¹ At Yakub esako holikerek o mesir enek he, supuruk oko palilugi iluk ikenem holikesik he, aren agaromi yogosiki logolik, " Hit he, nena halok hinoake palek welagep? ² O mesir re nek he supuruk werek iluk ikenem nasuk holiri'mo re, nit supuruk ouak en wa'lasi nogo nen he, o atomo lapik supuruk oko pali lani," iluk yogoisasike. ³ Yogoisasikomo, at Yusup ogogi agayalak inebe inomolo nen amanogo supuruk oko pali logon o iluk, o mesir lagaukwa. ⁴ At Penyamen Yusup agot inagosa omakeat mene anogo nek he, Yakub en hak'hesike. At inom lamo wene weak mene ake oa asinogo iluk yogoisasike ⁵ O kanaan aloma hogo supuruk ouak huko mene agaike mo, at Yakub againapuri inom apuni hunogoat mene inom o mesit supuruk oko pali wagaukwa. ⁶ Atem higit he, at Yusup anogo ebe kain kuperenut hagisek logolik. Apuni o keangma o yi awi ti awi owogat oko palik laga lagaukwama at Yusup ogogi amonogo hogo, wagaukwasik he, ineitep awi yagasogo a'ma soma iwagaukwa. ⁷ Wagau kama at Yusup anogo nen ogogi eileken enagat hurisasike, hurisasikesik iren huthani nogo iluk hagati lagaike. Ati hagatilogolik it ap amanogo inoba at oba haro rogo yogo isike logolik, "Hit hinebe koma nen wagep?" hinaua koma mene iluk hinok wogisasikomo, iren oko yogoti logolik, "Nit he o kanaan en, ninapuruk oko paluok iluk wago o iluk yogosukwa. ⁸ Atinogo isukama at Yusup en he, an nogogi amanogo higi iluk elu agaike. mene at he iren he at Yusup wongot hasukwa. ⁹ Ati'nogo hagati logolik at Yusup en he, it ogogi ati hesik awi hasike mene anogo a'la ewesikesik. It yogosikilogolik he, "Hit amare nit nauwa yoma niki nogo werek iluk hi neileken penesuok iluk wagep hisikilagi iluk yogoisasike." ¹⁰ Yogoisasikemo iren oko iki logolik, "Lek o ninoe nit hagoromi re supuruk oko paluok iluk wago. ¹¹ Nit ninewe omakeat tago ninopase omakeat. nithe nineileken penesuogeluk wago huk, we okoat paluok iluk wago,"iluk yogosukwa. ¹² Mene at he, at Yusup en iki logolik, "Lek u, hit he nit nauwa yoma hineileken wani wagep!" iluk yogoisasike. ¹³ Yogoisasikemo iren iki logolik, "Ninowe, nit ninewe re, ninopase omakeat mene kanaan againapuri nit ninopase omakeat mene nen nesako 12 en tago mene welago. Omakeat ake nek opase inom huluk wago, ake hageat walagikemo." ¹⁴ Ati'nogo yogosukwama at Yusup en iki logolik, "An nen yogohisigi anogo eweroat hit yire hineil peneninawik wagep o. ¹⁵ Anen ninoe Piraun eluk mene etage hopuk palogo igin. Akere hiren hinagot elawo mene wolok wesugun lek halok he, hit o yoma nen wiluwi wugun lek o, iluk an en hinoawut palhisikilagi. ¹⁶ Hit hinane egep ati higit hasigin a, lek asigin a iluk he, yoma hit hele warek hikamo werekolek he, ap hit mene hinagot ati wanilapik weno. Nen lek halok he, nopase kain Piraun etage hopuk palogo hit o yoma hi neil penerik wagep," iluk yogoisasike. ¹⁷ Ati nogo isikesik, it amanogo hele warogo hisagarek oba ineki hinagan welagaukwa. No Hagalaike Wene ¹⁸ Ineki hinagen welagaukwasik, at Yusup en yogoisiki logolik, "An nebe yi, Walowak nayuk hogo welagirek mene, an wene hinowa higin yi, higit halep halok he, hinewe hineluk at hele hika logo wulakhi kegen o, iluk yoisasike. ¹⁹ Nen, hiren ibi eberogoat egep ati hinelu asuagaluk hit ato re supuruk oko palep mene ati hinagoromi inagayalak inom supuruk nele logoinogo re wolok hinauwa lagakolek he, hit mene arem omakeat e'nek ake helewarogo hisagarek oba o yoma humo logogin. ²⁰ Helewarek werekolek wene hiren egep mene ati, enagat asuagaluk, hit hinagot elawo mene ati an nowa wolok wagep halok en nek he, an nen ewerogoat agama akegen," iluk yogoisasikemo. Iren iki logolik he, at kain nen ike ati ewerogoat ike mene atinek he hano ike akasukwa. ²¹ Atinogo ewesukwasik it arem nogo nen at ake nen at ake yogotik iki logolik, "Yogo ini niren alep ninagot