¹ Au hiti', Jisus duaan ha kelunaan kahum dahin murid-murid-Na, ² "Lim d' ahli Taurat dahin kelunaan-kelunaan Farisi melok ha usun kursi Musa. ³ Kenaan hiak naan, lim gat hal, kahum alang d' duaan ha ika', naa' ma dahin lemnang sayu'. Tapi, am naa' gat-gat na kenaan daha' duaan ina', tapi jaan naa' ina'. ⁴ Daha' melaak beban-beban alang bahaat dahin ngeletak ina' ha usun la'ung kelunaan bale. Tapi, daha' dap jaan ikam mude ina' dahin usuu' daha'. ⁵ Daha' naa' pah gat daha' jung kelunaan nyinang. Daha' naa' tayaa' tale'-tale' sabayaang daha'. ⁶ Daha' ikam nayaan terhormat halam perjamuan, nayaan melok ha nang halam sinagoge-sinagoge, ⁷ salam penghormatan ha nayaan-nayaan umum, dahin d' gii' Rabi man kelunaan-kelunaan. ⁸ Tapi, am ikam an d' uvi rabi kenaan hanya jii' k' Guru ka, dahin p'lo pah paharin. ⁹ Am nyebot hi lim sebagai ame ka ha dania ani' kenaan ji' k' Ame ka, hiak ti' Hia' alang ha telaangjulaan. ¹⁰ Am pa ika' an d' gii pemimpin kenaan jii' tuaa' Pemimpin ka, hiak ti' Kristus. ¹¹ Tapi, alang tayaa' t' haang p'lo, hendak na hia' jadi pelayan ka. ¹² Hi alang ngeboo diri na sang d' rendahkan dahin hi alang ngelivaak diri na sang d' ngeboo. ¹³ Celaka na im, ahli-ahli Taurat dahin kelunaan-kelunaan Farisi, kelunaan-kelunaan munafik! Ika' mekap ba betaman Umaa' Telaangjulaan ha nang kelunaan kenaan ika' dap jaan mutaam ina' au hiti' pa jaan mengizinkan daha' alang tengaah mutaam jung mutaam ina'. ¹⁴ Celaka na im, hai ahli-ahli Taurat dahin kelunaan-kelunaan Farisi, kelunaan-kelunaan munafik! Ika' apii' umaa' d' balo' dahin amoh ka naa' sabayaang-sabayaang alang aruu'. Kenaan anaan, ika' sang nerima hukuman alang lebih bahaat. ¹⁵ Celaka na im, hai ahli-ahli Taurat dahin kelunaan-kelunaan munafik! Ika' te ha lautan dahin tanaa' jung gerii' kelunaan mutaam ha halam agama ka. Dahin, teguu' hia' au jadi salah ji' na, ika' naa' ina' anaak neraka, dua kali lipat man ika' dap. ¹⁶ Celaka na im, hai lim pemimpin buta, alang duaan, 'Hi alang besumpah demi Bait Tipang, hal anaan jaan te' arti na. Tapi, hi alang besumpah demi emas Bait Tipang, hia' terikat man sumpah na anaan.' ¹⁷ Ika', alang mega'aw dahin alang buta! Ano' alang tayaa', emas atau Bait Tipang alang menguduskan emas anaan? ¹⁸ Dahin, 'Hi alang besumpah demi altar, sumpah anaan jaan te' arti na. Tapi, hi alang besumpah demi persembahan ha usun altar anaan, hia' terikat man sumpah na anaan.' ¹⁹ Hai ika' kelunaan-kelunaan buta! Ano' alang tayaa', persembahan atau altar alang menguduskan persembahan anaan? ²⁰ Kenaan anaan, hi alang besumpah demi altar, besumpah demi altar dahin lim alang te' ha usun na. ²¹ Dahin, hi alang besumpah demi Bait Tipang, besumpah demi Bait Tipang dahin demi Hia' alang ngeraam ha halam