Yoahas ebe inoe kain etage werek welaike wene ¹ It apuni o atoma mene nen Yoahas Yosia aput elokoma laukwa, nen at ebe opase ugulukmo inoe kain etage werek o Yerusalem mene hesik hagalaike. ² At Yoahas ebe welaike eki 23 tahun huli ebe inoe kain etage werek Yehuda mene hesik hagalaikesik at en eki tugi henagen oba warogo hagasek welaike. ³ At inoe kain etage werek Mesir hagasek welaike mene o Yerusalem en lek halogo wulakesukwama o atoma mene nen wulakesukwa ati hesik oko eka 1000 talenta perak mene nen ake 1 talenta eka emas hisukwa. ⁴ Anogo halukwama at inoe kain etage werek Mesir mene ati nen Elyakim menisike, Yoahas ayak,inoe kain etage werek Yehuda nen Yerusalem mene hesik hagalaike. Anogo nen Nekho etage hobuk mene Eliakim en Yoyakim hagalaike nen ake Yoahas abel make Nekho o Mesir laike. Yoyakim inoe kain etage werek Yehuda welaike ⁵ At Yoyakim ebe 25 tahun huli oba at ebe inoe kain etage werek hagalaike nen 11 tahun oba at en o Yerusalem aweama hagasek welaike. At en Ninopase Etage pogot, Walowak eilken oba weak hagatilaike. ⁶ At Nebukadnezar, inoe kain etage werek o Babel mene nen o Yehuda mene inoatikesik en Yoyakim eki hele posiemaken tembaga mene oba hematikesik en wolok o Babel wolok lasak oba halike. ⁷ At Nebukadnezar en o Ninopase Etage pogot awi wurikmo welaike mene wanikesik en wolok o Babel hogoratarek mene auak halekma hilaike. ⁸ At Yoyakim obogat lapukogo hagatilaike mene, nen o eloken wegagaro higilaike. Atinogo hagatilaike mene suesika Alkitab oba holal palukwa. Yoyakhin, Yoyakim aput agulukmo ebe inoe kain etage werek halogo it welaikarek oba menhisukwa. (Yoyakhin Ebe Inoe Kain Etage Werek Hagalaike Wene) ⁹ At Yoyakhin ebe wam mauge eki 18 huli oba inoe kain etage werek o Yehuda mene hesik hagalaike nen at en o Yerusalem aweama hagasek logolik tugi henagan watike eki o hiko weiko ikokolek 10 huli hagalaike. At Yoyakhin en Ninopase Etage pogot eileken ma wene weak mene hake nak hagatilaike. ¹⁰ Ineki ake wam mauge kopokogo laikomo ake oba inoe kain etage werek Nebukadnezar en at ayabu halarek mene inebe miren hake Yoyakhin wolok o Babel wesuagaluk laksasikomo Ninopase Etage pogot awi wurikmo ake hano mene inom wolok waukwa. Nebukadnezar en Sedekia,ayak opase Yoyakhin inoe kain etage werek ket mene hesik o Yehuda nen Yerusalem halogo hisike. Sedekia ebe inoe kain etage werek Yehuda hesik hagalaike ¹¹ At Sedekia ebe welaike eki wam mauge 21 huli kopokogo inoe kain etage were welaike nen wam mauge 11 huli kopokogo at en o Yerusalem aweama hagasek welaike. ¹² At Sedekia nen Ninopase Etage pogot eileken ma weak enak hagatilaike nen at en wene yogosikerek mene Yeremia ne arat at eilanem Ninopase Etage pogot ane palek yogosigilaike. O Yerusalek etage lek hagalaike ¹³ At Zedekia apot etenogo lakei waikesik inoe etage werek Nebukadnezar eperak isukwa ati arat at hesik Ninopase Etage pogot etage palogo higit hogo hagateloigin iluk hane eberogat mene in isike. Meneat he,at Zedekia ukulak helep aike, it etauken abireke aike nen oabut hebelarik ninopase Etage pogot, Walowak Israel mene oba lasak mea aike. ¹⁴ It ukuloak Walowak Esewerek nen ukuloak apuni Yehuda mene apuni ake inebe obogat Ninopase Etage pogot inom heksek motok welaukwa. O Yerusalem, it en apuni etake mene inoabut waganogo nen Ninopase Etage pogot awi wurik arat Ninopase Etage pogot en tegelogo hisike mene eloken weagarogo hisukwa. ¹⁵ Ninopase Etage pogot, Walowak it inopalak hogoratilaukwa mene, ap ake nen apuni ati hesik inelutuagaluk lakesike ati. At en apuni nen okawerek awi wurik etabi nen halike. ¹⁶ Atinogo meneat he it en ap Ninopase walowak ane yogosagarek mene ati nen wene yosikenem inasuk holusak inabit. It en Ninopase etage pogot ane inanesagan wogosigilaukwa, atiba nen Ninopase Walowak en ukum it inoba hisege nen ake hano halogo hisigilek. ¹⁷ Atiba, Ninopase Walowak en inoe kain etage werek Babel mene nen apuni Yehuda mene nen Yerusalem mene hesik inoasuagaluk lakeiwaike.Inoe kain etage werek ati nen ap elege hugi o Ninopase Etage pogot awi wurikmo nen sige oba inoatike. At en etabi hisigilek, at en ap elege mene inalugetek mene nen,ap hemi inoatike. Ninopase Walowak en apuni Yehuda mene Yerusalem mene Nebukadnezar en ukum inoba huagaluk heraksasike. ¹⁸ At Nebukadnezar en o Ninopase Walowak awi wurimo a'lake welaike mene obogat wolok o Babel waike. At en yimene timene hano mene Ninopase Etage pogot awi wurikmo, inoe etage werek mene obogat wanike, ¹⁹ Nen at Nebukadnezar agoromo weim mene inom en Ninopase Etage pogot awi wurik o hali hisukwa nen o Yerusalem leget wurik mene lapukogo hisukwa.It en hogo leget wurik obogat hali halik nen yimene timene oba hano hagarek mene etage lek halogo hisukwa. ²⁰ At Nebukadnezar en apuni ineluk heraksasukwa mene inabotke wogisek o Babel waike nen it inebe ayabu haluke halogo hisasike. It inebe o Babel yabu halelouagaluk sisaukwama halo werekma o Persia mene inebe logousak oba oane aike. ²¹ Atiba, Ninopase Etage pogot ane palek oba wene yogosikerek mene Yeremia oba isike a'nogo eberogoat hagalaike, Ineki ati oba keang puk arik abi yasusak mea agik,o atoma yabu halilek ineki saralogo welagik, ikokolek wam mauge yikopok tikopok lagakolek ineki 70 huli oba hagalaike. ²² Ineki wam mauge omaket warogo at Keresh welaike oba higit, inoe kain o Persia werekma, Ninopase Etage pogot en Koresh a'la kagalike, at inoe kain Persia mene ati nen Ninopase Etage pogot ene palek Yeremia isike mene ati higit asuak en iluk, inane oba yi yogosik suesika palek oba yogosigik obogat lapukogo inoe kain Koresh wereke ilik laukwa: ²³ Koresh,inoe kain etage werek Persia mene a'nogo nen ane igilogolik, o keangma yoma logousak oba Nipase Etage pogot en an arat wonete, Nopase Walowak pogot oba mene eageba. At en an At aua o Yerusalem wusuagaluk yabu wonete, ebe o Yehuda atoma. At ageinapuri hit hinebe ake, Ninopase Etage pogot, Walowak, hanotinapelogouak, at ati lilik wesuak!'' iluk isike.