en lewene ani iluk iko kolek ane holilek at a'la weagarogo hoganogo ilugun oba nit wene inoba hagalasigin higi akogo anogo nineki elugun oba ekin hiki lago ati," iluk isukwa. ²² At Urupen en agayalak yogo isiki logolik, "An en tak iki logolik yinogo tinogo ake hagasusak motok lek iluk yogohisigi lek nogo meneat he, hit he an nane wathesigip akigi. Yogotak nit ninagot wasugun iluk awok palogo anogo wa nen wene ninoa hili logo ari," iluk isike. ²³ Ati nogo ikenem at Yusup esako holi lagaike, ati nen he it ina'la nen he at Yusup ati nit ninane ikilago yoma holi logo lek hea iluk akiki lagaukwa meneat he, at Yusup en it yogoisoak uk it inane ukut inelumene nen yogoisoak iluk yoisiki lagaike. ²⁴ Ati nogo hagasukwasik, at Yusup anogo, it arem nogo heraksaluk, a'la yiluk maluk le asusak hake negen agaikomo lagagai kesiken he, howuk wagaikesik it amanogo hisaluk lagaikesik simon wolok wirik agaiyak lak inel oba hele wasike. ²⁵ At Yusup en yogoisikilogolik agaromi mel yogoisasike, apuni supuruk kandum oko paluok iluk wagaika mene aroma, inasulake lopok wanuak, nen it inapuruk ewekalem lagalogolik nasak mene inomat wogoisasike. ²⁶ Ati nogo wogoisasikomo, supuruk ama nogo wam keledai apot oba liakhilik, wolok laukwa. ²⁷ Laga lagaukwasik o arat hi isikomo o nogo egarek oba ewelema nogo uogoluk supuruk wam keledai wogesigeluk ap ake su hele hilike hak he, su a'la eka wolok lagaike mene amanogo kalek were'ma eileken hasike! ²⁸ Aren inom lagaukwa mene amanogo yoisikilogolik, "Hineileken lakaweni yoma eka supuruk oko paligin iluk wolok wagi anogo yi." Apuni inewelopok inasulake lopok eka a'la kalek were'ma nek, ineki hakhilik lagaukwa. Oe agot en Yakub Yogosukwa Wene ²⁹ Oe agot amanogo laga lagaukwasik, inopase Yakub anogo o kanaan were'ma lagaukwa, it amanogo hagalagaike mene piligirogo inopase Yakub yogosukwa. ³⁰ It amanogo nen iki logolik, "Kain kuperenut o mesit mene ati owa haro rogo wene nit yonisikilogolik nit o yoma hit nineil logolik wagep ari nenahalok iluk. Yogonisike! iluk isukwa. ³¹ Meneat he, nit en at kain kuperenut anogo yogotilogolik, nit he ninoba liok hogoat wago o. O yoma nineil kogolik wago lek o iluk yogosukwa. ³² Nit ninewe inesako nen 12 ap omakeat en tago mene, ati nogo meneat he. Nit ninagaiyak ake walagaikomo nen ninagot elawo menenek he, aua Kanaan werek. ³³ Iluk yogotomo nen he, at ap kain kuperenut ane nen ikilogolik, hit arem mene omakeat ake yoma werek kolek hit ato nek he, supuruk wolok hinogogi hinagoromi inapuruk nele motok werek aloma wolok lani o. ³⁴ Lapik he, hinagot elawo mene ati wolok an noba weno, wolok wagep halok, ewerogoat egama higi iluk akegen. Nen it anogo o yoma kogolik wagaika anogo lema'at hano liok hogo hagatarek meneat igi ma higi iluk neluasigin. Nen hiren wene higit hogo ewerogoat mene egep halok hit hinagot helewarek mene hikalogo wulawi wesipik hit wene lek at, supuruk hit were'ma yoma oko pali waga logogun." ³⁵ Howuk it inewelopok supuruk wanuok iluk su wolok waganem inapuruk su apem a'la eka werekma nek ineileken hikilogolik inopase yogosukwama. Inayuk huko apik hagalagailagaike. ³⁶ At Yakub en againapuri yogosiki logolik, "Hit hina'la nen he, an nagainapuri na'laika ati hano akegep a? Yusup laga at, Simon laga at, nen yogotak hit Penyamen wolok logon at a?" ³⁷ Meneat he, at Urupen nen opase yogotilogolik elok at, hat hagainapuri inewe pire inoa'no meneat he, hat haput penyamen wolok wagilek logolik at egen aromari. An nane igin yi hasuk holin o nopase an lapik hobuk wolok hoba wesigin o nopase. ³⁸ Meneat he, at Yakup en ikilogolik, "An naput Penyamen hat heperak lani o iluk yogo hisegen motok lek. We at oe motogat wa'lagama arenek werek, nen akere at eluaganem at oba wene yinogo tinogo hagalasinogo nen igi," iluk yogosike.