¹ Te' kuri do au hiti, teguu' Jisus nekulah ha Kapernaum, ngering na dengaah bahwa Hia' te' ha umaa'. ² Au hiti', kahum kelunaan pehengkung atang jaan te' nayaan uak, bahkan d' behenji ba betaman sekalipun, dahin Hia' megi' firman ha daha'. ³ Au hiti', daha' atang ha Hia', geri' ji kelunaan lumpuh alang d' masung kenaan paat kelunaan. ⁴ Teguu' daha' jaan hamaan geri' kelunaan anaan te jelang Jisus kenaan ngahum kelunaan, daha' pun muka' hapo' alang ha usun Jisus. Au muka' ina', daha' ngileh tilam nayaan kelunaan lumpuh anaan miri'. ⁵ Teguu' Jisus lemnang iman daha', Hia' duaan ha kelunaan lumpuh anaan, "Hai anaak-Kui, dusa-dusa ka' au d' apon." ⁶ Tapi, te' kuri ahli Taurat alang melok tinaan nahari peknaap halam kenaap daha', ⁷ "Na nun pa Kelunaan ani' duaan nekelung anaan? Hia' tengaaj menghujat! Hi alang hamaan mai apon dusa-dusa kecuali Tipang dap?" ⁸ Jisus temoh jaam man halam Roh-Na bahwa daha' peknap halam kenaap daha'. Hia' duaan dahin daha', "Na nun pa p'lo peknaap nekelung anaan halam kenaap p'lo? ⁹ Ano' alang lebih mele, megi" ha kelunaan lumpuh anaan, 'Dusa-dusa ka' d' apon', atau megi. 'Maur, ju' tilam ka' au hiti' pano' na im'? ¹⁰ Tapi, jaam ka bahwa Anaak Kelunaan hipun kuasa ha bumi jung ngapon dusa-dusa." Jisus duaan ha kelunaan lumpuh anaan, ¹¹ "Akui duaan dahim: maur, ju tilam ka', au hiti' laap na ha umaa' ka'." ¹² Kelunaan lumpuh anaan temoh nekring, alaa' tilam na. au hiti' leka' musaang, ha nang kelunaan kahum. Daha' pah takjub dahin memuliakan Tipang, serta duaan, "Kame' jaan pa kalaak lemnang hal alang nekelung ani'!" ¹³ Jisus leka' uak ha bahe' danau, dahin lim kelunaan kelepang atang ha Hia', dahin Hia' ngajar daha'. ¹⁴ Teguu' Hia' lalo, Hia' lemnang Lewi, anaak Alfeus, tengaah melok ha nayaan d' bayar pajak. Au hiti', Jisus duaan dahin na. "Im livoh na Akui." Au hiti', Lewi pun nekring dahin livoh Hia'. ¹⁵ Dahin, jiaruun Jisus melok alang pa kumaan peji' dahin Jisus serta d' murid-murid-Na, kenaan ha hiti' te' kelunaan ngahum, dahin daha' livoh Jisus. ¹⁶ Teguu' te' kuri ahli Taurat man kelompok Farisi lemnang Jisus tengaah kumaan peji' dahin kelunaan-kelunaan bedusa dahin pehengkung-pehengkung pajak, daha' metang dahin d' murid-murid-Na, "Na nun Hia' kumaan peji' d' penagih pajak dajin kelunaan-kelunaan bedusa?" ¹⁷ Teguu' Jisus ngering hia', Hia' duaan ha daha', Daha' alang sehat jaan perlu dokter, melainkan daha' alang medaam. Akui atang jaan sang muvi kelunaan-kelunaan laan, melainkan kelunaan-kelunaan bedusa." ¹⁸ Murid-murid Yohanes dahin kelunaan-kelunaan Farisi tengaah bepantang. Na nun pa d' murid-murid Yohanes dahin Farisi bepantang, tapi murid-murid-Ka' jaan bepantang?" ¹⁹ Au hiti', Jisus duaan ha daha', "Hamaan ka d' pengiring pengantin bepantang sementara pengantin lake'-lake' masih peji' daha'? Selama pengantin lake'-lake' anaan masih peji' dahin daha', daha' jaan hamaan bepantang. ²⁰ Tapi, do na sang atang teguu' pengantin lake'-lake' d' api' man daha', dahin pas do anaan na daha' sang bepantang. ²¹ Jaan te' kelunaan alang ngepat hakaaw ulaa' alang biraak mete balun alang maring. Ha' nunaan, kepat balun alang maring anaan sang miraak hakaaw alang au daraa', dahin iraak na sang makin tayaa'. ²² Dahin, jaan te' kelunaan alang mu'aak anggur maring ha halam kantong belanit alang daraa'. Ha' nunaan, anggur anaan sang miraak kantong belanit anaan sehingga sayuu' anggur maupun kantong na piah tasaa'. Sebalik na ha halam kantong belanit alang maring." ²³ Dahin, te' jii do Sabat, Jisus lalo luma' gandum, au hiti' halam ano, murid-murid-Na nahari alaa' bulir-bulir gandum. ²⁴ Au hiti', kelunaan-kelunaan Farisi duaan dahin-Na, "Lemnang, na nun pa daha' naa' nun alang ngelanggar hukum do Sabat?" ²⁵ Au hiti', Hia' duaan ha daha', "Jaan ka kalaak basa nun alang Daud naa' teguu' hia' dahin kelunaan-kelunaan alang dahin na tengaah jaan gat dahin lao'? ²⁶ Nuno tun hia' mutaam ha Umaa' Tipang teguu' masa Abyatar menjabat sebagai Imam Ayaa', au hiti' kumaan roti persembahan, alang hanya hamaam d' para imam kumaan, dahin pa mai roti anaan ha kelunaan-kelunaaan alang dahin na?" ²⁷ Au hiti', Jisus duaan dahin kelunaan-kelunaan Farisi anaan, "Do Sabat d' naa' man kelunaan, bukan kelunaan man do Sabat. ²⁸ Jadi, Anaak Kelunaan naan Tanangaan, dahin husun do Sabat."