¹ Au hiti', Jisus leka' man tinaan dahin atang ha kota asal-Na, dahin d' murid-murid-Na livoh Hia'. ² Teguu' do Sabat atang, Jisus nahari ngajar ha sinagoge. Au hiti', kahum kelunaan alang ngering Hia' ngasaa smeluu, au hiti' duaan, "Man hino Hia' alang lim hal anaan? Hikmat nun alang d' aii man Hia' dahin mukjizat-mukjizat nekelung anaan d' naa' mete' usu-Na? ³ Jaan kah Hia' tukang kayo', anaak Maria, dahin harin Yakobus dahin Yoses au hiti' Yudas dahin Simon? Jaan kah d' harin-harin doh-Na te' ha tini' pejii ita'?" Au hiti', daha' oun tesandung dahin jaan nerima Hia'. ⁴ Au hiti', Jisus duaan dahin daha', "Ha hino-hino kelunaan menghormati kelunaan nabi, kecuali ha nayaan asal na dap, dahin ha antara d' harin na dap, dahin ha umaa' na dap." ⁵ Maka, Jisus jaan hamaan naa' mukjizat ha tinaan, kecuali melok usu-Na ha husun kuri kelunaan medaam dahi navaah daha'. ⁶ Au hiti', Hia' hiran kenaan jaan pesayaa' daha'. Au hiti', Hia' te leka' keliling ha kapong-kapong dahin ngajar. ⁷ Au hiti', Jisus muvi pulu duaa' murid dahin nahari ngutus daha' duaa'-duaa', dahin mai daha' kuasa apusun roh-roh najis. ⁸ Au hiti', Hia' mai perintah ha daha' jung daha' jaan gerii' nun-nun halam ano daha', kecuali tongkat tuaa', tanpa roti, tanpa tas, tanpa duit halam jat kenyung daha', ⁹ tapi mete' sendal dahin jaan mete' dua hakaaw. ¹⁰ Au hiti', Jisus duaan dahin daha', "Hi ino lim p'lo mutaam ha umaa', melaak na tinaan atang p'lo hamaan musaang man tinaan. ¹¹ Au hiti', ha' te' nayaan alang jaan nerima p'lo dahin jaan ngering p'lo, teguu' p'lo leka' u'eh na debu man tudak ka' sebagai jii kesaksian man daha'." ¹² Au hiti', daha' pun leka' au hiti' mai dengaah bahwa kelunaan-kelunaan harus bertobat. ¹³ Maka, daha' ngahum mugaa' sitan dahin mengurapi ngahum kelunaan medaam mete' minyak, serta navaah daha'. ¹⁴ Au hiti', Hipi Herodes au bangkit man haang kelunaan mate, maka mukjizat-mukjizat anaan nyadi halam Hia'." ¹⁵ Bale na duaan, "Hia' naan Elia." Tapi, bale na duaan, "Hia' naan nabi, nekelung salah jii man daha' nabi." ¹⁶ Tapi, teguu' Herodes ngering hal anaan, hia' duaan, "Yohanes, alang au ak merung kuhung na, au d' bangkitkan!" ¹⁷ Memang Herodes dap alang au nyuhu' kelunaan, nyuhu' hia' jung mekaam Yohanes, dahin membelenggu hia' halam penjara demi Herodias, hawaan harin lake' na, Filipus, kenaan Herodes au ngahawaak Herodias. ¹⁸ Sebab, Yohanes au hari kuri duaan ha Herodes, "Jaan laan ika' alaa' hawaan harim." ¹⁹ Kenaan hiak ti, Herodias melok dendam ha Yohanes dahi ikam sang lemate hia', tapi hia' jaan bisa. ²⁰ Sebab, Herodes takut ha Yohanes teguu' hia' au jaam bahwa Yohanes naan kelunaan laan dahin kelunaan suci, dahin Herodes melindungi hia'. Teguu' Herodes ngering Yohanes, hia' jadi hiran, tapi Herodes melu ngering Yohanes. ²¹ Tapi, atang na do alang pas, teguu' Herodes pas do ulang tahun na naa' perjamuan man pejabat-pejabat bo na, perwira-perwira na, dahin pemimpin-pemimpin Galilea. ²² Au hiti' teguu' anaan doh Herodias mutaam au hiti' ngaraang, hia' naa' Herodes meluu' dahin daha' alang melok pejii dahin na. Au hiti', hipi duaan dahin doh anaan, "Ake na nun lim alang im ikam dahin akui sang mai ina' man ika'." ²³ Au hiti', Herodes besumpah ha hia', "Nun tuaa' alang im ake ha akui, ak aii man ika', bahkan atang separuh man kerajaan kui." ²⁴ Au hiti', doh anaan leka' temoh duaan dahin hinaan na, "Nun alang harus ak ake?" Huee hinaan na, "Kuhung Yohanes pembaptis." ²⁵ Au hiti', do hiak na pa dahin pehiraak-hiraak, doh anaan atang ha hipi temoh duaan, "Akui ikam k're ni pa ika' mai man akui kuhung Yohanes Pembaptis ha usun tudak." ²⁶ Kenaan anaan, hipi jadi sedih, tapi kenaan sumpah na dahin kelunaan-kelunaan alang kumaan pejii dahin na, hia' jaan ikam menolak doh anaan. ²⁷ Au hiti', hipi temoh ngato' jii kelunaan algojo dahin nyuhu jung gerii kuhung Yohanes, au hiti' algojo anaan leka' dahin merung kuhung Yohanes ha penjara. ²⁸ Au hiti', hia' gerii kuhung