YAKUB NEN PENYAMIN O MESIT LOAK ILUK ISIKE WENE ¹ O kanaan supuruk no apik mene aike. ² Supuruk gandum Mesit nen wolok waukwa mene arat lek aikomore, 'Yakub nen aginapuri yogosikilogolik,'' supuruk hubuk o Mesit ake oko wanilani. ³ Yehuda nen opase yogotelogolik, "Ap eke nen yogonisiki logolik, hit hinagot ati wolok an noba wagep lek halok, hit an hineleken hanugun lek o. ⁴ hat nen Benyamin nit ninom lani egen halok, supuruk gandum ati nit nonom oko wanilogon. ⁵ Ap ati nen hit hinagot ati wolok wagilek halok, an hit hineloken ake neleken hikegen lek nen hinom wagep halok enak he elek iluk ikesikmo re, hat nen penyamin hinom logon lek egen halok he, nit hogo logon lek at." ⁶ Israel igilogolik, "Nahalok en, an noba ekin pegin weak mene higilogolik, nit ninagot ake werek iluk at inoe kain etage pogot ati yokotep nogo?" ⁷ It nen agigilogolik, at ap ati nen etawi ba nit ninebe welagorek mene higit hogo ike. At nen hinok wane,' hit hinopase eluk werek a? Hinayalak ato oma werek a? Nit en at ike mene nak yogoto.nit nen ebeto hit hinagot ati an noba wolok weno iluk igin lek agogoma!'' ⁸ Nen, Yehuda Israel, opase yogotilogolik, "Benyamin hake at neperak nen hit elok arat mesit lani, nen nit nineluk logosak mea arat walasusak, nit, hat nen ninebe helelong hogo. ⁹ Nen, at ati ninapoke wolok wagilek halok, at ebe tegelek logegin ati anat noba, at ebe abit anat noba, at hebiluk wesigin a? Wolok hat hoba wesigin ati an wene ukum noba logouwak o. ¹⁰ Nit ati ba hat nen lani,egen ma nit nineki pire ba nikilogusak mene wanilagosik wolok wago. ¹¹ Nen it inopase nen igilogolik, "Nen at penyamin hinom logon halok, at inoe kain etage pogot wogesugun mene ake wolok at hesik lasak. we nit yoma werek mene ake madu, kacang kenari, badam eken, kemenyam, nen mur at hesik, 'iluk wanukwa. ¹² Yiba, eka pire ba lapulik mene wolok lani, eka ebalep mene oko hisigi mene, hubuk wogikasike. We at kain inoe etage pogot ati kime agama. ¹³ Hubuk Penyamin, ap ati ba wolok lani. ¹⁴ An nen hit inoe kain etage werek ati hinom apiasuagip iluk hit hesik ninopase Etage pogot Walhowak oane wogisoak en iluk wesa igin. An wesa ake igin yi re, naginapuri penyamin nen simeon at heraksikenem hobuk inapotke tegelek wesuak en. An naninapuri ake inebe lek asumo mea. ¹⁵ Ati nen, ap inoe kain etage werek anogo wogosuok geluk yi'mene ti'mene wolok waukwa. Nen it eka lagakogo pire ba nen ebalep ake, nen hubuk ake Benyamin ougi inom mesit laukwa. (YUSUF AYALAK AT AUA LAUKWA WENE) ¹⁶ Yusuf eleken hasike penyamin it inom werekma, at en it ayabu halilaukwa mene yogosilik, ap aroma an oma wogisek weno, wirik wam eak ake warogo isano. it likene an ninom supuruk nogon.'' ¹⁷ At eyabu hagaterek mene a'nogo ane isike higit hogoat halike. at nen wogisek Yusuf aua laike. ¹⁸ It Yusuf aua laukasik at nen nikinogo yogonisegen iluk inayuk apik aikesik. "Nit o yi wonisek waika yi re, ineki akeba eka nit ninasula hubuk kalega a'nogo nen wene eken ninoba hegasik nit ninom yabik, ninako keledai hinatik it mene ineyabu haluke agik ugun higi, iluk agasuka. ¹⁹ Yusuf eyabu hagaterek mene inoe kain ane holukwa. ²⁰ it nen igilogolik, 'ninoe, nit wene ake ugun. Nit alep agik wago a'nogo, nit wago re nasak mene oko wanuok iluk wago. ²¹ luok iluk laga logolik nit ninasula hitogo hak he, eka ala kalek werekma. Nen nit eka sula werekma ninoake palaga ja nikino hagala, eka amonogo nit hobuk wolok wago yi. Nen yogotak nit eka apigat oko palogo wanusak oba halaga.'' ²² (43: 21) ²³ Ati nogo meneat, eyabu helarek mene a'nogo nen, "Hayugagn; 'Walhowak nen anat o, Walhowak hinopase Anat o, we eka ati sula kalama ati an nen wokesuhagat o. an nala eberek welagi, hit an oko panapigip ake ba Gandum oba akigi.'' Nen eyabu halilaike mene a'nogo nen simeon hele warek werekma hikalogo wulabiwa agagigi. ²⁴ At eyabu halerek mene a'nogo nen wogisek Yusuf aua wogisek i wogisik, inesok eloken soalik, isikesik at nen supuruk keledai amono wogotike. ²⁵ It inasuk holuka Yusuf supuruk it inom omakima nogon iluk, it yabu hamulugat mene haluluk kok hano mene Yusuf wogotukwa. ²⁶ Yusuf waikomo, ougi inebe somak hogo keangma hogoratukasik it mene hano mene wolok lauga amonogo at wogotukwa. ²⁷ Yusuf en hit wagep ke wene re, iluk hinok woginapike. Ati nen 'at nen igilogolik, ''Hit hinopase noginogo werek arat yaman aga. 'Hit ake yogoni ta.' At he walaga eluk werek ebe oba ou lek a?" ²⁸ Nen at nen igilogolik, "Wai ninoe, ninopase re oba eluk werek.'' Nen it hobuk Yusuf hagoratukwa. ²⁹ Nen at Yusuf ayalak eleken hisasike, Benyamin eberak inagosa omaket. Yusuf nen igilogolik, "At yire an nagot nopolik mene iluk egen anogo?" At Yusuf nen Benyamin yotelogolik, "Naput walhowak nen lebetiko motok logouwak!" ³⁰ Yusuf en Benyamin ebe yi iluk ala agasike, nayalak, an netabilak e, iluk ala nen le aike, atinen he at ala nen nayalak inelanem le asusak weak iluk agasike. Ati at alagat nogo ikerek oba laikesik leasi laike. ³¹ Nen, ''Yusuf eilamusu terogo huluk wulibiake, nen at ebe we lek-welek halike at nen igilogolik, "Supuruk nuok!'' ³² Yusuf supuruk nasak oba at eyabu halarek mene nen alimo halogo hesuka. Nen Yusuf ayalak nasak oba inalimo hisasike, nen it apuni mesit mene inalimo at hisasuka. Ati nen it apuni mesit mene nen ibrani men inom supuruk omakima nasak mea. Ati re it mesit mene inoa legirik wagarek ma inom nasak inabit. ³³ Yusuf ayalak e meya talek ma kewa hurek welagauka. It inala hai akikilogolik ineloke wut wut welauka. It inebe higit higit hularik wauka, it inebe talauka higit higit hularik wauka. ³⁴ It at eyabu halarek mene nen supuruk e meya talek Yusuf mene hapogogo wolok it werekma hibauka. Nen it ake lek nen Benyamin 5 huli erok apik wogotuka. It Yusuf inom supuruk nilik laga laugasik inebe selelong hogo sinuk hinako nilik hake aike.