Nikolaus, Antiokhia na ro Yahudi naei holoneewaufike. ⁶ Nebei ro maehae mbai me hine bee bele yawaimiboke Yesus le abu ako naei bokore mekate ebeli bainyahike ramo Yesusle abo ako nda ro maehae mbai mehine bee naei yunranne me kolaimikoke. ⁷ Allahle akofaeuko nahibi hurewole nalewole. Yerusalem yo na nebei holona yo helem hila rabo bele yaei boke nabei holone maibaraikoke. ( Stefanus ikelaiboke ) ⁸ Stefanus Allahle naea kiteungeboke ro, nebeinye ro miyae helem nolone rambun emere-emere roko helem mokowole. ⁹ Nebei be libertini na ro miyae, kirene ro miyae Aleksandria, ra nahiwa yo kikilia ra Asia, ra bele mekate Stevanus naei akuwanem yeuboke naeise-naeise kilewate. ¹⁰ Nebei be Nahului bam nda holona ro Stefanus re heraungaib ondere rabuhine bam neyae Roh yae lea hara bowounge randa a elewole. ¹¹ Nebei wanene bae nane holona ro ekate kelai nibi be balekate ro miyae hiwa yore a moi-moi mokai mikoke na elenaikonde ma harai miboke'' Meyae maei anggaei jae borowanele nda ro, Musa le, Allahle naei rore nabeko helebe mokoumile!'' ¹² Nebei nibi yae nda yo mokaiboke mekate Yahudi yun-yun nane wam Musale walora wali hee foloukoke isae yaeiboke yobele mekate Stefanusre ikeleuboke yawanyehoke Sanherin bokore ekate. ¹³ Nebei romiya yawamiboke ewate yo a ahele bam yo amokoise mokate yo nawali ame-ame yae mae-mae koumikoke mekate elate nda ro no eyeiboi awe we aei anwau yoyolo honole re bele Taurat re bele. ¹⁴ Nda ro naei fauw nemene maei anggaei jae borandekoke. neyae elele Yesus Nazaret na ro nda anuwau mende nanemeno rubonde kalande horobonde hoime bahe aei man Musale walora ikeume hubara haeisa yanneyanele kayae belehobenggonde bansonde. ¹⁵ Nebeisa, nane ro miyae Sanhenrin nekateyo Stefanusle, be yoibe erainye bae malaekat naei be ma yoima yae erainyele.