(Piwehinontarai Ne Taronaro Puria We Sen Tei Rimawane) ¹ Pura mata ingkai hawetei tarimawane mama hiwanewo ingkai ko wemarawa . ² Tutu ingkai hinontarai nehi saneho manta hinetarai mahisanewe doi mahirai hahari mahira panding hiorie mahiauka kahihi nontarai ma tarah tamani hinani huruwa, ma tato wemihyengpe hawa mahiunawa. ³ Ma iwo song bi hyengba ma iwo kirarai sadaweirima suangbe eha sadaiweri eiwa, ma kirarapi wewihyeng bau. ⁴ Song kangkahi hinontarai, sarari hinontarai sapa randini matanewepe we marawa wau wa ruhu hanehoSen Allai, ⁵ Tandehomo ma hiwa menasapa randineiro wawong minandawaru wetarane hionie. ⁶ Tutu rora hiorumo hinontarai wehisua aihihirama hirong parare Jemaati me tei hisanyiu kong wawing bau hioku we himpayawa ma hirong na keahima imbaro sasari wekiro wawarema kio hioruto hioruto we marawa, ma hindahisane koungko hioru. ⁷ Wawing be tora nenehioruwo hirahyau, mena hindahi ma hirompari anyauwawe sowauwa. ⁸ Rawau parariape Yanes kong Yambres wehin taraho Musa-i wa, topeampa na ne hioru tato wemahinewa, rawaumo henju kami wane mahi watoma hisane rarong payawa. ⁹ Menahioru wo hani hindore woroi watofu tu tata we hirona wane piatan dehoto, ingkai himparariampe hintarai rane huru. ¹⁰ Mena mintoru wo pia minai taraho tato anyau we ipaneta ma irokong mintorune, topeno ma hanou wa raronma yonanuha mintoru ma hanouho mintoru ma roro payane. ¹¹ Parar wewe marawe yarta ro Antiokhia, Ikonium, kong Listra pie, Mena yoha maitui roro wemanwa yampapa, ma senpia pika yau waruhie piampapa kuirapa. ¹² Impaena itato taraito peno kawasa tau tantenang we hisera wewihyeng pa kon Yesus mo, ingkai hirariu marawa. ¹³ Ma hinontarai mamu mawan hioruma we hirai hia haraeing kai mambara weinapa ma hisane tatua hopa. ¹⁴ Mena minto rowo minanda topong roro pi pa nahae pia minta ranyauana minai doa hopa, tutu piam mina saneaho rorone hine mamatei mintoru ma mintara nyaupeno. ¹⁵ Parare minamo mapa mo pia minde ho weraung mamarang heito sonama wuhyengpa ma we rari sing wanepa, rora nanemu rororng we paya we Yesus Kristusi. ¹⁶ Werawing mamarangnei kuiramo Sen Allai soyahoi kuira ma wihyengwe taranyau rorou, imbaro sanyawa we wemahiwapa, ma sanya rom sanyau wewi hyengpa. ¹⁷ Topeampa, hinontaraiwe Allai hinoloa hoi pa hiororie ingkai sariuta mahane wayang ro piwe so na yampapa.