¹ Tope ampa, romawapau puaya ro Yesus Kristusi. ² Pipahahae minantara hopa ma ye hara saksi taupa hioru we hioru tato mohi rona we hinontarai we tei hinduma hirong pararia mahirentanyau eha hioru tatu. ³ Kionta sariu wemarawa parari Prajuriti ro Yesus Kristusi we senanuhara. ⁴ Wohani Prajuriti pehi sengtarai pai rioro wemarawanewa roropiwo sona wanewa imbaro sariuwe wihyeng kong ne komandani wanei. ⁵ Tepeampa tato hinon taraiwe hinyiu bar wanei ingkai sarimpiane hawa, tei hinyui parari anyau wane towanewa. ⁶ Hinontarai romipehi we riupi kankuna wanei ingkai sampi rone hawinag wa ne pampong. ⁷ Hanemu tatuata manuharei ho piwe ipa ranene wo ingkai sesoyaho au ro rinanunung wai ro pipa nahaena muna. ⁸ Hane moaho Kristusi Yesusi, we pia tiwaharo rakaiririapa rarong ro Daud tapung parari we yarari we auro weraung mamarang heipa. ⁹ We sona yariu wemarawa ma iroro mandarong be rorang pararia pe hinontarai manuna mena weraungma marang neiwo isubi kepaneiwa. ¹⁰ Topeampa ipawe au roro pipa mahaenamna we, kawa ta we Sen Allai pia sirihioru imbaro hioru tato mararising wero ro Yesus Kristusi kong we hyengma mamarang wakea woroi-woroi. ¹¹ Tato rane wetarai. "Impaena tei tangkaraia kontei, mo ingkai tambihyeng kontei muna. ¹² Tei tandu kepa maitui, ingkai tantato kontei metei taraintotagiwiaiwa mo ingkai saito hiwiai tato ruwa. ¹³ Matei tampa nanuhareiwa wape iwo pinangnuha tatoru, tutu iwo hiera netaraiwa neiwa. ("Tarong Piwe Kio Mararising We Sen Allai) ¹⁴ Minampa weroang pirane we hiorur Sen Allai aropong imbaro miwawate ho mintatoa ro minasua pampe tutu toame ingkai marawamaingkai sona ma hinontarai pa hinta terape. ¹⁵ Mintarona wewi hyengpa imba romi mintarong minane taraipa mamitare somya wei roro we wi hyeng ro Sen Allai aropong parari we hirengpi ma himamaya wa, ma we pi hiranyau tato we mahi ma we pi hiranyau tato we mahi ma we wihyang. ¹⁶ Mewa ingkai minangki tato we mara wa we tarai wapa we ai sena tutu rawauae ingkai kio auto wewihyengbo me ingkai wariu we marawanepa. ¹⁷ Touto hinempa ingkai hakowi pararih huhi ganareb rorohio romo Himeneus kong Filetus, ¹⁸ Wihyeng ranene, me hurainto we wihyengpa ramaneto ma hurana kawasa harerangpa wihihi hyei. ¹⁹ Mena Allai wewingkya samangwe maitui we saha payaro matenai ranei Senpia rehoto ma teiti rio konteipa, ma mateiti ria piya itanom papa sonama pika wemarawapa. ²⁰ Roro manu rarong we wihyeng we nekai ariu piwe ambaweria parari emako parari emas kong perak wa, wo ra ai tato kong kakopa weria meha hironae hinde homowihyeng me haeno mara wa pa. ²¹ Topeam pa, mateiti soariri piwe roro manu raro ma ariu we wihyeng we ne tuangne rama wanema wihyengpa. ²² Kui hahe muwai rarong we marawa we parari romawa waworu me huerap we pitarai wane mahanemu rarongpaya, mawona nuhurapa wewihyempa wa ta kontau kon hinontarai we hisaha Sen hanompa ro hisanewai rarong we wihyeng. ²³ Rua waruhu tato wewe marawapa ro hinontarai wetatapa hinuma hisane tatu we mahi pehawa, tu rawaumo ko anatu marawa ma kotata. ²⁴ Wo wehiau hanong wane iwo hani to papayawa me hane rarong wi hyeing we matei muna, ma tipira ma Sen sanyau ma hindung hanewai rarong pai. ²⁵ Mepuang nanu hara we hahe kahe hia au, yampai, ingkai Sen Allai mantau ing kaisoyaho hisa wai rarohpa imbaro mi hima rori wurayang wei hyeng wanea. ²⁶ Imbaro hima rore mahmpika hiruhio waruhu pimaiti pi we pua kio hiorua sanyau hoirure ro yang we ma rawa.