Yesus Imu Sarabekefer Rario ¹ Ndo was beberia rfasos konma rkofafiai mare suarepem faro bebabuosia kon insa ndia kofararur suaruser bebrin awer ndo borpon kma benakondia .Iria Yesus Kristus bena sasrendiaria snori. ² Mbape ndo wos aire ribe Mansren manggundi rirkraf aina-mbefarsasernberandak ina befarasparkon ndosasar waruer ma barbor kofararur ma bem nisba ro borpon mansren. ³ Farkakor rime rkofafiai marokon mboror insa ndo kanggon mbararan yoser yoser auna ruir nafaro mansren manggundi. ⁴ Faro snonggusia kon kobe kon mu kofir mansren mbape kofir farari farkakor ainia baria,befir nda riari snonggu besararer sikon isof babie sasuar airia risia ro kon mba. ⁵ Ndo was mansren aire rfayamaro kawasa mansren aisia mbo ribe, sei benaf wos aire mbo bebe farariri ina sasuar mansren airia rkom ma rous au. ⁶ Snonggu Sei au, bebe bekondo mansren brana ria ina bie ator kenem airia ndo,rosnon Yesus. ⁷ Naik ma srar ayasya mkon, ndo wos mansren auria rfaya roba rkofafiai marokon ndo muma berakuar wara. ⁸ Ayaso apir fakako babuo faro mkon,muna bemnis ndo borpon mansren marokon, ndariari fnurewdia tisuara kuar mbo beyam dia ri bebe asif marokon. Ndo babe yoser akendia. ⁹ Ribre wer mbo ribe sei au wabe kuondo beyardia mbape wasia wamsor min auria ma wayini wasia imim ndo fnurewdia. ¹⁰ Waswar nim auria, insa sasuar mansren aria risio kukerau. ¹¹ Sei wasi wamsor naik auria befirau ndariari wasia ruoi fnuwerdia imim. ¹² Kofufiai rine yabre ri faro kawasa roba ronkun ayasia mkon ndo-waruer, babor kofararur nya Yesus kere na ro borpon kmari. ¹³ Wos mansren aire rfayari marokondo riandikior.Berandak farokmadia kon snar komani kofiri kwar bebe nuru faro,bebabuosia kon,snarfnurewdi kobubur di kusar. Bemu nuser dia faro romkun mkurursia Yesus iswarsi ma bie berkatsi. ¹⁴ Be munuser-wos aire rsobardi nboye rfasus kmadia kukur bebabuosia konsnar rur mansren airia risya kuker kore ndo rasde be ras berama nya. ¹⁵ Berandak, kosandik dunia ro famanggor bero duniadefaniaba snar ribreri wer mbo riwe, sei au wasuar sopderia, Mansren ina firauba. ¹⁶ Mbape famanggor bero sopde burinia ndo armomen akonia-nro suaruser bebrin muna berokon. ¹⁷ Ndo sopde buori ina ras os ina rimio menkuker mbriken ariria, mbape ndo snonggu syakon,seiau bekiari ina sasuar ma babie airi rkon suai. ¹⁸ Koman maro rasbabuone, ribre marokon ndo ras bera nuara-smar ndo fakako mansren ainia farokon dari ri, ndo ras befanam, mansren yosi riama rokon. ¹⁹ Komnaf ina ras bekuamba, mbo ina nobese srama kuker kraf benis yaye-mabape ina ras siburdi ina kofir siba. ²⁰ Kofafiai bero wos aire ria ribe. Ndo raskiam mansren mbeso wos aire mu wos kaku riria. ²¹ Manggundi ibre fasmariro wos aire mbo ibe kofur babieria risyefer ma rfandus kondu eok rurdio ndo Yesus. ²² Sei isararer ndo borpon kawasa mansren aisia-mansren manggundi iso firsnonggu iyaba. ²³ Faro sei au befrakrur Yesus, ina mansren kmari firauba mbape sei au wakiari ndo borpon kanari kiarmau. ²⁴ Romna befasos kondo wos airia. Mbape sofaro romna wamnaf ndo wosdia, nakiam ne robian bekenem ndo rosnon Allah. ²⁵ Ndo fakakorine bieri maro kon ndo kenem inabekon isof fioro. ²⁶ Wosde rfaya marokon ma rfas na farari kawasa bekondo armom ndia sia. ²⁷ & ²⁸ Mansren fiasos konda riari,kakiar yoser yoser auri faro Yesus. ²⁹ Kofir ndo karkor airia ribe imu snonggu besren ndo ria rir babie sasuar ruainya faro kondo rosnon. Allah kma ainggondia ro nanggi Yesus Kristus romkum snan auria, ma ainggodia au Ma papok ndo rurbesrendia.