(Yakub en Laban Hebisaluk Wulibike Wene) ¹ Eki ake ba Yakub asuk holike hak he, Laban aginapuri nen igilogolik he. Iren iren igilogolik, ''Yakub en nit ninopase mene helelong hogo wane ati nen.'' ² At Yakub en Laban oabut oba eleken lakhasike hak he, at laban oabut at hake lek we hunigat negen aike. ³ Ninopase etage pogot nen Yakub yogoti logolik, ''Hat hebe talaigin oba,' hoba lak welauka ba aloma lagen halok, An nen hano tapo motok logigin." ⁴ Yakub en ake yoko laksigilogolik mel yogosano Rahel, Lea it o lemo wam domba, kambing yage werekma atoma lano. ⁵ At Yakub nen it yogosigilogolik he, ''An neleken lagigi menere, hat hopase Walhoak oabut hunigat negen haga lagama higi. At oabut an noba alep welaike hake lek higi. ⁶ Hit heperak he, hinelu an, hit hinopase hesik yabu motok apigat halik wagagi ati. ⁷ Nen hit, hinopase nen an lanape re, neki mo lagigik pigik iko kolek 10 huli nen halogo higik, Laban nen an nebe apik at lanawik waga; ''Meneat he, nopase Walhoak en an hano nabi logo ati. ⁸ Hit hinopase nen igilogolik, 'Wam kambing esi muli higik mola higik mene ato helelonghogo wanino. Wanugun mene re, eki oko at isike ati oba nen he, wam kambing esi muli higik mola higik tasigin men helelong hogo re, an asusak meneat he, at Laban nen igilogolik, 'wam kambing esi yiliwarek huli warek ama hakegin. nen it he, wam esi yili warek huli warek hugi ama nak he, ineki oko akoageip.'' nen anogo isikesik he, helelong hogo wam kambing eak esi yili warek huli warek talaike. ⁹ Ati nen, wam hit hinopase mene, "Walhoak wanesik en an wonete. ¹⁰ Wam helou mene kulok mene oba ai, huniritarek atem oba haga laganem. ''An nabi ba neleken higi mene re, we wam kambing kulok esi huli warek, muli higik mola higik mene oba lapelek welaika higi. ¹¹ An, nabi bare, "Walhoak en yogo pelaksawagarek mene nen 'an yogo nete logolik, ''Yakub 'o wui.' ¹² At Malaikat pogot oba nen yogo piwagarek mene a'nogo nen 'an yogonitilogolik, 'lakan! wam kambing kulok mene nen asiok oba labelen a'nogo wam helelong hogo re, esi yili warek huli warek mene ama '' An hali a'ma helelong hogo neleken arat higi. ¹³ An, Nebe Walhoak o' Betel hoba wagi. Yiba nen, hat helep omaket halok ake wanike, "Hetaiken wekelogo helep som liagasogo hilik, oboloba amusu pelakesike, 'An hesik ake, igilogolik. An Nopase Walhoak yogotak ya hat hebe o talaigin oba aloma lano." ¹⁴ Rahel, Lea nen Yakub yogorik he, "Ninopase walarik en he, yi'mene ti'mene ake wonisegen lek mene hagat. 'iluk isuka. ¹⁵ Ninopase nen nit ninebe re, walekma nen wagagu mene negen halinaperek. Nit ninebe wik weak hogo halinapike ati nen ebe hogo at mene re, eka ama helelong hogo re nit asuem. ¹⁶ Yimene timene helelong hogo re, ninoba ekiba welagagu mene aroma. Waloak en arat wane ati nen nit nineagi asusak mene arenak aga. ati halok he at." Walhoak en ike higit hogoat halino,'iluk yogotike. ¹⁷ A'nogo yogoti komo at Yakub arat lagaluk, at aginapuri, agugi wam unta ba liaginapike. ¹⁸ At opase werekama o kanaan otoma legen iluk isikesik wam unta,wam domba, wam kambing helelong hogo eba lebetilik eloke palogo satilik laganem. 