(Ap Walowak Esewerek mene nen apuni Lewi mene inetage suesika oba holal palogo hisukwa wene) ¹ It inebe yire Walowak esewerek mene nen apuni Lewi mene inapoke waukwasik Zerubabel Sealtiel nen Yesua inom omaket welaukwa: Seraya, Yermia, Ezra, ² Amarya, Malukh, Hatus, ³ Sekhanya,Rehum, Meremot, ⁴ Ido, Ginetoi, Abia, ⁵ Miyamin, Maaja, Bilga, ⁶ Semaya, Yayarib, Yedaya, ⁷ Amok, Hilkia, nen Yedaya, ⁸ It apuni Lewi mene inebe re: Yesua, Binui, Kadmiel, Serebya, Yehuda, nen Matanya nen hano hanisek werek iluk etai watuke hagasek welaukwa. ⁹ Bakbukya nen Uni, at ayalak, it inelanem melarik yabu wogosasukwa mene higit hogo halelaukwa. ¹⁰ Yesua nen Yoyakim tatike, nen Yoyakim nen Elyasib tatike, nen Elyasib nen Yoyada tatike. ¹¹ Yoyada nen Yonatan tatike, nen Yonatan nen yadua tatike. ¹² At Yoyakim werek oba, Walowak esewerek hagalaike re ap en uguloak hagalaukwa: Seraya nen, Meraya; Yeremia nen Hananya; ¹³ Ezra nen, Mesulam; Amarya nen, Yohanan; ¹⁴ Melikhu nen, Yonatan; Sebanya nen; Yusuf; ¹⁵ Harim nen Adna; Merayot nen Helkia; ¹⁶ Ido nen; Zakharia; ukuloak Gineton atiba re Mesulam; ¹⁷ Abia nen, Zikhri; Minyamin nen Moaja, Piltai ¹⁸ Bilga, Samua; Semaya nen, Yonatan; ¹⁹ Yoyarib, Matnai; Yeyada nen, Uzi; ²⁰ Salai nen, Kalai; Amok nen, Heber; ²¹ Ukuloak Helkia hagalaike, Hasabya; Hilkia nen, Hasabya; Yeyada nen, Nethanel. ²² At Elyasib werek oba, Yoyada, nen Yadua, apuni Lewi mene inetage ukuloak apuni it mene hesik hagalaukwa mene inetage suesika oba holal palukwa. Anogoba nen ake ap Walowak Esewerek Darius ebe Persia mene nen awema hagasek welaike. ²³ Ap ukuloak it apuni Lewi mene nen tagomake hagarik wagalaukwa mene inebe suesika oba holal palukwa ati huli at Yohanan aput Elyasib welaike. ²⁴ Ap ukuluak inougi kantek Lewi mene inebe welauwa re Hasabya, Serebya, nen it inayalak inebe it inelokoma melaukwa, atire etai watik nen hai watik usak iluk, at Daud, Ninopase Walowak atitigeke, en ane isike higit hogo inebe esa holek ineraluke lopok arik laukwa. ²⁵ At Matanya, Bakbukya, Obaja, Mesulam, nen Akub it ati inebe re kwe apeba jaga welagik yimene timene hegarek oba a'la ake obogat kwe ape ba welaukwa. ²⁶ It inebe atire yabu alebat he' at Yoyakim Yesua werek oba halelaukwa, Yesua Yozadak aput, nen alebat Gubernur Nehimia werekma nen Ezra mel welaukwa, Walowak esewerek nen suesika Hano wene palek awirugi inelu welaukwa ati. O Yerusalem leget wutugasik kwe hurogo hisukwa wene (Yerusalem leget halukwasik kwe hurogo hisukwa wene) ²⁷ Ineki ake oba O Yerusalem leget wuruk kwe hurogo hisukwa like, it en apuni Lewi mene inebe obogat lapukogo welaukwa ke lopok it en herageinabik laukwasik it en o Yerusalem hesik inala hai oba kwe hutukwa, Atire hai watik nen etai watik, ake ceracap oba hagoratik, gambus oba hogoratik, nen Kecapi oba hogoratukwa. ²⁸ It ap etai watarek mene nen tagomake mene inebe obogat lapukogo atogotukwasik en o Yerusalem eraluke mene ake inomat o sili hamulutek ke apuni Netofa, ²⁹ O Bet-Gilgal mene, ake o leimo Geba mene nen Asmawet. Nen, ap etai watarek mene ati nen o sili magatek ke o Yerusalem eraluke o wurik laukwa. ³⁰ It ap Walowak esewerek mene mel nen apuni Lewi mene nen it inekawerek en inebe tegelogo hilik welaukwa, apuni inebe ake tegelogo hisigik, nen kwe ape palek obake ake leget wurik obake tegelogo hilik laukwa. ³¹ An nen, ap kaintek Yehuda mene inebe legek wurik opoloba ke lagini iluk yogosasi nen etai wasusak oba inebe esa pire holukasik en ineki auak halogo huko rogoat etai