Yohanes ha usun tudak dahin mai ina' man doh anaan, au hiti' doh anaan mai ina' man hinaan na. ²⁹ Au hiti', teguu' murid-murid Yohanes ngering ina', daha' atang temoh alaa' lu'ung Yohanes dahin melok ina' halam kubor. ³⁰ Au hiti', d' rasul pehengkung pejii dahin Jisus au hiti' megii man Hia' nun tuaa' alang au daha' naa' dahin nun tuaa' alang au daha' ajarkan. ³¹ Au hiti', Jisus duaan dahin daha', "Te nah peliung diri ha nayaan alang lengio dahin ngelae na aki." Sebab, te' kahum kelunaan alang atang au hiti' leka', dahin sang kumaan pun daha' jaan havah. ³² Au hiti', Jisus dahi d' murid-murid-Na leka' peliung diri mete' haruk ha nayaan alang lengio. ³³ Tapi, kahum kelunaan lemnang daha' leka' dahin jaam nerana' daha'. Au hiti', kelunaan kahum anaan nepurung pejii lalo alaan tanaa' man lim kota, dahin atang ha hiti' unaak man Jisus dahin d' murid-murid-Na. ³⁴ Teguu' Jisus leka' ha bahe' hunge, Hia' lemnang kahum pate kelunaan, dahin Hia' ngasaa masii' ha daha' kenaan daha' nekelung domba alang jaan hioun gembala. Maka, Jisus nahari ngajar daha' kahum hal. ³⁵ Teguu' do nahari malam, d' murid-murid Jisus atang ha Jisus au hiti' duaan, "Nayaan ani' nayaan alang lengio dahin au lingaah malam. ³⁶ Suhuu na daha' leka' ha daerah sekeliling dahin ha desa-desa jung daha' mele' gat alang sang d' kumaan." ³⁷ Tapi Jisus nyuee, "Ika' na alang mai daha' kumaan." Au hiti', daha' duaan dahin-Na, "Haruskah kame' leka' au hiti' mele' roti alang belin na 200 dinar dahin mai ina' jung d' daha' kumaan?" ³⁸ Jisus duaan ha daha', "Te' kuri roti alang im hipun? Leka' au hiti' lemnang!" Teguu' daha' jaam ina', daha' duaan, "Lima roti dahun dua madik." ³⁹ Au hiti', Jisus nyuhu' daha' pah jung melok halam kelompok-kelompok ha nayaan urok ijo. ⁴⁰ Kelunaan ngahum anaan melok berkelompok, te' alang matuu kelunaan dahin te' alang lima pulu kelunaan. ⁴¹ Au anaan, Jisus alaa' lima roti dahin duaa' masik anaan, lemnang ha langet, Hia' ngucap syukur dahin munaang-munaang roti anaan, au hiti' Hia' mai ina' ha d' murid-murid-Na jung mai ina' kelunaan ngahum. Hia' pa mai-mai duaa' masik anaan ha kelunaan pah. ⁴² Au hiti', daha' pah kumaan atang besoh. ⁴³ Au hiti', daha' alaa' pulu dua keragaa' alang penuu dahin sisa-sisa roti dahin masik. ⁴⁴ Au hiti', te' na lima ribu lake'-lake' alang kumaan roti. ⁴⁵ Au hiti', Jisus temoh nyuhu d' murid-murid-Na mu'un ha halam haruk au hiti' leka' unaak man Hia' ha dipah, ha Betsaida, jiaruun Hia' nyuhu kelunaan ngahum anaan leka'. ⁴⁶ Teguu' au megii man daha', Hia' leka' ha ngalaang sang sabayaang. ⁴⁷ Teguu' sang malam, haruk te' ha beluaa' danum, dahin Jisus dap ha tanaa'. ⁴⁸ Au hiti', teguu' au lemnang murid-murid-Na paharuk dahin peraah kenaan dii berlawanan arah dahin daha', kira-kira teguu' jam jaga malam kepaat, Jisus atang ha daha' mete' pano ha husun danau dahin Hia' sang pano lalo man daha'. ⁴⁹ Tapi teguu' daha' lemnang Jisus pano ha usun danau, kurin daha' bahwa Hia' naan tok, au hiti' daha' pebukaak, ⁵⁰ kenaan daha' pah lemnang Jisus dahin takut. Tapi, Jisus temoh duaan ha daha', dahin duaan ha daha', "Tenaang na. Ani' Akui! am takut." ⁵¹ Au hiti', Hia' mu'un pejii daha' ha haruk, dahin dii anaan pun ngeraam, dahin daha' senaang pate. ⁵² Sebab, daha' masih jaan jaam tentang mukjizat lima roti anaan kenaan kenaap daha' masih d' keras. ⁵³ Dahin, au na Jisus dahin d' murid-murid-Na lawaat, daha' nagaah ha tanaa' Genesaret dahin berlabuh. ⁵⁴ Teguu', daha' ngileh man haruk, kelunaan-kelunaan temoh jaam Jisus, ⁵⁵ au hiti' nepurung ha lim daerah anaan dahin nahari gerii kelunaan-kelunaan medaam ha usun tilam, ha hino pun daha' ngering tentang nayaan Jisus. ⁵⁶ Maka, ha hino pun Jisus mutaam ha desa-desa, atau kota-kota, atau nayaan-nayaan ha sekitar ina', daha' miri kelunaan-kelunaan medaam ha nayaan kelunaan kahum au hiti' ake asii ha Hia' jung daha' hamaan mekaam ujung jubah-Na tuaa'. Dahin hi pun alang megaak jubah-Na hamaan sayuu'.