¹ Atang na daha' ha dipah hunge, ha daerah kelunaan-kelunaan Gadara. ² Teguu' Jisus ngileh man haruk, temoh te' kelunaan man kubor alang putaam roh najis pehina Jisus. ³ Hia' melaak ha halam kubor-kubor. Jaan te' kelunaan alang sanggup ngatung hia' nguak, bahkan mete' rantai. ⁴ Sebab, hia' au sering d' ngatung mete' belenggu tudak dahin rantai, tapi hia' mutat rantai na dahin merung belenggu na. Jaan te' ji kelunaan pun alang kuat sang menundukkan ina'. ⁵ Putung ngetdo dahin malam, hia' pebukak ha kubor dahin ha ngalaang-ngalaang au hiti' ngeperah diri na dap mete' bato'. ⁶ Teguu' kelunaan anaan lemnang Jisus temoh besujud ha nang Jisus. ⁷ Au hiti', sambel pebukak dahjn dahun alang tayaa' hia' duaan, "Nun urusan kui Dahim, Jisus, Anaak Tipang alang Maha bo? Akui ake mohon ha Ika' demi Tipang, am nyiksa akui!" ⁸ sebab, Jisus au duaan dahin na, "Musaang na im man kelunaan ani', o roh najis!" ⁹ Au hiti', Jisus metang dahin kelunaan anaan, "Hi araam?" Dahin, hia' nyuee, "Araak Legion kenaan kame ngahum." ¹⁰ Hia' bekali-kali ake mohon ha Jisus jung jaan mugaa' daha' man daerah anaan. ¹¹ Ha hinaan te' d' kawan ayaa' bavi tengaah kumaan ha jelang ngalaang. ¹² Au hiti', roh-roh ja'ak anaan ake mohon ha Jisus, dahin duaan, "Suhuu' na kame' ha bavi-bavi anaan sehingga kame' mutaam ha halam na." ¹³ Jisus mengabulkan ina'. Kenaan anaan, roh-roh najis anaan leka' au hiti' mutaam ha lu'ung d' bavi-bavi. D' kawan alang araa' kira-kira dua ribu anaan nepurung ha bahe' tevi atang ha danum, au hiti' tenggelam ha halam danum. ¹⁴ Au hiti', penjaga-penjaga bavi anaan liung dahin megi hia' ha kota dajin ha kampung. Au hiti', kelunaan-kelunaan musaang sang lemnang nun alang terjadi. ¹⁵ Au hiti', kelunaan-kelunaan anaan atang ha Jisus dahin lemnang hia' alang maha'up putaam roh ja'ak, alang hipun legion, tengaah melok, dahin mete' hakaaw, dahin hia' au sayuu' nguak. Au hiti', daha' pun jadi takut. ¹⁶ Au hiti', daha' alang nyinang kejadian anaan, begisah ina' ha kelunaan-kelunaan nuno tun hal anaan hamaan tejadi ha kelunaan alang putaam roh ja'ak au hiti' tentang bavi-bavi anaan. ¹⁷ Kenaan anaan, kelunaan-kelunaan nahari ake Jisus jung melaak daerah daha'. ¹⁸ Au hiti', teguu' di Jisus tengaah mu'un halam haruk, kelunaan alang maha'up de alang putaam roh ja'ak anaan ake asii jung hia' hamaan pejii' dahin Jisus. ¹⁹ Tapi, Jisua jaan mai ijin ina', melainkan duaan dahin na, "Laap im ha d' harim. Gisah na man daha' lim hal alang ah Tanangaan naa' ha ika' dahin bahwa Tanangaan masii' dahim." ²⁰ Au hiti', kelunaan anaan leka' dahin nahari begisah man kelunaan-kelunaan ha Dekapolis tentang lim hal alang au Jisus naa' ha ika'. Au hiti', lim kelunaan pun hiran. ²¹ Teguu' Jisus lawaat nguak dahin haruk ha dipah, kelunaan ngahum pehengkung jelaang Hia', dahin Hia' te' ha bahe' hunge. ²² Au hiti', te' kelunaan pemimpin sinagoge alang araan na Yairus atang au