watukwa. Esa omaket ake leget wurik opoloba ineki eboke agit, kwe ape palek eloke weak mene hagarek akit welaukwa. ³² Hosaya nen inebe hamulugat ake ap kaintek ukuluak Yehuda mene it inapona laukwa. ³³ Anogoba nen Azarya, Ezra, Mesulam laukwa, ³⁴ Yehuda, Benyamin, Semaya, nen Yeremia laukwa, ³⁵ Nen it Walowak esewerek en tagomake mene Pikon Nafiri inekim wanukwa: Zakharia Yonatan aput, Semaya aput, Matanya aput, Mikha aput, Zakur aput Asaf, ³⁶ Nen it inayalak he, Semaya, Azareel, Milalai, Gilalai, Maai, Netaneel, Yehuda, nen Hanani, Daud, Ninopase Walowak atitigeke apikon watelaike mene inekim wolok laukwa. Ezra, Hano wene palek awirugi elu mene, ebe alep agi it inelokoma laike. ³⁷ Kwe i elesimo ape palek oba, it inebe kwe lel pelarek obake nen o Daud awi silimo lagesukwa, leget wurik uan akit he, opoloba Daud awi wurik en pikit kwe i elasi ape palek oba nen ebel heta mo eil yegelogo liaiagarek oba huli. ³⁸ Etai ineki auak halelogolik wasusak oba ake hobuk lagakogo mene ineki peike akit welaukwa, An ninom apuni inebe hamulugat ake inomat en it inopolik leget wurik opoloba ke lagagu, atuli etu amilok laikerek oba ke nen pikit he leget sabia wurik oba lagagu. ³⁹ Nen, kwe ape palek Efraim opoloba, kwe ape palek alep mene oba, kwe ikan ape palek, atuli telik Hananeel, nen atuli telik Mea oba nen pikit kwe wam domba oba. It en kwe ape palek'ma jage welaikarek oba nen kamoisukwa. ⁴⁰ Atiba nen lagakogo, etai watarek mene inebe esa pire ati Ninopase Walowak awi wurik oba melaukwa. Anogo nen an apuni hetagit o sili atoma integate werek welaikarek mene an ninom welagagu, ⁴¹ Nen ap Walowak esewerek mene, Elyakim, Maaseya, Minyamin, Mikha, Elyonai, Zakharia, nen Hananya, it ati pikon nafiri hago welaukwa, ⁴² Nen Maaseya, Semaya, Eleazar, Uzi, Yohanan, Malkia, Elam, nen Ezer. Etai watarek mene ati at Yizrahya nen hagasek welaike. ⁴³ Ineki ake atiba, it en okawerek hesik inagarok hukoat mene nen inala hai apik aikelogolik Ninopase Walowak en hano halogo hinike 'iluk inala hai huko mene agasukwa. Hemi nen yekerugi hogo o Yerusalem en inasuk holukwa mene walegat pikit laike. (Ap Walowak Esewerek mene nen apuni Lewi mene yabu halenem ineki oko wogosigilogousak hesik halogo hisukwa wene) ⁴⁴ Ineki ake atiba re, apuni nen yimene-timene higilogousak hesik jage logousak oba arat halogo hisukwa, eken alep agik palugun mene, okawerek hesik alikmo at husak, nen alep agik mene natogorogo wene alep musa nen palike mene higit hogo ap Walowak esewerek mene agik nen apuni Lewi mene nen yabu o sili lopok halarek higit hogo wolok o sekelekma ati waganogo hikusak. Nen ap Walowak Esewerek mene nen apuni Lewi mene yabu halelaukwa ati nen apuni Yehuda mene inala hai apik aike. ⁴⁵ Nen, it yabu haluagaluk wogosasukwa mene Ninopase Walowak hesik higt hogo halelogolik nen yabu tegelek hano halelaukwa, ap etai egarek mene inomat nen ap kwe oba jage logousak oba at Daud nen aput Salomo eperak en isukwa haga halelaukwa. ⁴⁶ Nen, Daud welaike huli nen Asaf huli atiba re, ukuloak ap etai watarek mene welaukwa, nen Ninopase Walowak en hano hanisek werek iluk hogoratarek mene obgat welaukwa. ⁴⁷ At Zerubabel werek oba nen Nehimia huli, apuni Israel mene inebe obogat en etai watarek mene mel kwe ape oba jaga welaikarek mene hesik ineki oko atogorogo wogosasukwa. It en hogore okawerek hesik tegelek hono mene apuni Lewi mene wogosasukwa, nen apuni Lewi mene nen okawerek hesik tegelek hano mene Harun nen tagomake mene wogosasukwa. ''iluk isike.