¹ Au hiti', Jisus mutaam uak ha sinagoge, dahin ha tinaan te' kelunaan alang usu' na lumbuh behenji. ² Daha' lemnang Jisua sang lemnang laan ka Hia' sang navaah kelunaan anaan t' do Sabat sehingga daha' hamaan pesalaa' Hia'. ³ Au hiti', Jisus duaan ha kelunaan alang usu' na lumpuh behenji anaan, "Nekring im ha beluaa'." ⁴ Dahin, Jisus duaan ha daha', "Hamaan ka naa' barik sayuu' dahin barik jaak t' do Sabat? Nyelamat nyawa atau lemate?" Tapi, daha' ngeram. ⁵ Au hiti', Jisus lemnang tebeh daha' dahin heleh. Hia' sedih pate atas kekerasan ate daha'. Au hiti', Jisus duaan dahin kelunaan alang usu na lumpuh behenji anaan, "Ulur na usu ka'." Au hiti', kelunaan anaan ngulur usu na, au hiti' usu na jadi lumpuh. ⁶ Kenaan anaan, kelunaan-kelunaan Farisi temoh leka', dahin nahari bersekongkol dahin kelunaan-kelunaan Herodian alang ngelawan-Hia' tentang nuno tun lemate Hia'. ⁷ Tapi, Jisus peksuu diri man d' murid-murid-Na ha hunge, dahin lim kelunaan man wilayah Galilea livoh Hia', dahin man Yudea, ⁸ man Yerusalem, Idumea, daerah dipah hunge Yordan, dahin pa man sekitar Tirus, kahum kelunaan teguu' ngering lim alang Jisus naa', atang ha Hia'. ⁹ Kenaan kelunaan kahum anaan, Jisus duaan dahin d' murid-murid-Na jung nyiapkan jii haruk man Hia' sehingga daha' jaan pehigaak Hia'. ¹⁰ Kenaan Jisus au navaah kelunaan ngahum, maka lim kelunaan alang hipun pedaam alang temoh berdesak-desak jung hamaan mekaam Hia'. ¹¹ Au hiti', teguu' roh-roh najis lemnang Jisus, daha' sujud ha nang-Na dahin pebukaak, "Ika' naan Anaak Tipang!" ¹² Tapi, Jisus jaan nyuhu keras daha' sang megii hi Hia'. ¹³ Au hiti', Jisus mu'un ha ngalaang au hiti' maveh kelunaan-kelunaan alang Hia' suhuu' pejii dahin-Na, au hiti' daha' pun atang ha Hia'. ¹⁴ Hia' nyuhu pulu dua kelunaan sehingga daha' hamaan pejii dahin-Na dahin Hia' hamaan ngutus daha' jung berkotbah, ¹⁵ au hiti' mai kuasa jung mugaa' sitan-sitan. ¹⁶ Jisus nyuhu pulu dua kelunaan anaan: Simon (alang man hia' an Jisus aii araan Petrus), ¹⁷ Yakobus, anaak Zebedeus, dahin Yohanes, harin Yakobus (alang man hia' an Jisus aii na araan daha' Boanerges, arti na "Anaak-anaak Guruh" ¹⁸ Andreas, Filipus, Bartolomeus, Matius, Tomas, Yakobus, anaak Alfeus, Tadeus, Simon kelunaan Zelot, ¹⁹ dahin Yudas Iskariot, alang menghianati Hia'. ²⁰ Au hiti', Jisus mutaam ha jii umaa', dahin kelepang kelunaan nekulah pehengkung ha tinaan sehingga Jisus dahi d' murid-murid-Na bahkan jaan hamaan kumaan roti. ²¹ Teguu' d' keluarga-Na ngering hal ani', daha' atang sang gerii Jisus nekulah kenaan daha' duaan bahwa Hia' au jaan waras nguak. ²² Au hiti', Ahli-ahli Taurat alang ngileh man Yerusalem duaan, "Hia' putaam Beelzebul!" dahin, "Hia' mugaa' sitan mete' kuasa pemimpin sitan." ²³ Au hiti', Jisus muvi daha' atang ha Hia', au hiti' duaan mete' perumpamaan, "Nuno pa hamaan Iblis mugaa' Iblis? ²⁴ Ha' jii umaa' kerajaan terpecah-pecah ngelawan diri na dap, kerajaan anaan jaan hamaan betahan. ²⁵ Au hiti', ha' jii umaa' terpecah-pecah ngelawan diri na dap, umaa' anaan jaan akan hamaan betahan. ²⁶ Ha' Iblis biti' ngelawan diri na dap dahin terpecah-pecah, hia' jaan hamaan betahan, tapi beakir na riwayat na. ²⁷ Jaan te' jii kelunaan pun hamaan mutaam ha umaa' kelunaan alang kuat dahin nako harta benda na, kecuali lebih unaak hia' ngatung kelunaan kuat anaan, maka baru na hia' hamaan nako gat halam umaa' na." ²⁸ "Akui duaan alang laan-laan na man ika', lim dusa anaak-anaak kelunaan hamaan d' ampuni, dahin lim daho' alang daha' sebot. ²⁹ Tapi, hi alang ngehujat Roh Kudus jaan kalaak d' ampuni, melainkan salaa' kenaan dusa kekal." ³⁰ Sebab, ahli-ahli Taurat anaan duaan, "Hia' putaam roh najis." ³¹ Au hiti', hinaan dahin d' harin-harin Jisus atang au hiti' nekring ha luar umaa'. Daha' nyuhu kelunaan man Hia' jung muvi Hia'. ³² Kelepang kelunaan tengaah melok pekelilit Jisus au hiti' daha' duaan dahin-Na, "nyinang, Hinaan-Ka' dahin d' harin-Ka' te' ha luar tengaah pelip Ika'." ³³ Au hiti', Jisus nyuee daha' au hiti' duaan, "Hi Hinaak dahin d' Harik?" ³⁴ Au hiti', Hia' lemnang kelunaan-kelunaan alang melok pekelilit Hia' dahin duaan, "Nyinang im, ani' Hinaak dahin d' Harik! ³⁵ Sebab, hi lim alang naa' suhuu' Tipang hiak naan harin lake'-lake'-Kui, dahin harin doh-Kui, dahin Hinaak."