hiti' au hia' lemnang Jisus, hia' temoh besujud ha tudak-Na. ²³ Au hiti', hia' ake mohon dahin laan-laan ha Jisus, dahun na, "Anaak doh kui alang masih tu'uk hampir sang mate. Atang au hiti' te na usu-Ka' husun na jung hia' hamaan sayuu' dahin murip." ²⁴ Au hiti' Jisus leka' dahin Yairus. Te' ngahum kelunaan alang livoh Jisus dahin ngerumon Hia'. ²⁵ Au hiti', te' jii doh alang pendarahan selama pulu' dua dumaan. ²⁶ Hia' au bekali-kali peraah kenaan kahum tabib, dahin au musaang lim alang na hipun. tapi jaan te' guna na dahin keadaan na malah makin perah. ²⁷ Au na hia' ngering tentang Jisus, doh anaan livoh Jisus man la'ung ha beluaa'-beluaa' kahum kelunaan au hiti' mekaam jubah-Na. ²⁸ Doh anaan duaan, "Ha' akui hamaan mekaam jubah-Na tuaa', akui bisa sayuu'." ²⁹ Teguu' hiak na lim pa daha' na berhenti dahin hia' ngasaa bahwa lu'ung na au sayuu' man pedaam na. ³⁰ Jisus temoh jaam man diri-Na dap bahwa te' kuasa alang au musaang man Hia'. Hia' nekulah t' haang kerumunan anaan au hiti' duaan: "Hi alang mekaam jubah-Kui?" ³¹ Au hiti' murid-murid Jisus duaan dahin-Na, "Ika' lemnang kelepang kelunaan mendesak-desak Ika' au hiti' Ika' duaan, 'Hi alang mekaam Akui?" ³² Au hiti', Jisus lemnang kelunaan keliling sang lemnang hi alang au naa' ina'. ³³ Tapi, teguu' hia' jaam nun alang au tejadi ha diri na, doh anaan jadi takut dahin ngedar. Hia' atang dahin besujud ha nang Jisus serta megi man Jisus lim alang laan na. ³⁴ Au hiti', Jisus duaan dahin doh anaan, "Anaak-Kui, iman ka' au nyelamat ika'. Leka' na halam damai sejahtera dahin sayuu'na man pedaam ka'." ³⁵ Jiaruun Jisus masih duaan, atang na kuri kelunaan man umaa' pemimpin sinagoge alang duaan, "Anaak ka' au mate. Na nun pa masih ngaru Guru?" ³⁶ Tapi, Jisus jaan ikam ngering nun alang au d' gii, Hia' duaan ha pemimpin sinagoge anaan, "Am takut, pesayaa' tuaa'." ³⁷ Au hiti', Jisus jaan nyuhu jii kelunaan oun livoh Hia', kecuali Petrus, harin Yakobus. Au hiti', daha' ha umaa' kepala' sinagoge anaan, ³⁸ Au hiti' Hia' lemnang alang pete', dahin kelunaan-kelunaan nanggi pa meratap mete' pebukaak. ³⁹ Au hiti', teguu' Jisus mutaam, Hia' duaan dahin daha', "Na nun pa ika' nyawaan au hiti' nanggi? Anaak anaan jaan mate, tapi tengaah tudu." Tapi an d' kesing Jisus. ⁴⁰ Tapi, Hia' nyuhu daha' pah musaang au hiti' Hia' maveh tamaan dahin hinaan nyaam anaan, serta kelunaan-kelunaan alang pejii dahin-Na, au hiti' mutaam ha ruangan nayaan nyaam uk anaan te'. ⁴¹ Au hiti', an Na kam na usu' uk anaan dahin Hia' duaan ha hia', "Talita kum!" (Arti na, "Doh uk, Akui duaan man ika', maur na!") ⁴² Nyaam doh anaan temoh nekring dahin nahari pano-pano, kenaan umor na baru pulu' dua dumaan, dahin temoh na lim kelunaan ngasaa takjub. ⁴³ Au hiti', Jisua nyuhu alang keras ha kelunaan ayaa' anaak anaan jung jaan te' ji kelunaan pun alang jaam hal ani', dahin duaan man daha' jung nyaam anaan d' aii kumaan.