'Yakub alep agik laike. Nen yi'timen-ti'mene at o leimo aram logolik oko wanike mene helelong hogo wolok laike. ¹⁹ Ati ba laban wam domba esi pali geluk laga kolek 'Rahel oma kisike sik opase hogoraterek mene ogareken atage terafim ati hinatike. ²⁰ Laban o Aram mene yakub en lalike, 'an legen iluk laban yogo tilek laike. ²¹ Yakub, he yekerek, timene-timene at mene hili lekma hoalik lekma wolok eferat tegek palogo o Geliat tom eroba atoma wauka. ²² It wauka huli nen, huli eki henagen welaikesik at laban ala ebeti logolik he, Yakub arat laga, ''iluk akasike. ²³ At laban apuni atogori napikesik Yakub musok lauka'laga laukasik inepe hup sabit en wagalan kasik o geliak tom ama werekma, laban nen Yakub inoba waike. ²⁴ Laban huako atiba walhoak en abi ba yagoti logolik, hat habiba nen wene ake Yakub amage lausak mene ake yogotun o, ''Terafim an nokareken hogorati rek mene hinaluk laikama herik lauka,'' ²⁵ bunu ukul oba yakub o lese wutilik werekma,laban o he alek hup siak Yakub eberak apiauka. ²⁶ At Laban nen Yakub yogotilogolik, "Nahalok an lanapen? Nalogomi wogisek ap wem yabi logolik inoane a'garek mene ati hele warinabik? Wogisek laikarek hak, wogisek laike? ²⁷ Hat legen iluk, yogonelen ma, an ninom supuruk omakima lapuk hogo isago nilogolik he, wuni kecapi, rebana watilogolik hai warogo laginabuem he, nel laben napetik legen igilek,' ama sabok wagen? ²⁸ An nalogomi, nobawi hat wogisek legen mene re an nen hai inape saluk warinabuem. iluk yoneten legat aren an nebe motok kebutanen. ²⁹ Ati re, 'an nen wene hat weak iluk yogo hesuem he, ati nen wene an nen hat hoba pilingirogo uem, 'yogo huako,'' waloak hat hopase hagoraterek mene a'nogo nen wagasik nabi ba yogo netelogolik, ''Aren yakub oba wene ake yi'nogo ti'nogo yogo susak lek.'' iluk yogotike. ³⁰ Hat nen, 'an nopase oba legen, 'iluk hala a'gigilagen ati re, 'an hutapilagi meneat he, hat 'an nogareken nesok eboke hanarek welagarek mene terafim ati nahalok wolok wagen?'' ³¹ At, 'Yakub en he, yogohesuem he, hat nen halogomi haksegen heawa, we an nayuk a'gama wagarikmo. ³² Ati nen he, ''Hat hogareken hogoratetek mene ati 'an hinaluk wagilek o. Nen ake 'an nimom wago mene nen hat hogareken hagoratetek mene ati ake wolok waigasik hago werek halok he, ebe motok wasugun. Haren ninasulake 'sa nen wane iluk, 'an nayalak inebe werekolek ya'herani. Nen werek halok, wanini. ³³ Laban laikesik, Yakub o lese wurik werekma herarik laike, at Yakub werema tak ala heratike re, lekma nen he, hobuk o ' lea welaike ba heratike. Nen hubuk o at mene ati atitigeke hemi inebe pire mene inoba heratike. At nen eleken hasike mene lek at en, o rahel welaike ba kisike. ³⁴ A'nogo herotokolek he, Laban ogoreken Rahel en unta o boloba inale telogo hulai karek oba ala kalisike sik ebe obolo ba hurek welaike Laban o ala ke helelong hogo herati ke mene at ogaraken A'nogo lek aike. ³⁵ Rehael opase yogoti logolik, ''Nopase wena ne tun,an helokoma manarik hebe wokan ene re,wenanitan.an namen tugi wiri lago nen hurek welagi iluk yogotike,at laban o warik ala ke helong nogo herati ke mene re niok lek at hagalaike. ³⁶ YAkub a mage lagisikesik, mel isike, an nen we hat mene hagutima? An nen wene palek mene ake sagalima? Hat an sinarek munarek wagen? ³⁷ Hat nen, an mene, yoma lingi logo rogo haletik ebe hat mene re, heraten a? Ake wanen halok he an noba ya weinem matin. Heraten helok ha, an nagoromi inel oba nen hat hagoromi oba selema ya nen sa hono sa weak uok en he, yogotak ya wanen mene ya hime. ³⁸ An hat neberak logolik yabu mo lagigik pigik iko kolek 20 huli ba nen he, wam ake tomba, wam kambing