(We Piboki Paiwe Timotius) ¹ Roro Paulusi we Rasuli ro Yesus Kristusi we wesen Allai sirie, parari piwe himpama imbaro tambihyeng ro Yesus Kristusi. ² We Timotius, si au romawa wetasaneho roro wemararising ma wepiboki, roro Sen Allai yai Yesus Kristusi. (Tato We Imbaro Minambu Wu Weraung Mamarang nei Rampang) ³ Yau yewara ro hane mahiwe Sen Allai ro ha nou rarong wepitarai mamarang parariwe we paituang ma apusi hironapa raro hawe we sambayang rorowi rieha tutura. ⁴ Tutu hanouaho rengkarupa, unpaena haho u we irouho ou ro hanaurarong we mararising. ⁵ Ihorauroro hane wairarong wewihyeng, we we pampong peno ruoko tapumu Lois, ma hinaniu Eunike, mahanou sara ma ingkai iro ko minto ru tato. ⁶ Tutu rane aesona mo, utato kepana we ane imbaro rua wanyau pampang ro piwe Allai sona ma wa kontapa roro waraune torawei naupa. ⁷ Tutu, Allai wo song wetama taiwa, wawo song wesona tampaya wetarorong wihyengma tampaya. ⁸ Wetarorong wihyengma tampaya impaena remuho mumaya mahu hausenhanongpape ina konyau wewe roro buina yau, menarawa umo rope payai wero Sen Allai ma riu wemara wanepa tutu weraung mamarang neibi, wemarawaumo Sen Allai ne payapa minta rariu wemara wane kontei. ⁹ Anti sonatambi hyeng pa ma hihau tatoruro we we mamarangpa tutu yampa mo tare tarona pawa yampamo tutu piwe hanetatu atama soya hopa ro mantauni wewe mantau sona we tatorupa Yesus Kristusi roro nunei wamipa. ¹⁰ Interi ninemo pirane pia wataro tanetarai ma tande horo ro retenang Yesus Kristusi we pia pirikairi ampai masong wewihyengpa kong anyauwe watakea woro-woroi ro newaraung mamarang nei. ¹¹ Roro weraung mamarang neite sona hintuba tate yauwe hinontarai we tato ma we Rasul ma we kuru. ¹² Pirawau aesona yairiu wemawawau ro ha ranehupamena, yanwo ima ma yawa tutu hanou tatitlamo ingkai we hanou sarie wanei ima iroa hoi wanei ingkai sa wata yau ro piwe sonama wakong nyau ke ao rantaiho hawe rama wane. ¹³ Rekepang anyau wewihyeng we we yararia we minto rupat roro minasane wai rarong ma wero ro Yesus Kristusi. ¹⁴ Ro ro rinainunung mamarang we riobong tatoru ma wona nuha piwesang awayang ta riai we sonema wiata kontau yam pei. ¹⁵ Pia minandeho to roro.Asia pia hinda waru yauto, rorohio rumo Figelus kong Hermogenosi. ¹⁶ Yampa tarewara waro Sen Seng wewe hyeng peha ma soyaho manda rang onesi forusi i tutu iwo sona hanourarong wihyeng ma iwo mimayawa tutu anyau we yonane. ¹⁷ Ma raho Roma wau mo hyera kangkunnyau ma sariu yau. ¹⁸ Yewara Sen mihoi kontei imbaro sariu wewihyengparo Sen ro hayampai parari piwe mantau minan dehoto hitarai tau we hirangyau pia song hioru we yauto Efesus.