na. ²² Dahin, hi alang besumpah demi telaangjulaan, besumpah demi takhta Tipang, dahin demi Hia' alang melok ha usun na. ²³ Celaka na im, hai ahli-ahli Taurat dahin kelunaan-kelunaan Farisi, kelunaan-kelunaan munafik! Ika' mai persepuluhan ka man selasih, adas manis, dahin lakin, tapi au ngabaikan hal-hal alang lebih bahaat man Hukum Taurat, hiak naan keadilan, belas asii', dahin iman. Hal-hal ani' alang seharus na au im naa' tanpa ngabaikan hal-hal alang bale. ²⁴ Ika' pemimpin-pemimpin buta, alang menyaring. ²⁵ Celaka na im, hai ahli-ahli Taurat dahin kelunaan-kelunaan Farisi, kelunaan-kelunaan munafik! Sebab, ika' na ma'ang bagian luar sawaan dahin uit ka, tapi bagian halam na penuu' rampasan dahin rakus. ²⁶ Ika', kelunaan-kelunaan Farisi alang buta! Mayo na unaak bagian halam sawaan dahin uit, maka bagian luar na pun hamaan ma'ang. ²⁷ Celaka na im, ahli-ahli Taurat dahin kelunaan-kelunaan Farisi, kelunaan-kelunaan munafik! Sebab, ika' tiah nekelung kubor alang d' sat putii', ha bagian luar na hinang sayu', tapi bagian bagian halam na penu' dahin tulang-tulang kelunaan mate dahin lim kenajisan. ²⁸ Nunaan pa dahin ika', ha bagian luar ika' tulaa' laan ha kelunaan. Tapi, ha bagian halam ika' penuu' kemunafikan dahin alang ja'ak. ²⁹ Celaka na im, ahli-ahli Taurat dahin kelunaan-kelunaan Farisi, kelunaan-kelunaan munafik! Kenaan, ika' megoh kubor-kubor daha' nabi dahin naa' nyemdoh nisan-nisan kelunaan-kelunaan saleh, ³⁰ au hiti' duaan, 'Ha' kame' au murip man do ukuu' ayaa' kame', kame' jaan apii' bagian dahin daha' halam dahaa' daha' nabi.' ³¹ Dahin nunaan, ika' bersaksi ha diri ka dap bahwa daha' alang lemate daha' nabi. ³² Jadi, genapi na ukuran lim d' ukuu' ayaa' ka. ³³ Ika', ular-ular, anaak ular-ular beludak, nuno tun ka sang melaak diri man hukuman neraka? ³⁴ Kenaan anaan, lemnang na im, Akui ngutus nabi-nabi, kelunaan-kelunaan alang bijaksana, dahin ahli-ahli Taurat ha ika'. Kuri man ika' sang im lemate dahin d' nyaleb, kuri sang im nukul ha sinagoge-sinagoge ka, dahin im aniaya man kota ha kota, ³⁵ jung lim Daha' kelunaan-kelunaan laan alang d' uaak ha bumi sang atang ha ika', mulai man dahaa' Habel, ³⁶ Alang laan na, akui duaan ha ika' bahwa lim hal-hal ani' sang atang usun generasi ani'." ³⁷ "Oh Yerusalem, Yerusalem, alang lemate d' nabi dahin ngetah mete' bato' daha' alang d' utus dahin na. Betapa sering na Akui ikam mehengkung d' anaak-anaak ka pejii', nekelung hinaan henyaap mehengkung d' anaak-anaak na ha idaak kapit na, tapi ika' jaan ikam. ³⁸ Lemnang im, umaa' ka an d' la'ak man ika' dahin jadi lengiyo. ³⁹ Kenaan, Akui megii man ika' bahwa mulai k're ni, ika' jaan akan lemnang Akui uak atang ika' duaan, 'D' berkati na Hia' alang atang halam araan Tanangaan."