tasigin mene walaga laike lek, nen an wam domba atoma ake omaket halok nikilek. ³⁹ Nen wam domba ake o abut weak maro mene nen watenem, hat hoba wolok wogosiagu lagi nogo? We an nen at aguanmo higi lagi agigi, nen hat mene likene huako lek aiganem he ake heren nin iluk igilagan A'gigi. ⁴⁰ Ati nogo hali logolik, hoako nogo igilek neluk welagik likene mo aik apik mene noba hikena. ⁴¹ At mo lagik pigik iko kolek 20 hubi ba nen yabu hagatike, nen mo lagik pigik iko kolek 14 huli ba nen yabu alogomi inebe pire mene hesik haligi. 'an, mo lagigik pigik iko kolek sabit 6 huli ba re, wam hesik yabu haligi, nen ati bare ineki pire lapuk 10 nen yabu haligi mene neki oko lek halago hisigin ⁴² Ninopase Atage Pogot Walhowak Isak oba abram en hogorati laike mene a'nogo nen ''An lebenigi logelep lekma, hau lain iluk yogonelen. mene re, ''Nopase walhowak nen ''An yabu hagati lagagi mene, ekin pekin noba higi laga mene hobuk noba aganem iluk he, o yogotak huako ''At nen wene arat tekogo ike, "iluk yogotike. ⁴³ Yogotikomo, ''At Laban nen, oko yogotilogolik, yekerugi aroma mel, wam ama an mene.'' Hemi pire an nalogomi, it inaginapuri 'an nobawilak at, wam domba apik ama 'an mene mare, yi'mene ti'mene motok werekma higi mene ama helelong hogo re, 'An nologomi naginapuri ati nen. Nalogomi mel nobawilak ati nen he, 'an nen yinogo tinogo it onoba ake haligin lek. ⁴⁴ A'nogo lek oba nen he, yi re at eberak lapuluka mene iluk igilogowak en helep som nomologo liapuka'iluk yogosike. ⁴⁵ Yogotikesik yakub nen helep huko mene wanikesik menogo hesuka. Yogotikesik 'Yakub nen helep huko mene wanikesik menogo hesuka. ⁴⁶ At nen apuni a'monogo yogosigi logolik he, helep ake natogorogo abi wurogo ya hini. Nen arat hisukasik supuruk arem nogoat nasuka. ⁴⁷ Laban nen ati etage re it 'Aram inane ba, "Yagar Sahaduta iluk salike. Nen at 'Yakub nen it ibari mene inaneba re, etage Galead salike.'' ⁴⁸ Hobuk hesik wene hano lapulo. ''iluk yogosike. ⁴⁹ At Laban nen igilogolik, we hat haleme an nalekma asugun meneat he, "Ninopase Etage Pogot Walhowak nen sonines logolik hano ninape logowak en, ''ya re etage huli ba iluk menogo hilik 'kayo ''iluk saluka. ⁵⁰ Hat nen ake,' an naginapuri, nalogomi yoma werek kolek, hat he hubuk ake iten halok helu asigin, nen '' Hopase etage pogot Walhoak eleken hoba logogin at o. ⁵¹ Metek, 'Kayo yire nit arat tulem hogosik helep natogorogo alimo kek hogo ati re, neperak en wene ogo mene inane huli warogo hogo yi. ⁵² Neperak hopuk hesik he, 'an nen hinoasigin iluk, nen hat nen 'hat nen hinoasigin iluk waga logogun meneat he, wene tek hogo ninane huli warogo helep oba tulem menogo hogo yiba,' an nen hebuluk wagilek, nen'hat nen heuluk legen legat o. ⁵³ Ati nogo isikesik, ake igilogolik, Ninopase etage pogot "Walhoak nit ninoba Abraham nen, 'an nopase Nahot hagoratilauka mene nen panisigi logogin. Iluk ati nogo yogo tikomo, 'Yakub nen an arat a'nogo halilogogin 'iluk Walhoak opase Isak nen hogo ratelaike mene ati etage hubuk palike. ⁵⁴ Ati nogo palikesik, 'Yakub wam domba eak omaket ake 'Inopase Etage pogot Walhoak hesik warogo ayalak, agoromi inom nogon iluk inayoko hesikomo re, nasuka. 'nasukasik inebe ikuloba arat nogo isuka. ⁵⁵ Nogo isukasik, oarat wei isikomore, hup siak hogo,' Laban nen alogomi, obawilak loak 'iluk hai inape saluk warinabik lagalogolik, 'ane inoba horogo laksasike.